JUAN 4မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Äänejöönö töwö Wanaadi. Ñanno ijummannamo täwaanö jadäädä ijummajai ñaato, chäänönge töweiyancädäiñe mmaja; quee cönä’döaacä Jesuuquidiito.

Chu’nädö aca wä’dönääje na eduuwa chäänöngato que Jaaja wwä tödöötojo; yaawä ñanno Jaaja wwä tödönnamo täwaanöcoomo jadäädä nödööaato’de, chäänönge töweiyancädäiñe mmaja. Yääja’como Jaaja tumjumma weneene tujummannamooje.

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

Yaawä ñäädä wodi cönä’döaacä: —Tuna anöntojo ’je’da dajaane ma; sö’je mmaja mädä tuna weja’catoojo. ¿Äshannoto yää weichojo tuna manammödö deeade’ ?

Yaawä ñäädä wodi cönä’döaacä: —Yoowanääcä na ñäädä Mesía we’tojo, ñäädä Äwaanacaanei. Töwö ye’a’jäcä tameedä necammajä’a’de cöwwäiñe; quee. Jesuuquidiito cönä’döaacä: —Öwö ñäädä Äwaanacaanei, adhaacä ya’deuwaadö; quee.

—Soto eneetantäcä. Töwö necammai öwwä tameedä wei’jödö. ¿Ñäädä’da ñäädä Äwaanacaanei? quee cönä’döaacä.