Luka 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Panji wanji, apano namwenye Leza ayize awape: mulipochelela mulutilizye, nukwavwa kwankumbu kulipungulilwa mumakasa yinu—vyonsi vino amakasa yinu yangafumbata. Enamwezyo wino mukwelelezezya awino namwenye Leza alimwelelezezya.

Umuntu muzima akafumya ivintu vizima ivyansawo yamumwezo wakwe; nawe umuntu muwipe akufu­myanga iviwipe ivyamunsawo yakwe imbipe. Amuno vino vikafuma mumu­lomo wamuntu avino vikuwanga mu­mwezo wakwe.

Ng'o! Nenji nkuti kundanji awalwani winu muwawachitila vino viyine; mu­wawapavya nanti kupechela ukunyose­zwa. Mulipochelela ichilambu chikulu, mwize muwe mwe wana wawamwilewe­lewe e Leza. Amuno weni amuzima kumintatima nakuwawipe.

Muwawa ninkumbu ndivino uMonsi winu ali ninkumbu

Mutize muwapanzya wanji, apano namwenye Leza ataliwapanzya; mutize muwavililichila wanji, apano namwenye Leza ataliwavililichila; tetelanji wanji, apano namwenye Leza aliwatetela.

Ukuwa nkuwanena mwemwenye mwewantu mukwivwa: nkuti, Kundanji awalwani winu, muwachitila wane wa­wapata ivizima, pepelanji wane waka­watipa, muwapepela nawano wakuwa­yimvya.

Vino muka­londa wanji wawachitila avino namwe­nye wachitilanji.

Ndiwumwi wakuma kwitama umupa niwuyenye, akuma nawino wakupoka ichizwalo, uleka asenda nilaya lyakonye. Uwapa wensi wino akukulenga, nawino wasenda insawo yako, utize uwalandula.

Umuti wuzima wusikoma iviko­mwa viwipe, swinya pasi umuti wuwipe wuno wukakoma ivikomwa vizima.

Umuti wonsi wukamanyichilwa kuvi­komwa vyakwe; awantu wasikuntula amaku kwenkololwe, nanti akukuntula ivikomwa vino wakasuta ipala kumyu­nga