Kutachika 3မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Mumbanda chamweniyi mutondu wunawahi wakudya, kuwutala wakutiyisha kuwaha, niwakuheta nachu maana, hakukumunaku ninyikabu, hakudya, yomwinkahu nimfumwindi adiŋiyi nindi, niyena hakudya.

Hakwila kapela diyi wadiŋi wasweja kubabala hadi anyama amumpata ejima eliliyi Yehova. Yena hakumwihula mumbanda, nindi, Chalala Nzambi nahoshi nindi, Nyitondu yejima yamwitempa bayi mwakayidyaku, tahindi?

Nukusha nkunyi mukachi keyeyi namumbanda, Nimukachi kambutu yeyi nambutu yindi; Wakakuchika kumutu weyi, Nineyi wakamukatisha kukatutu kindi.

Hakumwila mumbanda, nindi, Nakakuvulishila nankashi yihuŋu yiwakamona, Nikubaaba kuwakabaabaŋa mavumu eyi; Wakavwalaŋa anyana nakukabakana hohu; Wakata muchima hadi mfumweyi, Diyi wakela mwanta weyi.

Kudya yakudya chiŋa wunasulwili kumesu eyi, Nichiwamba kafunta cheŋi mumaseki; Muloŋa dimu mwakufumishiluwu; Muloŋa eyi wulunkuŋu, Nochu wakafunta cheŋi mwomulunkuŋu.

Hakumwila Adama, nindi, Chiwunatiyi mwizu daŋodeyi nakudya mutondu wunakulekesheli nami bayi wakawidyaku, Iseki anadishiŋili dehi hamujimba weyi; Mafuku ejima wuchidi wamumi wakadyaŋa chakukabakana hohu

Nzambi nindi, Indi wakuleja nindi wudi nzekesi hinyi? Wadya dehi kumutondu wunakulekesheli nami bayi wakadyaku, tahindi?

Nochu wamutemwinumu muntu. Kwitempa daEdeni, mbadi yadu yamusela, hakwimikaku akerubi nimulaŋi wakesi wampoku yakabali wenda wubalumuka niniku niniku, kulonda kuhembaŋa njila yamutondu wawumi.

Iyala wamutumbili iŋodindi ijina dindi, nindi, Eva, muloŋa diyi mama yawakwakuhanda ejima.