ဟဗက္ကုတ် 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

သ​စ္စာ​ပျက်​သော​သူ​တို့၊ ကြည့်​ရှု​ဆင်​ခြင်၍ အ​လွန်​မှိုင်​တွေ​ကြ​လော့။ အ​ကြောင်း​မူ​ကား၊ သင်​တို့​အား သူ​တစ်​ပါး​ပြ​ညွှန်​သော်​လည်း သင်​တို့ မ​ယုံ​သော​အ​မှု​ကို သင်​တို့​လက်​ထက်​ကာ​လ၌ ငါ​ပြု၏။

အို ထာ​ဝ​ရ​ဘု​ရား၊ ကိုယ်​တော်​သည် ကြား​တော်​မ​မူ​ဘဲ၊ အ​ဘယ်​မျှ​ကာ​လ​ပတ်​လုံး အ​ကျွန်ုပ် အော်​ဟစ်​ရ​ပါ​မည်​နည်း။ ကယ်​တင်​တော်​မ​မူ​ဘဲ အ​ကျွန်ုပ်​သည် အ​ဓ​မ္မ​အ​မှု​ကို​ခံ၍၊ ရှေ့​တော်၌ အ​ဘယ်​မျှ​ကာ​လ​ပတ်​လုံး အော်​ဟစ်​ရ​ပါ​မည်​နည်း။

မ​တ​ရား​သော​အ​မှု​ကို အ​ကျွန်ုပ်​အား အ​ဘယ်​ကြောင့် ပြ​တော်​မူ​သ​နည်း။ အ​ဓ​မ္မ​အ​မှု​ကို အ​ဘယ်​ကြောင့် မြင်​စေ​တော်​မူ​သ​နည်း။ လု​ယူ​ခြင်း၊ အ​နိုင်​အ​ထက်​ပြု​ခြင်း​အ​မှု​သည် အ​ကျွန်ုပ်​ရှေ့​မှာ အ​ဘယ်​ကြောင့် ရှိ​ရ​ပါ​သ​နည်း။ ငြင်း​ခုံ​ခြင်း၊ ရန်​တွေ့​ခြင်း​ကို​လည်း အ​ဘယ်​ကြောင့် လူ​ချင်း​ပြု​ရ​ပါ​သ​နည်း။

သို့​ဖြစ်၍ တ​ရား​လျော့​ပါ၏။ တ​ရား​သ​ဖြင့် စီ​ရင်​ဆုံး​ဖြတ်​ခြင်း မ​ရှိ​ပါ။ မ​တ​ရား​သော​သူ​တို့​သည် ဖြောင့်​မတ်​သော​သူ​တို့​ကို ဝိုင်း​သော​ကြောင့်၊ မ​တ​ရား​သ​ဖြင့် စီ​ရင်​ဆုံး​ဖြတ်​ကြ​ပါ၏။