PIANCILNA 25မှ လူကြိုက်နှစ်သက်သော ကျမ်းပိုဒ်များ။

မျှဝေရန်

TOPA in ama kiangah, “Na gil sungah mi nam nih om a, nang’ sung pan a suak mihing nihte kikhen ding hi. Khat pen a khat sangin hat zaw ding a, a uzaw in a nauzaw’ na sem ding hi,” a ci hi.

Esau in Jakob kiangah, “Gilkialin phukhong vei ka hih manin tua na meh san tawmkhat hong nesak in,” a ci hi. (Tua ahih manin ama min Edom kici hi.)

Isaac in TOPA’ tungah a zi a dingin thu ngen hi. Bang hang hiam cih leh amah ciing hi. TOPA in ama thungetna pia a, a zi Rebekah gai hi.

Esau in, “A si ding ka hita hi; kei a dingin innluahza bangin kimang ding ahi hiam?” a ci hi. Jakob in, “Kei’ tungah hong kiciam masa in,” a ci hi. Tua ahih ciangin ama tungah Esau kiciam a, Jakob’ tungah a innluahza a zuak hi.

Tua khit ciangin a sanggampa hong suakkhia a, ama khut in Esau’ khetul len hi. Tua ahih ciangin ama min dingin Jakob kiphuak hi. Amau’ suah ciangin Isaac kum sawmguk a pha hi.

Isaac in Esau’ sa matsa nene ahih manin Esau mah itzaw a, ahi zongin Rebekah in Jakob itzaw hi.