Лука 19မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Хүн түрэлхитэнэй Хүбүүн хосорһон хүнүүдые бэдэржэ абархын тула ерээ юм, – гэжэ Иисүүс тэрээндэ хэлэбэ.

– Эзэнэй нэрээр заларан ерэһэн Хаан үршөөл хайратай байһай! Тэнгэридэ амгалан байдал оршоһой, Бурхан алдаршахань болтогой! – гэжэ шанга шангаар хашхаралдаба.

– Шишье Абраһаамай жэнхэни үри һадаһан байнаш. Мүнөөдэр шинии гэр бүлэ абарагдаба.

Иисүүс хажуугаарнь үнгэрхэдөө, өөдөө хаража: – Закхей, модонһоо түргөөр буу! Би мүнөө танайда орохо ёһотойб, – гэбэ. Закхей тэрэ дороо модонһоо буужа, ехэл баяртайгаар Иисүүсые гэртээ оруулжа хүндэлбэ.

– Эзэн аа! Би хахад зөөриеэ үгытэйшүүлдэ хубаажа үгэхэм. Хэрбээ зарим хүнүүдһээ татари буруу нэхэжэ абаһан байгаа һаа, тэрэнээ дүрбэ нугалан бусаахаб, – гэжэ Закхей Иисүүсэй урда зогсон хэлэбэ.

– Багша аа, эдэ шабинартаа абяагүй болохыень захирыт! – гэжэ зоной дундаһаа фарисейнүүдэй зариман Иисүүстэ хандаба. – Шабинараймни абяагүй болоо һаа, харгы дээрэхи шулуунууд хашхаралдаха, – гэжэ Иисүүс тэдээндэ харюусаба.