Matiye 13မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Dáy, mɛ̧rɛ̧ ka to kɔ̧ ɓil siri a béláké, ná ɓá báŋa njukuri ka láɓay a Gáŋvbôn, a tu táŋáké. Nǎŋnɔ́, kú hí̧ léna, lénáké mbêw hí̧ mɛ̧rɛ̧ ísɔ́t, a Féké bonzêe, a fékéri ɓáy bonsáy.»

Mɛ̧rɛ̧, ka to kɔ̧ ɓil ŋgátúru, ná ɓá báŋa njukuri ka láɓay a Gáŋvbôn. Dáy, ɓá law ka̧n tûl hɛ̧ a tísiriri, rá̧ rɔ́ʼɔhɛ̧ a hɛ̧zíŋári̧ de ɓayké, nǎŋnɔ́ ké zi hí̧ léna nyá.

Njukuri ka láɓay a pû a Gáŋvbôn, ka zi lá ɓilké yáy, kaw ɓá báŋa gbaŋ ŋgboro ka mɛ̧rɛ̧ to kɔ̧rú̧y, Sata̧n gí, a gí lú a ɓil lawɛ́ gefal.

Njuku a fékéri kaw ɓá báŋa tûl lárá, ka mɛ̧rɛ̧ to kɔ̧rú̧y, kú láɓay a Gáŋvbôn, ka nyá ɓá gánáké ka law sáʼa. Dáy, kú zi pɔŋ ɓayké ɓara sɛ̧w a law a kuriri yá, kú ŋgbá ɓayké ɗiɓaŋ nyá. Nǎŋnɔ́ hɛ̧ a ŋgbɔ́rɔké malé tɔ́ʼɔsêe ziŋ kuriri ɓay tûl ɓay a Gáŋvbôn lé, a goló kú sáŋ láɓulaw a kuriri.

«Pû a Gáŋvbôn ɛ́ŋ hɛ̧zíŋa ka mú a ɓil wâʼa a há̧na. Njuku a há̧na, gé ziŋ dáy a re gé mbí mú ɓá béláké. Ké rekála a lawrína, a gé fa̧ hɛ̧ri̧ a ké erú too, a zé, a regí zé wâʼa ráy.

A mɛ̧rɛ̧ a fékéri ɓáy, to kɔ̧ ɓil siri a béláké, a lé, lénáké mbêw, ka hí̧ mɛ̧rɛ̧ ísɔ́t, a fékéri mɛ̧rɛ̧ké bonzêe, a fékéri ɓáy, mɛ̧rɛ̧ké bonsáy

Í pɔŋ, kú hɔ̧́ mbêw too ka̧ sêe lú hɛ̧pay. Sêe lú hɛ̧pay lé, mi e sa hí̧ njuku lú hɛ̧payri ɓá: Í tí lúrú ɓéké hoy nɔ́rí̧, a i mára̧ a ŋgá̧ kɔ̧ ka ɓâlké, ɓay a njúŋáké. Falké, i fá̧ bulé, a i ɓá sé kɔ̧ ɓil pûl a mǐ.”»