သုတ္တံကျမ်း 13မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ပညာရှိ​သော​သူ​တို့​နှင့်အတူ လျှောက်လှမ်း​သော​သူ​သည် ပညာရှိ​လာ​လိမ့်မည်​။ မိုက်မဲ​သော​သူ​တို့​နှင့်အတူ​ပေါင်းဖော်​သော​သူ​မူကား ဒုက္ခရောက်​လိမ့်မည်​။

မိမိ​နှုတ်​ကို​စောင့်စည်း​သော​သူ​သည် မိမိ​အသက်​ကို​စောင့်ရှောက်​၏​။ နှုတ်​ဖွာ​သော​သူ​သည် ပျက်စီး​ခြင်း​သို့​ရောက်​ရ​လိမ့်မည်​။

ကြိမ်လုံး​ကို​မသုံး​သော​သူ​သည် မိမိ​သား​ကို​မုန်း​သော​သူ​ဖြစ်​၏​။ သား​ကို​ချစ်​သော​သူ​မူကား သူ့​ကို​ကြိုးစား​၍​ဆုံးမပဲ့ပြင်​တတ်​၏​။

မျှော်မှန်း​သော​အရာ​ကြန့်ကြာ​နေ​ပါက စိတ်​မသာမယာ​ဖြစ်​တတ်​၏​။ အလိုဆန္ဒ​ပြည့်ဝ​ခြင်း​မူကား အသက်​ပင်​သဖွယ်​ဖြစ်​၏​။

ဖြောင့်မတ်​ခြင်း​သည် တည်ကြည်​သော​လမ်း​သို့​လိုက်​သော​သူ​ကို ကာကွယ်​စောင့်ရှောက်​တတ်​၏​။ ဆိုးယုတ်​ခြင်း​မူကား အပြစ်သား​ကို မှားယွင်း​ချွတ်ချော်​စေ​တတ်​၏​။

လွယ်လွယ်​ရ​သော​စည်းစိမ်ဥစ္စာ​သည် လျော့နည်း​သွား​တတ်​၏​။ နည်းနည်းချင်း​စုဆောင်း​သော​သူ​မူကား စည်းစိမ်ဥစ္စာ​ကို​တိုးပွား​စေ​တတ်​၏​။

မာနထောင်လွှား​ခြင်း​သည် ခိုက်ရန်​ကို​သာ​ဖြစ်ပွား​စေ​တတ်​၏​။ အကြံပေး​ခြင်း​ကို​လက်ခံ​သော​သူ​၌​ကား ဉာဏ်ပညာ​ရှိ​၏​။

သူတော်ကောင်း​သည် သားမြေး​တို့​အတွက် အမွေ​ကို​ချန်ထား​တတ်​၏​။ အပြစ်ပြု​သော​သူ​၏​ဥစ္စာပစ္စည်း​မူကား ဖြောင့်မတ်​သော​သူ​အတွက် သိုမှီး​ထား​ခြင်း​ခံရ​၏​။

ပညာရှိ​သော​သား​သည် ဖခင်​၏​ဆုံးမပဲ့ပြင်​ခြင်း​ကို နားထောင်​တတ်​၏​။ ပြက်ရယ်​ပြု​သော​သား​မူကား ဆုံးမ​စကား​ကို နား​မ​ထောင်​တတ်​။

ဆင်းရဲ​ခြင်း​နှင့်​အရှက်ကွဲ​ခြင်း​သည် ဆုံးမပဲ့ပြင်​ခြင်း​ကို​လျစ်လျူရှု​သော​သူ​ထံသို့ ရောက်လာ​လိမ့်မည်​။ ဆိုဆုံးမစကား​ကို​စောင့်ထိန်း​သော​သူ​မူကား ဂုဏ်ပြုချီးမွမ်း​ခြင်း​ခံရ​လိမ့်မည်​။