ကမ္ဘာဦးကျမ်း 49:28-33

ဤ​သူ​အပေါင်း​တို့​သည် အစ္စရေး​မျိုးနွယ်​တစ်ဆယ့်​နှစ်​နွယ်​ဖြစ်​၏​။ ဤသည်ကား သူ​တို့​၏​ဖခင်​သည် သူ​တို့​အသီးသီး​ရထိုက်​သော​ကောင်းချီးမင်္ဂလာ​အတိုင်း သူ​တို့​အား​ကောင်းချီးပေး​သောအခါ မြွက်ဆို​သော​စကား​ဖြစ်​၏​။ တစ်ဖန် ယာကုပ်​က သူ​တို့​အား “​ငါ​သည် ငါ့​လူမျိုး​တို့​စုစည်း​ရာ​သို့ သွား​ရ​တော့​မည်​။ ဟိတ္တိ​လူမျိုး​၊ ဧဖရုန်​၏​လယ်​၌​ရှိ​သော​လိုဏ်ဂူ​ထဲ၌ ငါ့​ကို ဘိုးဘေး​တို့​နှင့်အတူ​သင်္ဂြိုဟ်​ကြ​လော့​။ ထို​လိုဏ်ဂူ​သည် ခါနာန်​ပြည်​၊ မံရေ​မြို့​အရှေ့​၊ မပ္ပေလ​လယ်​၌​ရှိ​၏​။ အာဗြဟံ​သည် ထို​လယ်​ကို ကိုယ်ပိုင်​သင်္ချိုင်းမြေ​အဖြစ် ဟိတ္တိ​လူမျိုး​ဧဖရုန်​ထံ​မှ ဝယ်ယူ​ခဲ့​၏​။ ထို​အရပ်​၌ အာဗြဟံ​နှင့်​သူ​၏​မယား​စာရာ​ကို သင်္ဂြိုဟ်​ကြ​၏​။ ထို​အရပ်​၌ ဣဇက်​နှင့်​သူ​၏​မယား​ရေဗက္ကာ​ကို သင်္ဂြိုဟ်​ကြ​၏​။ လေအာ​ကို​လည်း ထို​အရပ်​၌ ငါ​သင်္ဂြိုဟ်​ခဲ့​၏​။ ထို​လယ်​နှင့်​လယ်​ထဲ​ရှိ​လိုဏ်ဂူ​ကို ဟေသ​အမျိုးသား​တို့​ထံ​မှ ဝယ်ယူ​ခဲ့​၏​”​ဟု မှာကြား​လေ​၏​။ ယာကုပ်​သည် သူ​၏​သား​တို့​ကို​မှာကြား​ပြီး​သောအခါ ခုတင်​ပေါ်သို့​သူ​၏​ခြေ​ကို​ရုပ်​ပြီး နောက်ဆုံး​ထွက်သက်ထွက်​၍ သူ​သည် မိမိ​လူမျိုး​တို့​စုစည်း​ရာ​သို့ ရောက်​လေ​၏​။