JAN 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Di bee pé moo co kmaʔa mâ pa wí na ge, wí ma sye kan pé ma, pe krɛ̀ʔɛ̀ Nyɛʔɛlɛ pii.

Sanni Nyɛʔɛlɛ lí bi drunya hanri we, ŋa pé na yeri Kayoʔo ge wi dá bo wa kɔ. Wi dá bo wa Nyɛʔɛlɛ ní le mà po Nyɛʔɛlɛ.

Ki kpɛnmɛ miì fanna, à mi na pari wa yeblimi ni me. Di yeblimi mi ìn gban bì mi tôn.

Ŋa pé na yeri Kayoʔo ge, wi da bâ grɛʔɛ hɛnwyee mà bâ glɛn naʔa wo ni. Wɔ̀ɔ po nyìŋì Nyɛʔɛlɛ li haʔama nì me mà po kanyɛmɛ fɔlɔ ceŋge. À wo wi kmara nya, da Pyɔ nigbe wí ma ta wi To Nyɛʔɛlɛ ma le.

Nyɛʔɛlɛ à li yrɛbɛ pì bɛfu hanri wiì fanŋa ni. Li ìn dà yraʔa kà hanri wi kruʔu na. Nyuwyeʔe ki dá bo wiì ni. Ki nyuwyeʔe àʔa po kpɛnmɛ hɛɛn ma be.

Ki kpɛntoʔo na ge, Jan wɔ̀ɔ Jesu nya wí na pan wì krugu, wɔ̀ɔ yo: «Yè wèlé, Nyɛʔɛlɛ li Mbaple lí la lí na pan wa. Liì li lí nyɛ drunya hɛɛn pe kapere ti laʔafɔlɔ we.

Ŋa pé na yeri Kayoʔo ge wi dá bo naʔa drunya ni we. Wiì fanŋa ni, Nyɛʔɛlɛ li dá drunya hanri we. Kiì nì kì bɛfu ní, drunya hɛɛn pe ìn bɔɔ cɛn adi. Wi dá ban naʔa wi klo tala ni, ɛɛn di, wi klo woo pe ìn bɔɔ co kmaʔa.

Mí nyɛ kpɛnjɛnmɛ mi ma mi dá ban naʔa drunya ni we mà na hɛɛn pè bɛfu pari.

Mɛjɛn Nyɛʔɛlɛ li dá li furu kayoro kan de wo ma Mowisi wi fanŋa ni ge. Di haʔama nì, ní kanyɛmɛ nì pí na taʔa Jesu Krisi wiì fanŋa ni.