Luke 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Nangho phasademin umum; ijeh-inem itile nagel lou pettah-ule Mihem Chapa chu hung ding ahi, ati.

Ahivangin nanghon Pathen lenggam joh chu holun, chutengle hicheng jouse hi naki pehbe dingu ahi.

Chuin ajah uvah, Ching theijun, neipap kiloset jouse-a konin kikangseuvin; ijeh-inem itile mihem khat hinkho hi anei le gou haona-a chu uma ahipoi, ati.

Ijeh-inem itile nagou umna-a chu nalungu jong umding ahi.

Chule nangho lah-a lungkham hatna ahinkho tongkhat jopsaobe thei koi nahiuvem?

Chuin aman aseijuite jah-a, Hijeh-a chu nangho jah-a kasei ahi, I-kaneh ding hitam tin nahinna dingule, i-kasila kachen ding hitam tin natahsa dingun lungkham hih-un.

Ahin nalu chunguva nasamjang jouseu sana kisim sohkeija ahi. Kicha hih-un; vasilih tamtah sanga nangho lujo nahiuve.

Hon lhomho, kicha hih-un; ijeh-inem itile nangho lenggam pehding hi na-Pau lungdei ahi lheh jenge.

Va-ah hokhu ngaitouvin; amahon tula atupouvin, atla a-at pouvin; pang le changsal la aneipouvin; ahivangin Pathen'in amaho khu avahnai. Nangho vacha sanga iti nalutjoh-u hitam?

Chule ipi naneh dingu, ipi nadon dingu, hichu hol hih-un, chule lung dongin jong um hih-un.

Chule jaova hampa tunia uma jinga lhum sunga kileh lutta ding jengbon Pathen'in achuti jeple, Vo tahsan lhomho, chusanga chu aman nangho najepjoh lou dinguham?

Ahinla akiphongdoh lou ding akisela imacha aumpoi, chule hetdoh lou ding imacha aki-ima jong aumpoi.