Matthew 2

Nisuotieng renga mivârngei

1Rêng Herod ânlal lâihan Judea rama Bethlehem khopuia Jisua ajuong inzira. Ânzirsuo, harenghan, ârsi tienga lekha inchû ngâi mivârngei senkhat nisuotieng renga Jerusalema an juonga 2“Khotieng mo Judangei rêng ajuong inzir nâitesen hah a om? Nisuo tienga ama ârsi kin mua, ama chubaimûk rangin kin juong ani,” an tia.

3Ma roi hah Rêng Herod'n a rietin chu, a mulungjîng sabaka, Jerusalema mi murdi khom an mulung ajîng sa ani. 4Ochaisingei le Balam minchupungei murdi munkhatin a koibûm ngeia, an kôm han, “Khotieng mo Messiah ânzir rang?” tiin a rekel ngeia.

5Hanchu, anni han a kôm, “Judea ram Bethlehem khopuia,” tiin an thuona, Dêipu'n hi anghin a lei mizieka:

6“Judah ram sûnga Bethlehem,#Mic 5:2

nangma Judah khopuilienngei lâia achîntak ni tet mak che;

na sûng renga ruoipu alân zir rang ani,

ki mi Israelngei ruoi rangpu hah.”

7Masikin Herod'n nisuo tienga mivârngei hah a koi ngeia, ârsi ânlang zora tak hah anni renga a man theina rangin inrûktên ântongpui ngei zoi. 8Hanchu hi chong hih bê'n anni hah Bethlehem'a a tîr ngei: “Se ungla, nâite hah asadimin va rok ungla, nin mûn chu mi hong ril nôk roi, masikin keima khom ama chubaimûk ke se theina rangin,” a tia.

9-10Hanchu an mâka, male an lampuia an sea, nisuo tienga ârsi dên hah an mu nôka. Ârsi hah an mûn chu an râiasân sabaka, idôr taka râisân mo an ni zoi! Nâite omna chung ridîn aphâk mâka chu inngam loiin an moton a ruoi ngei banga. 11Insûnga an va lûta, male a nu Mary leh nâite hah an va mua, khûkinbilin chubai an mûk zoi. Neinunpêk ranga an chôi, rângkachak, bero le myrrh (murrah) an kaisuoa, a kôm an pêk zoi.

12Hanchu, Herod kôm tieng se nôk khâiloi rangin an ramangin Pathien'n inningna a pêk ngei sikin lampui danga an ram tieng an kîrnôk zoi.

Egypt tieng an rot

13Hanchu, anni ngei hah an mâk suole chu, Pumapa vântîrton inkhat Joseph kôm ramangin ajuong inlâra, a kôm han, “Herod'n nâite that rangin a rok rang kêng. Masikin inthoi inla, nâite le a nu hah tuong inla, Egypt rama rotpui ngei roh, hong nôk rangin nang ki ril mâka chu mahan omchien roi,” a tia.

14Joseph ânthoia nâite le a nu a tuong ngeia, hani jân renghan Egypt ram an pan kelen zoi. 15Herod thi mâka chu mahan an omchien zoi. Pumapa'n dêipu bâia, “Ka nâipasal chu Egypt ram renga ko koi suok,”#Hos 11:1 a lei ti hah ajuongtung dikna rangin maha ahong om ani.

Nâipangngei thatin an om

16Herod'n nisuo tienga mivârngei han an huong ti a rietin chu a ningathik sabaka. Mivârngei kôm renga ârsi ânlang zora roi a riet dungjûiin Bethlehem le a revêla nâipang pasal kumnik nuoitienga murdi chu that riei rangin chong a pêk zoi.

17Dêipu Jeremiah'n a lei misîr:

18“Ramah khuoa in-iek miring rietin aoma,#Jer 31:15

Rangâisie taka chap miring hah.

Rachel'n a nâingei ranga a châ;

amanu hah tâi thei khâi mak

an thi pe zoi sikin,” ti hah ahongtung zoi ani.

Egypt ram renga an hongkîr nôk

19Herod a thi suole chu, Pumapa vântîrton inkhat Egypt rama Joseph kôm ramangin ânlâra, 20a kôm, “Inthoi inla, nâite le a nu hah tuong inla, Israel rama se nôk ta roi, nâite that ranga bôkngei hah an thi zoi,” a tia. 21Hanchu, Joseph ânthoia, nâite le a nu a tuonga Israel rama an se nôk zoi.

22Aniatachu, Archelaus a pa Herod ruthûlin Judea rama rêng a chang ti Joseph'n a rietin chu ha taka se hah a chia. A ramangin rilin a om nôka, masikin Galilee ramhuol tiengkâng han an sea 23khopui inkhat Nazareth an tia han anva om zoi. Hanchu dêipungeiin, “Ama hah Nazareth mi tîng an tih,” tia an lei ti hah adikin ahongtung ani.#Mk 1:24; Luk 2:39; Joh 1:45

လက်ရှိရွေးချယ်ထားမှု

Matthew 2: SAKNT

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

Pathien Lekhabu Inthieng Chongtung Thar အကြောင်းကို ပို၍ သင်ယူပါ။

Matthew 2
မှ လူကြိုက်နှစ်သက်သော ကျမ်းပိုဒ်များ။

နားထောင်ပါ။ Matthew 2

Matthew 2 အကြောင်း ဗီဒီယိုများ

ရှင်မဿဲခရစ်ဝင် 1-2

Lumo Project

Matthew 2

Matthew 2
မှ လူကြိုက်နှစ်သက်သော ကျမ်းပိုဒ်များ။

နားထောင်ပါ။ Matthew 2

Matthew 2 အကြောင်း ဗီဒီယိုများ

ရှင်မဿဲခရစ်ဝင် 1-2

သမ္မာကျမ်းစာ:

Sakachep

ဗားရှင်း: Pathien Lekhabu Inthieng Chongtung Thar - SAKNT

Matthew 2

Matthew 2

Matthew 2မှ လူကြိုက်နှစ်သက်သော ကျမ်းပိုဒ်များ။

နားထောင်ပါ။ Matthew 2

Matthew 2 အကြောင်း ဗီဒီယိုများ

ရှင်မဿဲခရစ်ဝင် 1-2

သမ္မာကျမ်းစာ:

Sakachep

ဗားရှင်း: Pathien Lekhabu Inthieng Chongtung Thar - SAKNT

Matthew 2

Matthew 2
မှ လူကြိုက်နှစ်သက်သော ကျမ်းပိုဒ်များ။