ယူဝ်းႁၢၼ်ႇ 9မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ၵဝ်​တၵ်း​လႆႈ​ႁဵတ်း​ၵၢၼ်​တၢင်း​ႁဵတ်း ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ ၼႂ်း​မိူဝ်ႈ​ဢၼ်​ၶိင်ႇ​ၵၢင်​ဝၼ်း​ယင်း​မီး​ယူႇ​ဢေႃႈ။ ၶိင်ႇ​ၵၢင်​ၶိုၼ်း​ဢၼ်​ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁဵတ်း​သေ​ၸိူဝ်ႉ​သေ​ပိူင်​လႆႈ​ၼၼ်ႉ ယင်း​မႃး​ယူႇ​လူး​ၵွၼ်ႇ​ဢေႃႈ။

မိူဝ်ႈ​ဢၼ်​ၵဝ်​ယင်း​မီး​ယူႇ​ၼႂ်း​လေႃးၵႃႉ​ၼႆႉ​ၸိုင်၊ ၵဝ်​ပဵၼ်​ဢၼ်​လႅင်း​လေႃးၵႃႉ​ၼႆႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊

တပႄး​ၸဝ်ႈ​တင်း​လၢႆ​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း၊ ၵေႃႉ​ၼႆႉ​တႃ​မွတ်ႇ​ၵွပ်ႈ​ပိူဝ်ႈ​ဢပႅတ်ႈ​ၽူႈ​လႂ်​ၶႃႈ။ မွတ်ႇ​ၵွပ်ႈ​ပိူဝ်ႈ​ဢပႅတ်ႈ​မၼ်း​ၶႃႈ​ႁိုဝ်။ မွတ်ႇ​ၵွပ်ႈ​ပိူဝ်ႈ​ဢပႅတ်ႈ​ပေႃႈ​မႄႈ​မၼ်း​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။- ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ မၼ်း​ဢမ်ႇ​ႁဵတ်း​ဢပႅတ်ႈ။ ပေႃႈ​မႄႈ​မၼ်း​ၵေႃႈ​ဢမ်ႇ​ႁဵတ်း​ဢပႅတ်ႈ။ ၼင်ႇ​ႁိုဝ်​ၵၢၼ်​တၢင်း​ႁဵတ်း​ၽြႃး​ပဵၼ်​ၸဝ်ႈ တၵ်း​ထၢင်ႇ​သႃး​မႃး​ၵႃႈ​ၼႂ်း​မၼ်း​ၸိုင်​ၸင်ႇ​ပဵၼ်​ဢေႃႈ။

မိူဝ်ႈ​ၼၼ်ႉ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ႁွတ်ႈ​မႃး​ၼႂ်း​လေႃးၵႃႉ​ၼႆႉ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ၸီႇ​ယၢင်ႇ​တြႃး ႁႂ်ႈ​ၶဝ်​ၸိူဝ်း​ဢၼ် မၢၵ်ႇ​တႃ​ဢမ်ႇ​ႁၼ်​ၼၼ်ႉ မၢၵ်ႇ​တႃ​ႁၼ်​မႃး​လႄႈ ႁႂ်ႈ​ၶဝ်​ၸိူဝ်း​ဢၼ်​မၢၵ်ႇ​တႃ​ႁၼ်​ၼၼ်ႉ မၢၵ်ႇ​တႃ​မွတ်ႇ​ၵႂႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။