YOHAN 14မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Aux deuh pa nhim mai pex, pa nhim Aux, Aux tawx ka pex. Pa tawx Aux ka pex ang awm pa tawx haktiex. Paw kieh rhawm pex koe krax khi rhawm, viang krax lhat graung kawx paw kieh koe awx.

Yesux baox pawk lox ah nin ka nawh, “Aux mawh daux krax pa mawh meh mai ju heue. Phan ang mawh daux Aux pui tix kaux kawx ang pon ti hoek ka Keeing Cao.

“Paw kieh rhawm pex koe krax khi rhawm, yum rhawm ka Siyiex, ka Aux kawx yum rhawm heue.

Viang mawh kawx nan, Cao Teem pex, pa mawh Khuan Singax Singeh, pa tak sang ploi Keeing Cao hoek ka daux ceu kaux Aux, Nawh tak sang gau pex kuceu khawmuik kieh pex doh keud ka lox pa hoik krai Aux ka pex khawmuik heue.

Kaw pa pon lox tawm Aux khankix priex ti hawt, mawh kaw pa moh ka Aux kaw pa moh ka Aux, Keeing Aux tak moh ka nawh Aux ka moh nawh plak jhi tokaux Aux ka nawh heue.”

Aux tak sang rawg mhaing ka Keeing Cao Nawh tak sang tawx Cao Teem ka pex tang kaux, sonsang ot Nawh mai pex leeing ju, pa mawh Khuan pa dex mai pa mawh meh heue. Kheu haktiex ang tawng ang yaox Nawh, tom ang pon ti rieb ti teei Nawh. Viang mawh nan pex tawng Nawh kheu ot Nawh mai pex, Nawh tak ot ka daux pex heue.

Pex sang rawg sang mhaing ceu patix ang ah, ka daux ceu kaux Aux, Aux tak sang yuh heue, yuh ka mawx sonsang koe min pakngai Keeing Cao, ka daux Kawn Cao heue. Phan pex rawg mhaing tix ceu ceu ka daux ceu kaux Aux, Aux tak sang yuh heue.

Phan pex moh ka Aux, pex tak sang priex ti hawt lox pa tawm Aux khankix heue.

Daux nyiex Keeing Aux koe lawg haoh hun, phan ang mawh nan Aux tak hoik krai ka pex, mawh kheu sang hu cox Aux dee ot son pex.

Phan Aux hu cox dee ot son pex, Aux tak deeh hoek teei pex hu sonsang ot tau mai Aux, pex kawx sang pon ti ot dee ot Aux heue.

Thomax baox ah nin ka Nawh Cao, “Simiang eue, ex ang tawng dee sang hu Maix, ex khex chix tawng krax yuh ka mawx?”