LUCAS 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Shujcunaman imaguta carana cajpipash caranami canguichi. Chashna juyaihuan carajpica, cangunamambash jicharijta jundachishpami caranga. Imashna shujcunaman ricushpa carashcashnallatami, cangunamambash caranga” nircami.

Ali runaguca, paipaj shungupi imatapash aligutalla yarijushpami alitalla riman. Ashtahuangarin, na ali runaca, paipaj shungupi na alitalla yarijushpami imatapash na ali shimicunatalla riman. Imata rimachumbash, shungu ninanda yarichijpimi shimica riman.

Ashtahuangarin cangunata fiñajcunataca juyanami canguichi. Paicunaman alita rurashpa imagutapash mañachishpaca, paicunamanda imatapash japinataca na shuyanachu canguichi. Shina rurashcamandami cangunaca jatun juyaillata japinguichi. Shinallata, cangunaca jahua pachapi causaj Diospaj huahuacunami canguichi. Paica, pashi ninata na yachajcunatapash, na alita rurashpa causajcunatapashmi llaquijun.

Cangunapaj Taita, imashna ninanda llaquishpa juyan, chashnallatami cangunapash shujcunataca, ninanda llaquishpa juyana canguichi.

Pitapash na llaquichishpami, cambash na llaquita apangui. ‘Llaquichi tucunapachami cangui’ nishpaca, cambashmi llaquichi tucungui. Ima na alita rurajpipash cungajpimi, cambaj juchacunatapash cunganga.

Ñuca villajujta uyanajujpimi cangunataca, cashna nini: Cangunata fiñajcunatapash, juyanami canguichi. Cangunata na ricunayachij runacunamambash, imatapash aligutami rurana canguichi. ‘Imapash tucushpaca alichari canman’ nijcunatapash, alicachinami canguichi. Cangunata yangamanda juchachishpa rimajcunamandapash, Diosta mañanami canguichi.

Imashnami shujcuna, cangunaman imatapash aliguta rurachun munanguichi, chashnallatami cangunapash paicunaman alita rurana canguichi.

Pipash canda shuj ñavipi huajtashpa chugrichijpica, chaishujtapash huajtachun saquinallami canguichi. Cambaj jahualla churajushcata maijambash quichujpica, ucuman churajushcatapash apachun saquinallami canguichi. Pipash canda, imagutapash mañaj shamujpica caranguilla. Shinallata, cambajta imatapash apajpica, ama ‘tigrachihuai’ nishpa saquinguilla.

Na ali yurapica, alica na fucunllu. Ali yurapipash, imapash na alica na fucunllu.

Ima yura cajtapash, fucushcata ricushpami rijsirin. Higocunataca, casha yuramandaca na pallanllu. Uvacunatapash, casha yuramandaca na pallanllu.