သုတ္တံကျမ်း 22မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ကလေးသူငယ်​ကို​သွန်သင်​၍ သူ​သွား​ရ​မည့်​လမ်း​သို့​ဦးတည့်​ပေး​လော့​။ သို့ပြုလျှင် သူ​သည်​အသက်ကြီး​သောအခါ ထို​လမ်း​မှ​မ​ဖယ်ခွာ​ဘဲ​နေ​လိမ့်မည်​။

စိတ်နှိမ့်ချ​ခြင်း​နှင့် ထာဝရဘုရား​ကို​ကြောက်ရွံ့​ခြင်း​အကျိုး​ကား ဓနဥစ္စာ​၊ ဂုဏ်သရေ​နှင့် အသက်ရှင်​ခြင်း​ဖြစ်​၏​။

များစွာ​သော​ဓနဥစ္စာ​ထက် ဂုဏ်သတင်း​ကျော်စော​ခြင်း​ကို ရွေးချယ်​သင့်​၏​။ မျက်နှာရ​ခြင်း​သည် ရွှေ​၊ ငွေ​တို့​ထက် ပို၍​ကောင်း​၏​။

စိတ်တို​သော​သူ​နှင့် မ​ပေါင်းဖော်​နှင့်​။ ဒေါသကြီး​သော​သူ​နှင့်အတူ မ​လိုက်​နှင့်​။

စေတနာ​စိတ်​ရှိ​သော​သူ​သည် မိမိ​၏​အစားအစာ​ကို ဆင်းရဲ​သော​သူ​အား ပေးကမ်း​သောကြောင့် ကောင်းချီးမင်္ဂလာ​ခံစား​ရ​လိမ့်မည်​။

ဆင်ခြင်ဉာဏ်​ရှိ​သော​သူ​သည် ဘေးအန္တရာယ်​ကို​မြင်​၍ ပုန်းရှောင်​တတ်​၏​။ အသိပညာ​နည်းပါး​သော​သူ​မူကား ဆက်သွား​၍ အပြစ်ဒဏ်​ခံရ​တတ်​၏​။

ချမ်းသာ​သော​သူ​သည် ဆင်းရဲ​သော​သူ​ကို အုပ်စိုး​ရ​၏​။ ချေးယူ​သော​သူ​သည်​လည်း ချေး​ပေး​သော​သူ​၏ ကျွန်​ဖြစ်​ရ​၏​။

ချမ်းသာ​သော​သူ​နှင့် ဆင်းရဲ​သော​သူ​တို့​၏ တူညီ​သော​အချက်​မှာ သူ​တို့​အားလုံး​ကို ထာဝရဘုရား​ဖန်ဆင်း​တော်မူ​ခြင်း​ပင်​ဖြစ်​၏​။

ဆင်းရဲ​သော​သူ​ကို ဆင်းရဲ​သည်​ဆို​၍ ခေါင်းပုံ​မ​ဖြတ်​နှင့်​။ အဖိနှိပ်​ခံရ​သော​သူ​ကို​လည်း မြို့​တံခါး​၌ မ​ညှဉ်းဆဲ​နှင့်​။ အကြောင်းမူကား ထာဝရဘုရား​သည် သူ​တို့​၏​အမှုကိစ္စ​ကို ရင်ဆိုင်ဖြေရှင်း​ပေး​၍ သူ​တို့​ထံမှ​လုယူ​သော​သူ​တို့​၏​အသက်​ကို လုယူ​တော်မူ​လိမ့်မည်​။