मत्ती 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

तैही बोला हुंह तम्हां लै इहअ कि पैहलै करा बाप्पू परमेशरे धर्म और राज़े लोल़-तोप और ईंयां सारी च़िज़ा जाणीं तम्हां भेटी। (लुका 12:31)

“ऐबै काल्ला धैल़ीओ फिकर निं तम्हैं करी, किल्हैकि काल्ला एछणैं आल़ी धैल़ी हेरनअ आपणअ फिकर आप्पै करी और आझ़ा लै आसा आझ़ो दुख ई बतेर्हअ।”

“तैही बोला हुंह तम्हां लै इहअ कि आपणीं ज़िन्दगी लै इहअ फिकर निं करी कि किज़ै खाणअ किज़ै पिणअ? नां आपणीं देही लै फिकर करी कि हाम्हां किज़ै बान्हणअ? ज़िन्दगी आसा रोटी का और देही आसा झिकल़ै का खास्सी किम्मती।

पर ज़ेभै तूह प्राथणां भज़न करे, तेभै डेओऐ आपणीं पांडा भितरी और दुआर बंद करी करै करनी तंऐं गुप्त प्राथणां। तेरअ बाप्पू परमेशर ज़ुंण ताह गुप्त भाल़ा, तेऊ दैणअ ताल्है तेतो फल।

तम्हैं करै एऊ साबै प्राथणां (लुका 11:2) ‘हे परमेशर म्हारै बाप्पू, तूह ज़ुंण स्वर्गै आसा, सोभी लोल़ी तेरै पबित्र नांओंए कदर की, और तेरअ राज़ लोल़ी आअ। तेरी मरज़ी ज़ेही स्वर्गै पूरी हआ, तेही लोल़ी एऊ संसारै बी पूरी हुई।

हे प्रभू, हर धैल़ै दै हाम्हां लै बैल़ी-क्लारी ज़ेते हाम्हां ज़रुरत आसा

ज़ै हाम्हां का किज़ै भूल-च़ूक हुई होए तेता करै माफ, ज़ेही हाम्हैं बी होरी लै माफी छ़ाडी ज़ुंणी हाम्हां लै ज़ुल्म किऐ।

हाम्हां निं परखी आथी पर हर पाप करनै का और तेऊ कदुष्ट राख्सा का डाहै हाम्हां बच़ाऊई किल्हैकि राज़, थल-बल और जश आसा हाम्हां लै तेरअ ई।’

“ज़ै तम्हैं होरी मणछे पाप माफ नांईं करे, तै निं थारै पाप बी थारै स्वर्गै रहणैं आल़ै बाप्पू परमेशरा माफ करनै।

“सरगै डैऊंदै पंछ़ी भाल़ा! तिंयां नां बऊंदै, नां लऊंदै आथी, और नां ता तिंयां भढारा भरना लै कठा करदै। तैबी दैआ थारअ स्वर्गै रहणैं आल़अ बाप्पू परमेशर तिन्नां लै खाणअ-पिणअ। तम्हैं कै तिन्नां का खास्सै किम्मती निं आथी?

“आप्पू लै निं पृथूई दी धन-माया कठा करा, ज़िधी किल़ै और खई लागा और च़ोर पाआ च़ोरी। पर तम्हैं करा आप्पू लै स्वर्गै धन-माया कठा, ज़िधी नां ता किल़ै खांदै और खई लागदी और नां ता च़ोरी करदअ कोई च़ोर आथी। किल्हैकि ज़िधी तेरअ धन आसा तिधी रहणअ तेरअ मन बी लागी।

“कोहै टैहलू निं दूई मालके सेऊआ करी सकदअ। किल्हैकि एकी संघै ता डाहणीं तेऊ झ़ूरी और दुजै संघै हणीं तेऊ ज़ीद या एकी संघै रहणअ तेऊ मिली और दुजअ हणअ तेऊ लै नकाम्मअ। परमेशर और धन दुहीए निं तम्हैं कठा सेऊआ करी सकदै।

ज़ै परमेशर घैहणींए घाहा का बी इहै झिकल़ै बन्हैऊंआं, ज़ुंण आझ़ आसा और काल्ला दहणअ सह आगी जैंदरी। ता हे बैहम करनै आल़ै विश्वासीओ, तम्हां लै कै सह झिकल़ै दैई निं सकदअ?

पर ज़ेभै तूह गरीबा लै दान करे, तेभै निं होरी कोही लोगा का लागअ थोघ कि तंऐं किज़ै दैनअ। ताकि तेरअ गरीबा लै दैनअ द दान गुप्त रहे और परमेशर ज़ुंण गुप्त गल्ला भाल़ा, तेऊ दैणअ ताल्है तेतो फल।

“एसा गल्लो डाहै धैन कि तम्हैं लोगा का रहैऊंणै तैणीं निं लागी धर्में काम करदै। नांईं ता तम्हां निं तेतो स्वर्गे बाप्पू परमेशरा का कोई फल भेटणअ।

“ज़ेभै तम्हैं ब्रत करे, तेभै निं तम्हैं कपटी लोगा ज़िहअ मुंह डाही छ़ड़ाऊई। किल्हैकि तिंयां डाहा आपणअ मुंह शेऊई। ताकि लोगा का इहअ थोघ च़ले कि अह आसा ब्रतू। हुंह खोज़ा तम्हां का सत्त कि तिन्नां गअ तेतो फल भेटी। “पर ज़ेभै तूह ब्रतू होए तेभै न्हैऊंणअ-धोऊणअ और मुंडै मल़ तेल। ताकि तेरअ ब्रतू हणैंओ थोघ निं लोगा का लोल़ी लागअ। पर तेरअ बाप्पू परमेशर ज़ुंण ताह गुप्त भाल़ा, सिधअ तेऊ का लोल़ी थोघ लागअ और तेऊ ई दैणअ ताल्है तेतो फल।