ဓမ္မရာဇဝင်တတိယစောင် 16:30-33

ဩမရိ​မင်းကြီး​၏​သား​တော်​အာဟပ်​မင်းကြီး​သည် ထာဝရဘုရား​ရှေ့​တော်​တွင် မိမိ​အလျင်​ရှိ​ခဲ့​သော​မင်း​အပေါင်း​တို့​ထက် မကောင်းမှု​ကို​သာ၍​ပြု​၏​။ နေဗတ်​၏​သား​ယေရောဗောင်​မင်းကြီး​၏​အပြစ်လမ်း​အတိုင်း လိုက်လျှောက်​သည်​ကို သာမည​ဟု​မှတ်ယူ​၍ ဆီဒုန်​ဘုရင်​ဧသဗာလ​မင်းကြီး​၏​သမီး​တော်​ယေဇဗေလ​ကို မိဖုရား​မြှောက်​ပြီး ဗာလ​ဘုရား​အား ဝတ်ပြု​ကိုးကွယ်​လေ​၏​။ ရှမာရိ​မြို့​၌​တည်​ထား​သော​ဗာလ​ဘုရား​ဝတ်ကျောင်း​တွင် ဗာလ​ဘုရား​အဖို့ ယဇ်ပလ္လင်​ကို​လည်း တည်​၏​။ အာဟပ်​မင်းကြီး​သည် အာရှရ​နတ်ဘုရားမ​တံခွန်တိုင်​ကို​လည်း စိုက်ထူ​၏​။ ထိုထက်မက သူ့​အလျင်​ရှိ​ခဲ့​သော​အစ္စရေး​ဘုရင်​အပေါင်း​တို့​ထက် အစ္စရေး​လူမျိုး​၏​ဘုရားသခင်​ထာဝရဘုရား​ကို သာ၍​အမျက်ထွက်​စေ​၏​။