युहनाल 19မှ လူကြိုက်နှစ်သက်သော ကျမ်းပိုဒ်များ။

မျှဝေရန်

असके येसु ओद हवता अंगुरता जोमा उतुर, अनि इतुर, “पुरा आतु।” अनि तला अडिय वकसुन आपुना जिवा तासितुर।

इदेना पजा, सबोय पुरा आतु इद येसु पुन्जुन पवित्र पुस्तकतिगा कोटता पुरा आयान साटि, “नाकुन एर उन्दिला वसता” इदाम इतुर।

अनि येसु पकाय मया किन्दुर ओर चेला वने अगा निच मतोर असके येसु आपुना अवहारिनिके हुळसुन अदेन इतुर, “हे बायि हुळा नेटाल येर नियोर मरि आन्दुर।” असके येसु ओर चेलान इतुर, “इद निया अवहारि आन्दु।” अनि पजा ओर चेलाल अदेन संभाले कियान साटि आपुना लोन ओतुर।

मति ओरक बसके येसुना हेरे वासुन हुळतुरक असके येसु हास मतोर इन्जोर ओनांग कालकुन उरिहवोर। मति सयनिक लोकुरकनिगाडाल वरोर सयनिक बरशिते येसुना चाति हेरे गुहचतुर अनि ओनागडाल सान्डे नतुर अनि एर पसियतु।

अनि “ओना पळेकातुन उरिहवोर आयनुर” इन्जोर पवित्र पुस्तकतिगा कोटता मन्ता अद पोल्लो पुरा आयान साटि इदाम आतु। अनि पवित्र पुस्तकता दुसरो जागातिगा, “बोरक ओन बरशिते गुचतोरक ओर लोकुरक ओन हुळानुरक” इन्जोर वने असा कोटता मन्तोर।

असके सयनिक लोकुरक येसुन ओतुरक अनि ओर आपुना कुरुस ताहचुन खोपळिता स्थान पोरोयता जागावनाह बाहरो हतुरक। अनि इद जागातुन इब्रानि बोलिते गुलगुता इन्तोर।

अनि सिपायि लोकुरक काटाता मुकुट बनेकिस ओना तला पोरो इरतुर अनि ओन जामडि रंगता सन्दरा पोन्डिहतुरक।