Mwanzo 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Nluku khulupa theenya yoori: “Nimumpe pinaatamu woonishapihi wa wiiya nkhama fweeyo! Yoori eeyane owahi wooshintta swi za mpahari na anyannyi ootulu, mifuwo za vaje na nyama za ntthuttu mpakha nyama zooshi zinjipurulaaye vathi.” Aphano Nluku khumumpa pinaatamu wa wiiya nkhama ye; nlume na muukha ompiwa ti ye.

Nluku khuwaaparikhiya khuwooza yoori: “Mwivokolelane, mwaattelane mwiitaale voolumwenku! Mwiiyane oshintta va tuniya, swi za mpahari, anyannyi ootulu na nyama zooshi zineettettaaye vathi!”

Omwanzo, Nluku ompa pinku na vathi.

Olumwenku waari ohineeyane matthentto na khayaarimo hatha etthu, yaarivo yiiza vatulu wa pahari ya wiicha. Rooho ya Nluku yaari ozukulela vatulu wa maati.

Aphano Nluku khuri: “Yiiyevo nuuru!” Khwiiyavo nuuru.

Nluku khoona yoori pi zooshapweya channu. Khuripa khucha, siikhu ya siitha.

Nluku khoona yoori nuuru yaari yooshapweya; khuvalula nuuru na yiiza.

Nluku khulupa theenya araka: “Yoori mweeyo mwiiyane etthu yoojiwa, kiniwinkhani nyaani zooshi za ntuniya zinimaaye peewu, miitthi zooshi zinimaaye mishumo na phunje zaya.

Nluku khutthaja Nuuru “nthana”, yiiza khutthaja “osikhu”. Khuripa khucha, siikhu ya mwanzo.

Aphano Nluku khulupa theenya yoori: “Wiiyevo mwaawanyo vakatthi wa maati onvalulaaye maati na maati!”

Kininkha mathapa ooshi nkhama vitthu zoojiwa za nyama zooshi ziriina ohaayi: anyannyi ooshi ootulu na nyama zooshi mpakha epile zinjipurulaaye vathi.” Khurettikhana etthiipo.

Aphano Nluku khuri: “Otulu ziiyewo vimwasikhelo yoori ovaluleye nthana na osikhu! Ziiye alama zinthoonyezaaye elimwe na mwiita, siikhu na nyaakha.

Nluku khulupa theenya yoori: “Tuniya yootthele tthuttu. Waaza nyaani zinimaaye peewu na miitthi zinimaaye mishumo, wakhula nshumo na phunje zaya khwa nanna zoofwarikhana!” Khurettikhana etthiipo.

Nluku khuretta mwaawanyo ovaluliyeeyo maati vathi na vatulu. Khurettikhana etthiipo.

Tuniya khootthela tthuttu: nyaani zinimaaye peewu, miitthi zinimaaye mishumo na phunje zaya khwa jaati zaya. Nluku khoona yoori pi zooshapweya.

Nluku khwaattala vimwasikhelo piiri khuulu. Emwasikhelo eti khuulu yaya yoori esala elokozela nthana, eti ttiitthi esala elokozela osikhu. Na theenya khwaattala matthottowa.

Nluku khuri: “Akusanyeye maati apa vahali vamote ari vathi wa pinku, epuwe tuulu!” Khurettikhana etthiipo. Tuulu yaya ethiito yawuuma khutthaja nzina la “tuniya”, maati apale aakusanyeyiyeeyo khutthaja nzina la “pahari”. Nluku khoona yoori pi zooshapweya.

Nluku khuparikhiya araka: “Mwittheerelane mwaattelane, mwiitaale mpahari, na anyannyi aattelane va tuniya!”

Aphano Nluku khuri: “Ziiyemo ntuniya jaati zooshi za zumpe, nyama za ntthuttu, mifuwo za vaje na nyama zoojipurula!” Khurettikhana etthiipo.

Aphano Nluku khuri: “Mpahari ziiyemo zumpe zawaatta za wiiyana ohaayi, na eeyevo anyannyi anvavaaye otulu!”

Nluku khumpa nyama za ntthuttu za wakhula jaati, zoojipurula za wakhula jaati, na mifuwo za wakhula jaati. Khoona yoori pi zooshapweya.