HARURUAR 2မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob. Diida Ia do halak Israel diparhatoban, gabe diparate-atehon Ia ma bagian ni halahi.

Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

Dung tuk godang ni dakdanak i, dilehen inangna i ma dakdanak i tu boru ni raja i. Gabe dibaen boru ni raja i ma dakdanak i anak angkatnia. “Hubaen ma goarnia si Musa, angke na hubuat sian aek do ia antong,” ninna boru ni raja i di bagasan rohana.

Didok boru ni raja i ma tu ina i, “Oban ma dakdanak on, pataguk ma ia anso di au, dung i hugarar pe di ho.” Jadi dioban ina i ma dakdanak i anso dipataguk ia.

Dung i ro ma boru ni raja ni Mesir, mijur tu batang aek i giot maridi jana mardalan-dalani ma pandonganina i ditopi ni aek i. Jadi ompot ma diida boru ni raja i karanjang i ditonga-tonga ni galoga i, gabe disuru ia ma sahalak hatobannia dadaboru mambuatsa.

Dung magodang si Musa, saulak kehe ma ia mangaligi-ligi bangsonia i sandiri, i ma halak Ibrani. Gabe diida ia ma sanga songon dia halahi markarejo paksa borat situtu. Diida ia muse ma sada halak Mesir mamukul halak Ibrani, sahalak sian bangsonia sandiri. Diligi si Musa humaliangnia, jana di na niidania na so adong pola mamparrohahon ia, dibunu ia ma halak Mesir i, jana dibunihon ia bangkena tu bagasan horsik i.