Genesis 9မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Ti cho yala ja Dyosi: —Wantox ch'ak kal ja jas wax k'ana oj k'u'luk a wi'ex ja we'nlex sok spetsanil ja jas ay sak'anil b'a lu'um iti, cho ti'xani wax na'xi ja ma' mitox manxi. B'a ti oj ja na'ex ja jas wax kala oj ka' timan ja jk'intumi, —xchi ja Dyosi.

Ti oj jak jk'ujol ja jas kalunej ja. Cho mi oj ch'ak sok ja' pilan majke ja swinkil ja lu'umi. Ja k'intumi, ja oj sje' yuj ja jas kaluneji.

—Ke'n jk'u'lan ja winik sok ja ixuk ja jastalon ja ke'n. Ja'yuj ta yuj k'a ay jun chante oj smil'ex, ja chan jawi, oj ni chamuka; jach'ni ja we'nlexi, yuj k'a ay ma' oj milwanuk jach'ni ja ye'n ojni miljuka.

Mi kechanuka, ja Dyosi, jel lek yila ja Noe sok ja yuntikil jumasa, ti yal yab'a: —Wax k'ana oj ajyuk jitsan lek wa wuntikilexi, jaxa wa wintilex jumasa, a sb'ut' e ja lu'umi.

Ke'n oj ka' b'a wa k'ab'ex spetsanil ja chante jumasa b'a ay sak'anili, sok ja tek'ul jumasa b'a oj ja wabyexi.

Spetsanil ja chante jumasa b'a lu'umi, we'n oj ja wa'teltayex, ja yal chan wax jujpi, ja b'its'il chan jumasa, sok spetsanil ja chay jumasa b'a niwak paman ja'i, b'a sti' a sat we'nlex spetsanil ja ye'nle'i, oj k'itk'unuke yuj ja xiweli.

—Ja wax k'ana ja ke'n yuj oj ajyuk jitsan a wuntikilex, jaxa wa wintilex jmasa a sb'ut' e ja lu'umi.