ဟေရှာယ 45မှ လူကြိုက်နှစ်သက်သော ကျမ်းပိုဒ်များ။

မျှဝေရန်

မှောင်​မိုက်၌​ရှိ​သော ဘ​ဏ္ဍာ၊ လုံ​ခြုံ​စွာ ဝှက်​ထား​သော​ဥ​စ္စာ​တို့​ကို သင့်​အား​ငါ​ပေး​မည်။ သို့​ဖြစ်၍၊ ငါ​သည် သင့်​ကို နာ​မည်​ဖြင့်​ခေါ်​သော ဣ​သ​ရေ​လ​အ​မျိုး၏ ဘု​ရား​သ​ခင်၊ ထာ​ဝ​ရ​ဘု​ရား ဖြစ်​တော်​မူ​ကြောင်း​ကို သင်​သိ​ရ​လိမ့်​မည်။

သင့်​ရှေ့​မှာ ငါ​သွား၍ မြင့်​သော​အ​ရပ်​ကို ညီ​စေ​မည်။ ကြေး​ဝါ​တံ​ခါး​တို့​ကို ချိုး၍၊ သံ​ကန့်​လန့်​တို့​ကို အ​ပိုင်း​ပိုင်း​ဖြတ်​မည်။

ငါ​တစ်​ပါး​တည်း​သာ ထာ​ဝ​ရ​ဘု​ရား​ဖြစ်၏။ ငါ​မှ​တစ်​ပါး အ​ခြား​သော ဘု​ရား​သ​ခင်​မ​ရှိ။ သင်​သည် ငါ့​ကို မ​သိ​သော်​လည်း၊ သင်၏​ခါး​ကို ငါ​စည်း၏။ သို့​ဖြစ်၍ ငါ​မှ​တစ်​ပါး အ​ခြား​သော ဘု​ရား​မ​ရှိ၊ ငါ​တစ်​ပါး​တည်း​သာ ထာ​ဝ​ရ​ဘု​ရား ဖြစ်​ကြောင်း​ကို၊ နေ​ထွက်​ရာ​အ​ရပ်​သား​နှင့် အ​နောက်​မျက်​နှာ​သား​တို့​သည် သိ​ရ​ကြ​လိမ့်​မည်။

ငါ​သည် အ​လင်း​ကို​လုပ်၏။ အ​မိုက်​ကို​လည်း ဖန်​ဆင်း၏။ ငြိမ်​သက်​ခြင်း​ကို ဖြစ်​စေ၏။ အ​မင်္ဂ​လာ​ကို​လည်း ဖန်​ဆင်း၏။ ခပ်​သိမ်း​သော အ​မူ​အ​ရာ​တို့​ကို ငါ​ထာ​ဝ​ရ​ဘု​ရား ပြု​တော်​မူ၏။

မြေ​ကြီး​စွန်း​သား အ​ပေါင်း​တို့၊ ငါ့​ကို​မျှော်​ကြည့်၍၊ ကယ်​တင်​ခြင်း​ကျေး​ဇူး​ကို ခံ​ကြ​လော့။ ငါ​သည် ဘု​ရား​သ​ခင်​ဖြစ်၏။ ငါ​မှ​တစ်​ပါး အ​ခြား​သော​ဘု​ရား မ​ရှိ။

အ​ကြင်​သူ၏​ရှေ့​မှာ အ​ပြည်​ပြည်​တို့​ကို နှိမ့်​ချ၍၊ ရှင်​ဘု​ရင်​တို့​ကို တန်​ဆာ​ချွတ်​လျက်၊ အ​တွင်း​တံ​ခါး​တို့​ကို မ​ပိတ်​ရ​ဘဲ၊ နှစ်​ရွက်​ရှိ​သော တံ​ခါး​တို့​ကို ဖွင့်​ခြင်း​ငှာ၊ အ​ကြင်​သူ၏ လက်​ယာ​လက်​ကို ငါ​ထောက်​မ၏။ ထို​သူ​တည်း​ဟူ​သော ကု​ရု​မင်း၊ ထာ​ဝ​ရ​ဘု​ရား​ပေး​တော်​မူ၍ ဘိ​သိက်​ခံ​သော​မင်း​အား မိန့်​တော်​မူ​သည်​ကား၊

ငါ့​ရှေ့၌ လူ​တိုင်း​ဒူး​ထောက်​ရ​မည်၊ လူ​တိုင်း မိ​မိ​နှုတ်​နှင့် သ​စ္စာ​ခံ​ရ​မည်​ဟု ကိုယ်​ကို​ကိုယ် တိုင်​တည်၍ ငါ​ကျိန်​ဆို​သော တ​ရား​စ​ကား​သည် ငါ့​နှုတ်​မှ ထွက်​သည်​ဖြစ်၍၊ မ​ပြည့်​စုံ​ဘဲ မ​နေ​ရ။

ငါ့​ကျွန်​ယာ​ကုပ်၊ ငါ​ရွေး​ကောက်​သော​သူ ဣ​သ​ရေ​လ​အ​တွက်၊ ငါ​သည် သင့်​ကို နာ​မည်​ဖြင့်​ခေါ်၏။ သင်​သည် ငါ့​ကို​မ​သိ​သော်​လည်း၊ သင်၌ နာ​မည်​သစ်​ကို ထပ်၍​ပေး၏။