Matiye 7မှ လူကြိုက်နှစ်သက်သော ကျမ်းပိုဒ်များ။

မျှဝေရန်

«Í vbí, kú e hí̧ wǎyri, í ɛ́, í e ziŋáké, í haŋ, kú e ŋgburu nzáʼaŋgboro hí̧ wǎyri.

Ɓayhí̧lé, njuku ka vbí, kú e hí̧ nɛ́, njuku ka ɛ́y, e ziŋáké, rá̧ njuku ka haŋ, kú e ŋgburu nzáʼaŋgboro hí̧ nɛ́.

Nǎŋnɔ́, njuku ka láɓay nɛ́ ka mi kaw sanáké, ka ŋgbá ɓayké, ka a niŋ pénáké ɓá báŋké nɔ́y, ké kaw ɓá báŋa njuku a rɔ̧́náké, ka zá vûn a mɛ̌ ka̧n tûl láráy.

Nǎŋnɔ́, i niŋ ɓá báŋké nɔ́ hí̧ njukuri, hɛ̧ri̧ too ka i zi ɓá kú niŋ hí̧ wǎyri. Katína, ɓá hɛ̧ri̧ ka mbété a sáŋna a Mɔyíze rá̧ porofɛ́tri tɔ́ʼɔy.»

Dáy, nzáʼaŋgboro ka a yáy, ɓá ŋgboro ka lá séna mambáy, ɓá ŋgboro ka ɓá njukuri sé gelkáwa a ndísɛ̌ʼɛ dát. Dáy, njukuri tɛ̧́w yáŋ, pé mbí ŋgboroké.»

«Í ri lá nzáʼaŋgboro a ayáké! Ɓayhí̧lé nzáʼaŋgboro a ánaké, ɓá ŋgboro ka ná ɗɛ́ŋ, dáy ɓá ŋgboro ka ɓá njukuri sé hûl, njukuri ɓá ŋgɛ̧́náké, ri lá ŋgboroké nɔ́.

Dáy i ɓá ɓéké njukuri, i tu hí̧ hɛ̧ a béláké hí̧ gun a wǎyri, pé ma Gáŋvbôn, Bâa a wǎyri ka e a nûnalê, pé tí hí̧ hɛ̧ a béláké hí̧ njukuri ka vbí nɛ́ hɛ̧ nyáy lé?

«Í walɓay kɔ̧ tûl a mbáŋa a wǎyri yá, ɓay a Gáŋvbôn, ké tí ná walɓay kɔ̧ tûl a wǎyri kɔ́. Ɓayhí̧lé, Gáŋvbôn e walɓay kɔ̧ tûl a wǎyri ɓá báŋké ka i walɓay kɔ̧ tûl a njukuri kɔ́, ké e lé wǎyri kɔ́, ka hɛ̧ léhɛ̧ nɔ́, ka i lé ɓála mbaŋa a wǎyri rúy.

Dáy njuku, ka láɓay nɛ́ ka mi sa, ka a zi niŋ pénáké yáy, kaw ɓá báŋa dɔ̂ʼɔ, ka zá vûn a mɛ̌ ka̧n tûl sikɔʼɛrɛ.

Ɓayhí̧rá̧, mɔ́ kó ɓá râw kpâa, a nûn a nyîn nɔ́, dáy a zi kó ŋgburu dii a nûn nɔ́ nyáy lé? Ná a̧ní rá̧, mɔ́ e sa hí̧ nyîn nɔ́ ɓá: Mɔ́ pɔŋ mí ten râw kpâa a nûn nɔ́, a tu ɓá, mɔ́ e ka ŋgburu dii a nûn nɔ́ nyáy lé?

«Í koro tûl a wǎyri ɓay a porofɛ́t a manyákéri. Kú kaw gí gél a wǎyri lé, kú niŋ mûn a kuriri ɓá báŋa mbóléri. Dáy a ɓil law a kuriri, kú kaw ɓá ɓéké gáʼanri̧. Í tu kuriri, ka bɔʼɔséna a kuriri. Kú zi ma ɗɔ́rɔ́ léna njɔ̧̂ny ka tûl dii ŋgátúru yá, ɓá báŋké nɔ́, kú tí ɗɔ́rɔ́ léna duní ka tûl dii mbaʼaw yá?

Béla diiri hí̧ léna a bélákéri, a ɓéké diiri hí̧ léna a belyákéri.

Béla diiri zi ma hí̧ léna a belyákéri yá, nǎŋnɔ́ kɔ́, ɓéké diiri zi ma hí̧ léna a bélákéri yá.

Dii too, ka zi hí̧ léna a bélákéri yáy, kú kúŋ a ɓá vbú hɔrɛ.