Ala Kalɔ Buse 12
12
Katɔti Ɔ́lɔ Abram
1Na uwi ɔmmɔ kemmo ni, Unwoti ɔ́su Abram ɔnini, “Tɔlɔ ƒula kalɔ lɛlɔ, ku ƒula bekyuli kudɔ ku ƒ'ɔti kaduli na eteesie kalɔ kani na matina-a lɛlɔ.”
2“Ndubɔya na kadi bekyuli pii balɛ basiku-ɔ lɛlɔ.
Na ndubute-ɔ kusɛ kusɛ.
Ndubɔya na aƒɔ lɛnyi geen,
na bekyuli badubɔsia-a lɛlɔ na bakɛ kusɛ kusɛ
3Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ.
Na ukyuli biala ɔni mewida-a ni, ami lɛnɔ ndubo-nwu buwida.
Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”
4Anwuɔsu Abram ɔ́tɔlɔ mmɔ aani kalɛ na Unwoti ɔ́su-nwu kalɛ, na Lot lɛnɔ ɔkɛ ɔsiaku-nwu. Na uwi ɔni na Abram ɔ́yu ulu ɔ́si Haraan ni, ɔ́ƒɔ akwa liti ku aavlanyɔ-ɛlɔ. 5Na útiku ulekudi ku ɔnwani ubidi Lot ku bana ala ani ƒui na bebo ku bana bebi ku kabla bablane bani ƒui na bákɛ básiku Haraan mmɔ badanku béselaku Kanaan, na bétéduo mmɔ sɔsɔ.
6Abram úsie ɔ́vi kalɔ kammɔ ƒui kemmo útédu kesii kani na More kugyii kunengudi kunye na Sekem. Na uwi ɔmmɔ kemmo ni, na Kanaan kadi bekyuli nli mmɔ. 7Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.
8Ka ɔ́si mmɔ ni, údi úsie abi ammɔ kudɔ na Betel ɔƒɛ katukɔ kakɛ na ɔ́lɛ nwuna adi kevo na mmɔ na Betel ku Ai lɛma ntɛ. Anwuɔsu Betel ɔkya ɔƒɛ kanukɔ na Ai ɔkya ɔƒɛ katukɔ. Mmɔ lɛnɔ ɔ́lɛ lɛkpabi na ɔ́kpali Unwoti. 9Ka Abram ɔ́ta mmɔ ni, úti anumi ɔ́tina Negev kalɔ kakwiidi.
Abram Úsie Egyipte
10Na uwi ɔmmɔ kemmo ni, kɔka bonwu kɔdi kúbo kalɔ kammɔ ƒui lɛlɔ, anwuɔsu Abram úsie Egyipte na útákya mmɔ uwi ɔdi na kɔka kpakplaa kɔmmɔ ɔsu. 11Asa na badubuduo Egyipte ni, Abram ɔ́su ulekudi Sarai ɔnini, “Ngyi kalɛ na aadia bɔnu. 12Na si Egyipteƒuɔ bánu-ɔ ni, badubo bɔsu banii, ‘Ulekudi na ɔdi mɛni.’ Na badubo-mi bɔdu na baya na awɔ elie ngba. 13Anwuɔsu su-ma ka mina ɔnwani ulekubi na adi. Na ɔkɛnku awɔ ɔsu badubo-mi bɔda kaduɛ na basɔ baládu-mi.”
14Ka Abram úbeduo Egyipte kalɔ lɛlɔ ni, Egyipteƒuɔ bánu ka uleku ɔmmɔ ɔdia sɔsɔ. 15Na ka Ƒarao benengu bammɔ bánu-nwu ni, bémwi-nwu bátina Ƒarao na bákpanku-nwu bésienku nwuna ɔga kaduli mmɔ. 16Ɔ́da Abram kaduɛ na Sarai ɔsu na béte-nwu baƒonu ku ɔmantɛ bakɔ ku bebuo ala betine bagyani ku beledi ku bananabi kabla bablane ku belekubi kabla bablane ku baƒlumu lɛnɔ.
17Nsu Unwoti ɔ́ya na ɔlɛ kpakplaa ɔdi úbo Ƒarao ku nwuna kaduli bekyuli na Abram ulekudi Sarai ɔsu. 18Ɔmmɔ ɔsu Ƒarao ɔ́tala na bátálɔ Abram béboku-nwu na úye-nwu ɔnini, “Bi na ɔdi na ábla-bu mɛni, na átasu-mi ka ƒ'ulekudi na ɔdi? 19Na bi ɔsu na ásu-mi anii, ‘Mina ɔnwani ulekubi na ɔdi.’ Ɔmmɔ ɔsu na líti-nwu lísienku mina kaduli ka unwini-mi uleku. Aanu ƒ'ulekudi, ɔƒaani tiku-nwu na biteesie!” 20Amu na Ƒarao úbo nwuna benengu bammɔ ɔda na Abram lɛlɔ na bédie-nwu ulu ku ulekudi ku ala ani ƒui na ubo na bátɔlɔ.
လက်ရှိရွေးချယ်ထားမှု
Ala Kalɔ Buse 12: lef
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.