Yohani 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Ukuwa kweni, wamwi wamupochelezile awamusuwila nuku­musuwila; achaleka wawonye waleka wawa awanakwe Leza.

Pano insi yachilinji ukutumbu­lwa, eLizwi walinjipo; walinji nu Leza, eLizwinye walinji we Leza.

Ukuwala kuka­walila mumfinzi, nayo imfinzi nanti kuzimya ukuswepa.

ELizwi awa amulawa awakwikala mwakwe sweswe. Atulola uwukankala wakwe, ninkumbu mvule nukusimichila kukulu. Wonye-woo awuli wukankala wuno wapochelezile ku Mukwasi amu­no walinji amwanakwe wenganye-nsu.

Mwakwe weliwe amuno Leza welewulizile ivintu vyonsi; pasi chimwi ichitumbulwa chino chatumbuzilwe pano asipo. ELizwi ayili ntaliko ya­wumi, uwuminye woo awuno walesile ukuwala kuwantu.

Uwacha Yohani alola Yesu akuya kuno ali, Yohani ati, Lolani Umwana­ng'onzi wakwe Leza, wino akasenda uluwembu lwamunsi!

Paponye eLizwi, walinji munsi. Mwakwe weliwenye amuno Leza watu­mbulizile insi, nawantu wamunsi watamumanyile. Wizile munsi, yaku­mwawo ukuwa awantu wakwe wata­mupochelezile.

Ko­konye kwalini akuwala kwakusimichila, ukuwala kuno kukwizanga munsi aku­walila awantu wonsi.

Leza wavwanjizile amasundo mumulomo wakwe Musa; ukuwa wino walesile inkumbu nuku­simichila we Yesu Klistu.