Ioane 10မှ လူကြိုက်နှစ်သက်သော ကျမ်းပိုဒ်များ။

မျှဝေရန်

O le gaoi, na ‘ona sau o ia e gaoi, ma fasi, ma fa‘aumatia. ‘Ua ‘ou sau ‘ina ‘ia maua e i latou le ola, ia maua atili ai lava.

“O a‘u o le leoleo mamoe lelei. O le leoleo mamoe lelei ‘ua nofo sauni o ia e oti fa‘atasi ma mamoe.

E fa‘alogo a‘u mamoe i lo‘u leo; ‘ua ‘ou iloa i latou, ‘ua mulimuli mai fo‘i i latou ‘iā te a‘u.

‘Ou te avatu ‘iā te i latou le ola e fa‘avavau, e lē oti fo‘i i latou; e leai fo‘i se isi na te ‘ave‘eseina i latou mai ‘iā te a‘u.

O a‘u nei o le faitoto‘a. O lē e ui mai ‘iā te a‘u e fa‘aolaina; e ulufale mai o ia ma toe ulufafo, ma maua e ia le mea‘ai.

O a‘u o le leoleo mamoe lelei, ‘ua ‘ou iloa a‘u mamoe, ‘ua iloa fo‘i a‘u e i latou

O lo‘u Tamā o lē na tu‘uina mai i latou ‘iā te a‘u, e sili o ia i lo so o se isi, e lē mafai fo‘i e se isi ‘ona ‘ave‘esea i latou mai le Tamā. O a‘u ma le Tamā e tasi lava i mā‘ua.”

fa‘apei ‘ona silafia a‘u e le Tamā ma ‘ou iloa le Tamā; ‘ou te tu‘uina atu fo‘i lo‘u ola e sui ai mamoe.

E leai se isi na te ‘ave‘eseina mai ‘iā te a‘u, ‘ae peita‘i, ‘ou te tu‘uina atu e a‘u lava. O ‘iā te a‘u le pule e tu‘uina atu, o ‘iā te a‘u fo‘i le pule e toe aumai ai. ‘Ua ‘ou maua lenā poloa‘iga mai lo‘u Tamā.

O lea sa toe fetalai atu Iesu, “O le ‘upu moni lava ‘ou te ta‘u atu ‘iā te ‘outou, o a‘u o le faitoto‘a o le lotoā mamoe.

O le ‘au‘auna, e lē o le leoleo mamoe o ia, e lē o ia fo‘i e ona mamoe; a o‘o ‘ina va‘aia e ia le luko ‘ua sau ‘ona sola lea; ‘ona pu‘ea ai lea e le luko o mamoe, ma fa‘ata‘ape‘apeina.

‘Ua fetalai atu Iesu, “O le ‘upu moni lava ‘ou te ta‘u atu ‘iā te ‘outou, o lē e lē ulu atu i le faitoto‘a o le lotoā mamoe, ‘ae ui mai i se isi auala, o le gaoi o ia ma le faomea.