ခပ်သိမ်းသောအရာအတွက် သတ်မှတ်ထားသောအချိန်အခါရှိ၍ ကောင်းကင်အောက်ရှိ ခပ်သိမ်းသောအကြောင်းကိစ္စအတွက် သူ့အချိန်ရှိ၏။ မွေးဖွားရသောအချိန်နှင့် သေဆုံးရသောအချိန်ရှိ၏။ စိုက်ပျိုးရသောအချိန်နှင့် စိုက်ပျိုးထားသောအရာကို မြေလှန်ဖျက်ဆီးရသောအချိန်ရှိ၏။ သတ်ရသောအချိန်နှင့် ကျန်းမာစေရသောအချိန်ရှိ၏။ ဖြိုဖျက်ရသောအချိန်နှင့် တည်ဆောက်ရသောအချိန်ရှိ၏။ ငိုကြွေးရသောအချိန်နှင့် ရယ်မောရသောအချိန်ရှိ၏။ မြည်တမ်းရသောအချိန်နှင့် ကခုန်ရသောအချိန်ရှိ၏။ ကျောက်များကိုလွှင့်ပစ်ရသောအချိန်နှင့် ကျောက်များကိုစုရသောအချိန်ရှိ၏။ ပွေ့ဖက်ရသောအချိန်နှင့် ပွေ့ဖက်ခြင်းကိုရှောင်ကြဉ်ရသောအချိန်ရှိ၏။ ရှာဖွေရသောအချိန်နှင့် ဆုံးရှုံးရသောအချိန်ရှိ၏။ ထိန်းသိမ်းရသောအချိန်နှင့် လွှင့်ပစ်ရသောအချိန်ရှိ၏။ ဆုတ်ဖြဲရသောအချိန်နှင့် ချုပ်လုပ်ရသောအချိန်ရှိ၏။ တိတ်တဆိတ်နေရသောအချိန်နှင့် စကားပြောရသောအချိန်ရှိ၏။ ချစ်ရသောအချိန်နှင့် မုန်းရသောအချိန်ရှိ၏။ စစ်တိုက်ရသောအချိန်နှင့် စစ်ပြေငြိမ်းရသောအချိန်ရှိ၏။ အလုပ်လုပ်သောသူသည် မိမိ၏ကြိုးပမ်းအားထုတ်မှုမှ မည်သည့်အကျိုးကိုရရှိသနည်း။ လူသားတို့ကိုရုန်းကန်စေရန် သူတို့အား ဘုရားသခင်ပေးအပ်တော်မူသည့် အလုပ်ကို ငါတွေ့မြင်၏။ ကိုယ်တော်သည် ခပ်သိမ်းသောအရာတို့ကို သူ့အချိန်နှင့်သူလှပအောင်ပြင်ဆင်တော်မူပြီး လူ၏စိတ်နှလုံးထဲ၌ ထာဝရကာလကိုလည်း ထည့်သွင်းထားတော်မူ၏။ သို့သော် အစမှအဆုံးအထိဘုရားသခင်ပြုတော်မူသောအမှုကို လူသည် ရှာဖွေ၍မတွေ့နိုင်။
ဒေသနာကျမ်း 3 ကိုဖတ်ပါ။
နားထောင်ပါ။ ဒေသနာကျမ်း 3
မျှဝေရန်
ဗားရှင်းအားလုံးနှိုင်းယှဉ်ပါ: ဒေသနာကျမ်း 3:1-11
အခန်းငယ်များကို သိမ်းဆည်းပါ၊ လိုင်းမဲ့ဖတ်ပါ၊ သင်ကြားမှုအပိုင်းများကို ကြည့်ရှုခြင်းနှင့် အခြားအရာများ။
ပင်မစာမျက်နှာ
သမ္မာကျမ်းစာ
အစီအစဉ်များ
ဗီဒီယိုများ
သမ္မာကျမ်းစာအက်ပ်
ကလေးများအတွက် သမ္မာကျမ်းစာအက်ပ်
