လူႉၵႃႇ 18မှ လူကြိုက်နှစ်သက်သော ကျမ်းပိုဒ်များ။

မျှဝေရန်

လွင်ႈ​ၼင်ႇ​ႁိုဝ်​ၵူၼ်း​တင်း​လၢႆ​ႁႅင်း​ယင်း​ဢမ်ႇ​ဢူၼ်ႈ​လႄႈ တၵ်း​လႆႈ​ၵျူဝ်း​ၸႃး​သူး​တွင်း​ယူႇ​သေႇ​သေႇ​ၸိုင်၊ မၼ်း​ၸဝ်ႈ​လၢတ်ႈ​ၵႂၢမ်း​ဢူႉပမႃႇ​လႄႈ​ဝႃႈ​ၸမ်ႉ၊

တီႈ​ၶဝ်​ၸိူဝ်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်၊ ဢၼ်​ႁွင်ႉ​သႅၼ်ႇ​လႄႈ​ယွၼ်း​တီႈ​မၼ်း​ၸဝ်ႈ​ယူႇ​တင်း​ဝၼ်း​တင်း​ၶိုၼ်း​ၼၼ်ႉ၊ ပိၵ်ႉ​သမ်ႉ​ၽြႃး​ပဵၼ်​ၸဝ်ႈ​ယိူၼ်ႉ​ၶၢမ်ႇ​ၶဝ်​ႁိုင်​ၼႃႇ​သေ​ၵေႃႈ၊ မၼ်း​ၸဝ်ႈ​ယင်း​ဢမ်ႇ​ၸီႇ​ယၢင်ႇ​တြႃး​လႄႈ​တၵ်း​ယူႇ​ႁိုဝ်။- ၵဝ်​ဝႃႈ​တီႈ​သူ​ၸမ်ႉ၊ မၼ်း​ၸဝ်ႈ​တၵ်း​ၸီႇ​ယၢင်ႇ​တြႃး​ၽၢႆႇ​ၶဝ်​ၼၼ်ႉ​ၶၼ်​ၶၼ်​ၽႂ်း​ၽႂ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မိူဝ်ႈ​ဢၼ်​လုၵ်ႈ​ၵူၼ်း​မႃး​ၼၼ်ႉ၊ တၵ်း​ထူပ်း​တၢင်း​ဢၼ်​ယုမ်ႇ​မၢတ်ႈ​ၵႃႈ​ၼိူဝ်​လိၼ်​မိူင်း​ၼႆႉ​ႁိုဝ် ဝႃႈ​ၼႆ၊ ၸဝ်ႈ​ၽြႃး​ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​တၢင်း​ဢၼ်​ၵူၼ်း​ႁဝ်း ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​လႆႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၼၼ်ႉ​ယင်း​ဢမ်ႇ​ၸီႇ​ယၢင်ႇ​တြႃး​လႄႈ​ယူႇ​ႁိုင်​ၼႃႇ​ဢေႃႈ။ လိုၼ်း​ၼၼ်ႉ မၼ်း​မီး​တၢင်း​ၵျၢမ်ႇ​တၢင်း​ပွင်​ၼႂ်း​ၸႂ်​လႄႈ​ဝႃႈ၊ ပိၵ်ႉ​သမ်ႉ​ၵဝ်​ဢမ်ႇ​ၵူဝ်​ၽြႃး​ပဵၼ်​ၸဝ်ႈ​လႄႈ ပဵၼ်​ၵေႃႉ​ဢၼ်​ဢမ်ႇ​ၸၢင်ႈ​ဢႃး​ၼႃႇ​ၵူၼ်း​သေ​ၵေႃႈ၊- ပိူဝ်ႈ​ဢၼ်​မႄႈ​မူၵ်း​မႄႈ​မၢႆႈ​ၼႆႉ မႃး​ယႃႉ​ယူၵ်ႉ​ၵဝ်​ယူႇ​လႄႈ​ၵဝ်​တၵ်း​ၸီႇ​ယၢင်ႇ​တြႃး​ၽၢႆႇ​မၼ်း​ဢေႃႈ။ ပေႃး​ဢမ်ႇ​ၼၼ် မၼ်း​တၵ်း​မႃး​ၶိူဝ်း​ၶိူဝ်း​ယႂ်း​ယႂ်း​လႄႈ ႁႂ်ႈ​ၵဝ်​ယၢပ်ႇ​ၸႂ်​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ၶၢမ်ႇ​ဢဝ်​မိူင်း​ၽြႃး​ပဵၼ်​ၸဝ်ႈ မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ​ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ႁွင်ႉ​ဢဝ်​လုၵ်ႈ​ဢွၼ်ႇ​ၸိူဝ်း​ၼၼ်ႉ​လႄႈ​ဝႃႈ၊ ပၼ်​လုၵ်ႈ​ဢွၼ်ႇ​ၸိူဝ်း​ၼၼ်ႉ​မႃး​ၵႃႈ​တီႈ​ၵဝ်​တႃႉ။ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ်​ၶဝ်။ မိူင်း​ၽြႃး​ပဵၼ်​ၸဝ်ႈ​ပဵၼ်​မိူင်း​ၶဝ်​ၸိူဝ်ႉ​ၼင်ႇ​ၼႆ​ၼၼ်ႉ​ဢေႃႈ။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ႁႂ်ႈ​မၢၵ်ႇ​တႃ​မႂ်း​ႁၼ်​တႃႉ။ တၢင်း​ယုမ်ႇ​မၢတ်ႈ​မႂ်း​ၼႆႉ​ၵႄႇ​ၶျွတ်ႈ​ဢဝ်​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ႁဵတ်း​ႁိုဝ်​လႄႈ​မႂ်း​ႁွင်ႉ​ဝႃႈ၊ ၵဝ်​ၼႆႉ​မျၢတ်ႈ​လီ​ၼင်ႇ​ႁိုဝ်။ လိူဝ်​သေ​ၽြႃး​ပဵၼ်​ၸဝ်ႈ​သူႇ​လဵဝ်​ၼၼ်ႉ​ၵူၺ်း၊ ၽူႈ​လႂ်​ဢမ်ႇ​မျၢတ်ႈ​ဢမ်ႇ​လီ​သေ​ၵေႃႉ။