ယောဟန် 11မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ယေရှု​က “ငါ​သည် သေလွန်သော​သူတို့​ကို ပြန်ရှင်စေ​၍ အသက်​ကို ပေးပိုင်သူ​ဖြစ်၏။ ငါ့​ကို ယုံကြည်သော​သူ​သည် သေလွန်​သော်လည်း ပြန်ရှင်​လိမ့်မည်။ ငါ့​ကို ယုံကြည်​၍ အသက်ရှင်သော​သူ​သည် သေခြင်း​နှင့် အစဉ်​ကင်းလွတ်​လိမ့်မည်။ ငါ့​စကား​ကို သင်​ယုံကြည်သလော” ဟု မိန့်တော်မူ၏။

ယေရှု​က “သင်​ယုံကြည်​လျှင် ဘုရားသခင်​၏ ဘုန်းတော်​ကို မြင်ရမည်​ဟု သင့်​အား ငါ​ပြောခဲ့ပြီ မဟုတ်လော” ဟု မာသ​ကို မိန့်တော်မူ၏။

ထိုအခါ ယေရှု​သည် မျက်ရည်ကျတော်မူ၏။

ထို​သတင်း​ကို ယေရှု ကြားတော်မူ​သောအခါ “ဤ​ဖျားနာခြင်း​သည် သေစေမည့်​ဖျားနာခြင်း​မဟုတ်ဘဲ ဘုရားသခင်​၏ ဘုန်းတော်​ကို ထင်ရှားစေမည့် ဖျားနာခြင်း​ဖြစ်၏။ ဤ​ဖျားနာခြင်း​ကြောင့် ဘုရားသခင်​၏​သားတော်​သည်လည်း ဘုန်းတော်​ထင်ရှား​လိမ့်မည်” ဟု မိန့်တော်မူ၏။

ထိုသို့ မြွက်ဆိုတော်မူပြီး​မှ “လာဇရု ထွက်ခဲ့လော့” ဟု ကျယ်လောင်​စွာ ဟစ်ခေါ်တော်မူ၏။ လာဇရု​သည်လည်း ခြေလက်တို့​၌ ပိတ်စ​ဖြင့် ရစ်ပတ်​လျက် မျက်နှာ​ကိုလည်း ပဝါ​နှင့် စည်းထားသည့်​အတိုင်း ထွက်လာ၏။ ယေရှု​က “သူ့​ကို ပတ်ထားသော​အဝတ်များ​ကို ဖြေပေး​၍ လွှတ်ကြလော့” ဟု မိန့်တော်မူ၏။

ယေရှု​သည် တစ်ဖန် အလွန်​ဝမ်းနည်း​လျက် သင်္ချိုင်း​သို့ ကြွတော်မူ၏။ ထို​သင်္ချိုင်း​သည် ဂူ​ဖြစ်​သောကြောင့် ဂူတွင်းဝ​ကို ကျောက်တုံး​ဖြင့် ပိတ်ထား၏။

ထိုသို့ မိန့်တော်မူ​ပြီးနောက် ယေရှု​က “ငါတို့​၏​မိတ်ဆွေ လာဇရု​သည် အိပ်ပျော်​လျက်​ရှိ၏။ သူ့​ကို နှိုး​ရန် ငါ​သွားမည်” ဟု မိန့်တော်မူ၏။