ဝတ်ပြုရာကျမ်း 26မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ငါ​သည် သင်​တို့​အလယ်​၌ သွားလာ​၍ သင်​တို့​၏​ဘုရား​ဖြစ်​မည်​။ သင်​တို့​သည်​လည်း ငါ​၏​လူမျိုး​တော်​ဖြစ်​မည်​။

ငါ​သည် သင်​တို့​အဖို့ မိုး​ကို သူ့​ရာသီ​နှင့်​သူ​ရွာ​စေ​သဖြင့် မြေ​သည် အသီးအနှံ​ဖြစ်ထွန်း​လိမ့်မည်​။ လယ်ယာ​ရှိ​အပင်​တို့​သည် ကောက်ပဲသီးနှံ​ဖြစ်ထွန်း​လိမ့်မည်​။

သင်​တို့​သည် ငါ​၏​ပြဋ္ဌာန်းချက်​တို့​ကို လိုက်လျှောက်​၍ ငါ​၏​ပညတ်တော်​တို့​ကို လိုက်နာ​စောင့်ထိန်း​လျှင်

ငါ​သည် ထို​ပြည်​၌ ငြိမ်းချမ်းမှု​ရှိ​စေ​သဖြင့် သင်​တို့​အိပ်​သောအခါ မည်သူ​မျှ သင်​တို့​ကို ကြောက်ရွံ့တုန်လှုပ်​အောင် လုပ်​လိမ့်မည်​မ​ဟုတ်​။ ငါ​သည် ဘေးအန္တရာယ်​ပေး​တတ်​သော တောရိုင်းတိရစ္ဆာန်​တို့​ကို ထို​ပြည်​ထဲမှ ဖယ်ရှား​မည်​။ သင်​တို့​ပြည်​သည် ဓားဘေး​နှင့် ကြုံတွေ့​ရ​လိမ့်မည်​မ​ဟုတ်​။

ငါ​သည် သင်​တို့​ကို ကြည့်ရှု​မည်​။ သင်​တို့​ကို တိုးပွား​များပြား​စေ​မည်​။ သင်​တို့​နှင့်​ဖွဲ့​ခဲ့​သော​ငါ​၏​ပဋိညာဉ်​ကို ငါ​တည်​စေ​မည်​။

ငါ​သည် အီဂျစ်​ပြည်​၌​ကျွန်ခံ​ခဲ့​သော​သင်​တို့​ကို ထို​ပြည်​မှ​ထုတ်ဆောင်​ခဲ့​သော သင်​တို့​၏​ဘုရားသခင်​ထာဝရဘုရား​ဖြစ်​၏​။ ငါ​သည် သင်​တို့​၏​ထမ်းပိုး​ကို ချိုးဖျက်​၍ သင်​တို့​ကို မတ်မတ်​လျှောက်​စေ​မည်​။

ငါ​ကိန်းဝပ်​တော်မူ​ရာ​တဲ​တော်​ကို သင်​တို့​အလယ်​၌ ငါ​ထား​မည်​။ ငါ​သည် သင်​တို့​ကို​ရွံရှာ​မည်​မ​ဟုတ်​။

သင်​တို့​အဖို့ ရုပ်တု​များ​ကို မ​ပြုလုပ်​ရ​။ ဆင်းတု​ကို မ​ထွင်းထု​ရ​။ ကျောက်တိုင်​ကို မ​စိုက်ထူ​ရ​။ သင်​တို့​၏​ပြည်​၌ ကျောက်ဆစ်​ရုပ်တု​ကို​သင်​တို့​ရှိခိုးကိုးကွယ်​ဖို့ မ​ထား​ရ​။ အကြောင်းမူကား ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

သင်​တို့​သည် ကြာရှည်​စွာ​သိုထား​သော​သီးနှံ​အဟောင်း​ကို စား​ရ​လိမ့်မည်​။ သီးနှံ​အသစ်​ပေါ်​သောအခါ အဟောင်း​ကို​ထုတ်ပစ်​ရ​လိမ့်မည်​။

သင်​တို့​ထဲမှ ငါး​ယောက်​သည် အယောက်​တစ်ရာ​ကို​လိုက်​လိမ့်မည်​။ အယောက်​တစ်ရာ​သည် အယောက်​တစ်သောင်း​ကို​လိုက်​လိမ့်မည်​။ သင်​တို့​၏​ရန်သူ​တို့​သည် သင်​တို့​၏​ရှေ့မှောက်​၌ ဓားလက်နက်​ဖြင့် ကျဆုံး​ကြ​ရ​လိမ့်မည်​။

သင်​တို့​သည် စပျစ်သီး​ဆွတ်ခူး​ချိန်​အထိ တလင်းနယ်​ရ​လိမ့်မည်​။ စိုက်ပျိုး​ချိန်​အထိ စပျစ်သီး​ဆွတ်ခူး​ရ​လိမ့်မည်​။ အစားအစာ​ကို ဝ​စွာ​စား​ရ​၍ သင်​တို့​၏​ပြည်​၌ ဘေးကင်းလုံခြုံ​စွာ​နေ​ရ​လိမ့်မည်​။

သင်​တို့​သည် ရန်သူ​တို့​ကို​လိုက်​၍ သူ​တို့​သည် သင်​တို့​ရှေ့မှောက်​၌ ဓားလက်နက်​ဖြင့် ကျဆုံး​ကြ​ရ​လိမ့်မည်​။

ငါ​၏​ဥပုသ်နေ့​ကို စောင့်ထိန်း​၍ ငါ​၏​သန့်ရှင်းရာဌာန​ကို ရိုသေ​ရ​မည်​။ ငါ​သည် ထာဝရဘုရား​ဖြစ်​၏​။