लूकाल 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

अल्‍हेने मिमेट इनकुनवा वेलाके मनकना रूपमते पुटतोन नना वांतन. अदुनहाटीं मिमेटगुडा बेस तयारते मंटु.”

अदुनहाटीं मिमेट मुन्‍ने स्वर्ग राज्येमतुन आनि पेनदा नीतितुन पह्कट. अस्‍के इव मीकु दोर्कनुं.”

पजा येसु ओरतोनि, “बेस जेगर्ता मंचि, अन्‍नि लालचकुनाल मीवद मिमेटे लक्‍कु मंटु! बारित्‍ते मनकना पिस्वर वेल्‍लेन आस्‍ति मत्‍तेन बेस मनंता इंचि इनकुन्‍मट,” इंचि इत्‍तोर.

बारित्‍ते मीवा दनम बगा मत्‍ते अग्गेन मीवा मनसु मनंता.”

रंदि कीसि ओना आवसुन उंदि गंटा एक्‍को बेरसागोटतोर मीवा नड्‍डुम बोरन्‍ना मंतोरा? हिल्‍लोर.

पजा येसु ओना सिस्युल्कुंक इल्‍हा वेहालय दल्‍गतोर: “नना मीकु वेहनद बतल इत्‍ते, जीवा तिंडिकन्‍ना मुक्‍केम, मेंदुल कपडींकन्‍ना मुक्‍केम आंदु. इंचि पिस्‍सनाहाटीं तिनकोम बतल, उनकोम बतल, इंका मेंदुल्ताहेंका केर्कोम बतल इंचेके रंदि कियमट.

मीवा तल्‍लाता उंदि-उंदि केल्‍लु लेक्‍किस मंता. अदुनहाटीं वेरियमट! पेनदा मुन्‍ने मिमेट वेल्‍लेन कोळ्‍का पिट्‍टेंकन्‍ना बच्‍चोरो विल्‍वा मत्‍तोर आंदिर.”

“अरे नावा सिस्युल्कुनिटा, ‘मीवा पेनबाबाल ओना राज्येमतुन मीकु हियालय वेल्‍लेन कुसिते तयार मंतोर. अदुनहाटीं मोमोट वेल्‍ले मंदि हिल्‍लोम’ इंचि वेरियमट.

आ काकाह्कुन हुळाट! अव वीतों आनि कोय्यों. अचोने आयका अवुनगा गुम्मिं इंका हिल्‍लें. अयना पेन अवुन पोस कीसंता. अदुनहाटीं मिमेट अय्ते आ पिट्‍टेंकन्‍ना बच्‍चोनो विलवा मत्‍तोर आंदिर.

अदुनहाटीं बतल तिंदकोम, बतल उंडकोम इंचेके मिमेट रंदि कियमट. अल्‍हेने अवुन दोर्किच्‍कुनाहाटीं गाबरगुडा आयमट.

अय्ते जाडि इय्याला मंता, नाडि तडमिते वेसि दांता. अयना आ जाडिके पेनबाबाल इच्‍चोन बेसता कपडिं हींतोर. अय्ते अवुंकन्‍ना बेसता कपडिं मीकु हिय्या पर्रोरा रो, विस्वासम तक्‍को लोकुरिटा?

मुच्‍चिसि मत्‍तव अन्‍नि पोल्‍लें बय्यर आंता, तेळियाकोंटा मत्‍तव अन्‍नि वस्‍तुक पलातुक वांतां.