Luka 23မှ လူကြိုက်နှစ်သက်သော ကျမ်းပိုဒ်များ။

မျှဝေရန်

‘Ona fetalai atu lea o Iesu, “Lo‘u Tamā e, ia e fa‘amāgalo atu ‘iā te i latou; auā ‘ua lē iloa e i latou le mea ‘ua latou faia.” ‘Ona fai lea e i latou o le vili e tufatufa a‘i ona ‘ofu.

‘Ona fetalai atu lea o Iesu ‘iā te ia, “O le ‘upu moni ‘ou te ta‘u atu ‘iā te oe, o le asō ta te fa‘atasi ai ma oe i Parataiso.”

‘Ona fai mai lea o ia ‘iā Iesu, “Iesu e, ia e manatua mai a‘u pe a e afio mai i lou Mālō.”

‘Ona ‘alaga leotele ai lea o Iesu, “Lo‘u Tamā e, ‘ou te tu‘uina atu nei lo‘u agaga i ou ‘a‘ao.” ‘Ua fetalai atu e ia nei ‘upu, ‘ona to ai lea o lana manava.

‘Ua o‘o atu i latou i le mea e ta‘ua “O le Ulupo‘o,” ‘ona latou fa‘asatauro lea ‘iā Iesu i lea mea, ma pagotā e to‘alua, o le tasi i le itū taumatau, ma le isi i le itū tauagavale.

‘Ua o‘o i le itūlā pe tusa o le sefulu ma le lua, ‘ona pogisā uma ai lea o le nu‘u, e o‘o lava i le itūlā e tolu i le aoauli. ‘Ua fa‘apouliuligia fo‘i le la; ‘ua saeluaina fo‘i le totonugalemū o le ‘ie puipui o le malumalu.

‘Ua iloa e le ta‘ita‘i ‘au o le to‘aselau le mea ‘ua tupu, ‘ona vivi‘i atu lea o ia i le Atua, ‘ua fa‘apea ane, “E moni, o le tagata amiotonu o ia.”