प्रेरितुल्‍कुना कबाह्‍क 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

गानि पवित्र आत्मा मीपोर्रो वातस्के मिमेट येरुसलेम सहर, पूरा यहुदिया एरिया, सामरिया एरिया अल्‍हेने बूमिता आकिरदाका नावा गवाइ आयना ताकत मीकु वायार,” इंचि इत्‍तोर.

अस्‍के येसु ओर्कुन, “अद सिराप पेनबाबांके तारिक आनि वेलाता निरनायम एतना अदिकारम मंता. दान एरपाट कियमळ मीवा कबळ आयो.

उंदि मल्का ओरतोनि कलियसि मननेंके येसु, “येरुसलेम सहर होळसिसि होनमट. नावा पेनबाबाल हीता पोल्‍लेता बारेमते नना मीकु मुन्‍नेन वेहचि मत्‍तन, अद पूरा आयानदाका एदुर हूळसेक मंटु. बारित्‍ते, योहान एतोनि बापतिस्मा हीतोर, गानि मीवा बापतिस्मा कोन्‍नि रोजकुंक पवित्र आत्माताहेंदाल आयार,” इंचि ओर्कुन इत्‍तोर.

येसु हासोंचि तिरियसि तेदतस्‍के, “नना पिस्सि मंतन,” इंचि प्रेरितुल्कुंक गट्‍टिगा रुजुव कीसि हुपिस्तोर. ओर नल्‍पै रोजकुनदाका ओर्क दिस्सेक, पेनदा राज्येम बारेमते वेहासेक मत्‍तोर.

येसु इल्‍हा इत्‍तस्के, ओर हूळसेक मननेंकेन ओन स्वर्गमते तेहाचि ओयमळ जर्गुता. ओर्क दिस्‍साकोंटा उंदि मब्बु तेर्पे अड्‍डम वासि ओन मुच्‍चुता.

ओर पोर्रोळ्‍क तेदिस होननेंके अगा मत्‍ता प्रेरितुल्क मब्बुनहेके उंदेतीर हूळसेक मत्‍तुर. अस्‍केने इव्वुर तेल्‍ला कपडिं केरतोर ओरगा वासि नित्‍तिसि, “ए गालिल लोकुल्‍कुनिटा, मिमेट इल्‍हा नित्‍तिसि मब्बुनहेके उंदेतीर बारि हूळसेक मंतिर? येसुन मिहागटाल स्वर्गमते तेहकुंचि ओयमळ जर्गुता गदा! अय्ते बल्हा मिमेट ओन स्वर्गमते होननेंके हूळतिरो, अल्‍हेने ओर मर्रा तिरियसि वांतोर,” इंचि इत्‍तुर.