ဓမ္မရာဇဝင်စတုတ္ထစောင် 15:1-4

အစ္စရေး​ဘုရင်​ယေရောဗောင်​မင်းကြီး နန်းစံ​နှစ်ဆယ့်​ခုနစ်​နှစ်​တွင် ယုဒ​ဘုရင်​အာမဇိ​မင်းကြီး​၏​သား​တော်​အာဇရိ နန်းတက်​၏​။ အာဇရိ​နန်းတက်​သောအခါ သက်တော်​တစ်ဆယ့်​ခြောက်​နှစ်​သာ ရှိ​သေး​၏​။ ဂျေရုဆလင်​မြို့​တွင် ငါးဆယ့်​နှစ်​နှစ် စိုးစံ​၏​။ မယ်တော်​ကား ဂျေရုဆလင်​မြို့သူ ယေခေါလိ​အမည်​ရှိ​၏​။ အာဇရိ​မင်းကြီး​သည် ခမည်းတော်​အာမဇိ​မင်းကြီး​ပြုကျင့်​သမျှ​အတိုင်း ထာဝရဘုရား​ရှေ့​တော်​တွင် ဖြောင့်မှန်​စွာ​ပြုကျင့်​၏​။ သို့သော် အထွတ်အမြတ်​ထား​ရာ​နေရာ​တို့​ကို မ​ဖယ်ရှား​သောကြောင့် လူ​တို့​သည် ထို​အထွတ်အမြတ်​ထား​ရာ​နေရာ​တို့​၌ ယဇ်ပူဇော်​လျက်​၊ နံ့သာပေါင်း​မီးရှို့ပူဇော်​လျက် ရှိ​ကြ​၏​။