João 10မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Seyni katshowhuru xye tshinanu tsonu runa htshowhuxyawakapna, ruylalewaxyawakapa, hnikaxyawakapna carneiro-ne. Seyni hita hina carneiro-ne jiwekle hixyawakpatka hiyrunu hiweklu hike mmahaxikatutka nenejyawakapna.

Hitni carneiro suslahakleru kihlerno; carneiro suslahakleru kihleru hamtaka hiwekletanu pratshine tshinanu.

Noprane carneiro-ne pixkalune jemtokanutno, nimatna hiyrunu romkahitnona.

Nenekanna hiweklu hike rixiniko mnikawnakatu. Hikeklu rupnanna hiyrun-koxa hi satuknako yineru himukata ninotle yehi kochpaklexyana.

Hitni carneiro jihlokawakleno hiyáhoni katukta hita hiknohanu riwekanu, hjihlokanu, ruchpakanu, rukchikanru hnikleru.

Hitni carneiro suslahaklerno kihleru hiyrunu nimatna noprane carneiro-ne. Hiyrun-koxa noprane himatno hita.

Nuru Hoyakalu pratshine carneiro-ne pixkalune nenekjeru, ptowru potuko tsru potni wale. Hi satuknako yineru himukata Nuru Hoyakalu hinotle yehi kochpaklexyana. Hita hiyrunu Nuru Hoyakalu satupkalunwu.

Waneko pixka Nuru Hoyakalu himatno hiyrunu hita himatlu Nuru Hoyakalu. Niwekle namtakanu noprane carneiro-ne tshinanu.

Hike yineru himukata kochtsheklexyano niwekle seyni namtakanru niwekle hitako nalujyawaka tshinanu. Numukata hamtakletlu niwekle hiyrun-koxa numukatle tshinanu numukata kochtshekletatnaklu niwekle. Nuru Hoyakalu towutno xye nkamhiywaka.

Waneya wane pnute htshina hinkakleta Jesus: — Halikakni ntshinhi, Hitni hiphaptono carneiro jihlokawakleno.

Seyni pratshine kamrurewyehichatatshri, carneiro suslahakleru potuko hmixkanuklunu, pratshi mpuratkatu rixini, lobo rexini wale nwaka yamtatshri, ruknokachatna pratshine carneiro, rasuka honuka. Waneya lobo hakakna pratshine hiyrunu rupalkakna.

Jesus wla tshina: — Halikakni, halikakni wla ntshinhi, hanuruktako yineru carneiro himjiywaka hruko hiphaptote hma yapkanuklunu seyni pnuko hyapini, waleni katshowhuru ho ktshowhuwakleru.