PAMUNGKAAN 32မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

Jadi ning bayo i ma, “Padiar ma kehe au; santongkin nari torang ma ari.” Dialusi si Jakob ma, “Nada hupaloas ho kehe anggo so jolo dipasupasu ho au.”

Tapi anggo ia sandiri laing di parbandaran i dope sasada ia. Jadi ro ma sada bayo marsiranggut dohot si Jakob lopus marayak torang ari.

Jadi didok si Jakob ma, “Madung marsuo bohi au dohot Debata, hape laing mangolu dope au.” Jadi dibaen ia goar ni inganan i, Peniel.

Dung diida bayo na ro i, na so tarbaen monang ia na marsiranggut i, dipukul ia ma soit ni si Jakob jabat tarkiet soitna i.

“Ise dehe lakna goarmu?” ning bayo i manyapai. “Si Jakob do,” ning ia.

Didok si Jakob ma, “Paboa ma da goarmu.” Tapi nada dialusi bayo i, “Nada adong gunana disapai ho sanga ise goarku!” Jadi dipasupasu ia ma si Jakob.

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

Lopus saonnari pe anggo pomparan ni si Israel na so unjung do dipangan halahi juhut sian soit ni binatang hara ni na hona hantam i si Jakob di soitnia i.

Dung i martangiang ma si Jakob, “O, Debata na nisomba ni daompung si Abraham, jana na nisomba ni damang si Ishak, tangihon ma au! Ho do na marsuru au ale TUHAN, anso mulak au mangulahi tu luatku dohot tu angka koum sisolkotku. Jana dijanjihon Ho do na aturonMu sude angka na denggan di au.

Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.