<div class="version vid3992 iso6393eka" data-vid="3992" data-iso6393="eka">
 <div class="book bkMAT">
 <div class="chapter ch16" data-usfm="MAT.16">
 <div class="label">16</div><div class="s">Ana bo sebe re bo nyehn nkpokosi</div><div class="r">(Mak 8:11-13; Luk 12:54-56)</div><div class="p"> 1Egom Farisi jindiki, a Bab Sadusi kehm bake goji Jisos re bo ba gar-e. Owo bo kehm-e tongo re, &#225; lim nkpokosi nyi lohng go ejahbetul Esowo tib bo.#16:1 Mat 12:38</div><div class="p"> 2Owo Jisos kehm faange bo re, &#8220;Ana wo &#324; kpo kono elbungu. Elgung l&#42892;ba, eji elbung ma biili, &#324; re, &#8216;Elahb nehm na.&#8217; 3Efungfu atv atv eji elbung ma biili, fere ny&#42892;nyak, &#324; re, &#8216;Elahb bahke nake.&#8217; &#323; kpo kahn ana elbung li no, joare elahb bahke nake, afi nehm na. Anv, nliingi nyi kp&#42892;tibi bada ngare &#324; nehme ma liinga?#16:3 1 Tes 5:1; Luk 2:12; Mat 24:3,30 4Abi ane ba li anv, ba ma sennge Esowo njahm kp&#42892;sebe re bo nyehn nkpokosi. Jol nkpokosi anyehng anyehng bo nehm nyehn, sehngem nkpokosi ana nyio nyi nnyehnamahr Jona nyi nyi bo bahke nyehne.&#8221;</div><div class="p">Owo &#225; kehm soro tahm bo sa o, tahm eje.</div><div class="s">Ayist nya Farisis, a nya Sadusis</div><div class="r">(Mak 8:14-21)</div><div class="p"> 5Eji abat&#42892;toono Jisos siiri eto jio, song rehng egbuk jehko, ebred ajehng ajehng bo belem. Tibre bo y&#42892;yini, bo rodem. 6Owo Jisos kehm tongo bo re, &#8220;Jo gberen, wahn jo kunu ekpu go ayist nyao nya Farisis, a nya Sadusis.&#8221;#16:6 Luk 12:1; Gal 5:9</div><div class="p"> 7Bo kehm kehme elbungu atemtem re, &#8220;&#193; bungu ellum nia a, tib eji e ki rod abred ba a nya.&#8221;</div><div class="p"> 8Eji Jisos sebe kahn ana bo jo bung, &#225; kehm bahbe bo re, &#8220;Wahn ane ba kp&#42892;kahn taame ntiil ba! Jen ji wahnge &#324; kp&#42892;bungu atemtem bade ana &#324; ki rod abred ba a nya? 9Anv, &#324; ka tiki kahn naa? Anv, &#324; nehme kpe buumu ana m bakke abon abred bao na alon, ka ane atahltahl nkpel ewubbal atahl awuba? Anv, erik ji sa no, ji &#324; taare no, ruru ejeere ebbik? 10Abon abred bao na asehma ba m bakke, ka ane atahltahl nkpel ewubu, erik ji sa no, ji &#324; taare no, ruru ejeere ebbik? 11Jen ji wahnge &#324; kil tiki kahn re, n joom bung a nahne bade abred? Jo gberen elnahne tib ayist nya Farisis, a nya Sadusis.&#8221;</div><div class="p"> 12Owo abat&#42892;toono ebe kehm kahne re, Jisos jo tongo bo re, bo gbere eltibi nio ni Farisis, a ni Sadusis, bo k&#42892;gbere ayist nya bo kpo kak go abred.</div><div class="s">Ana Pita bungu bada Jisos</div><div class="r">(Mak 8:27-30; Luk 9:18-21)</div><div class="p"> 13Eji Jisos rehnge go ejang bi Sisaria Filipi, owo &#225; kehm bahbe abat&#42892;toono ebe re, &#8220;Anv, ane kpo bung renan bada Mmon no nne? Nne awo li Mmon no nne?&#8221;</div><div class="p"> 14Owo bo kehm faange re, &#8220;Ane bandiki kpo bung re, wo Jon ji nwohngalahb wo. Ane bandiki bung re, wo Elaija wo. Ane bandiki re, wo Jeremaya wo, tohko jol ano nnyehnamahr nondiki wo.&#8221;</div><div class="p"> 15Owo Jisos kehm bahbe bo re, &#8220;Anv, wahn kpo tir re, me n li elkohn nne awo?&#8221;</div><div class="p"> 16Saimon Pita kehm faange re, &#8220;Wo wo li Mesaya ji Mmon no Esowo bi li go elkpin.&#8221;#16:16 Jon 6:69</div><div class="p"> 17Owo Jisos kehm-e faange re, &#8220;Eyebatahng li a na, Saimon, mmon a Jona. Ji a bungu a, nne sang tib-a na. Nsoo no li go ero wo ma lennge ka-a. 18N kp-a kpeke tong re, Wo wo li Pita (ji lohngo re eltal).#16:18 Jon 1:42 Go ekpartal jia wo m bahke sehke etahk ero ejame.#16:18 Ef 2:20 Jol elkv nehm ma rannge etahk jio. 19M bahk-a kake agbokoro nya ejahbetul Esowo.#16:19 Elt 15:7 Ji a l&#42892;gba go njini nyia, bobtob gba go ejahbetul Esowo. Ji a l&#42892;fannge go njini nyia, bobtob fannge go ejahbetul Esowo.&#8221;#16:19 Mat 18:18; Jon 20:23</div><div class="p"> 20Owo Jisos kehm tongo abat&#42892;toono ebe re, bo k&#42892;tiki tong nne awohng awohng re, ye wo li Mesaya.</div><div class="s">Ana Jisos bungu bade erem ebe, a elkv ene</div><div class="r">(Mak 8:31--9:1; Luk 9:22-27)</div><div class="p"> 21Bomo ngare nyio asongo, Jisos kehm bomo abat&#42892;toono ebe eltongo gbul gbul gbuul re, &#8220;M bahke jeke go Jeusalem, song nyehn erem gbalee, bi anebkul nfam, a atubesi abalimajom, a at&#42892;tibi ba atahm bahk-m kake. Bo bahk-m wulu. L&#42892;kang nfung era, n nyahme go elkv.&#8221;#16:21 Jon 2:19,21</div><div class="p"> 22Pita kehm koko Jisos, tahm a ne go nkpohko, kehm-e rehke re, &#8220;Nsoo, Esowo k&#42892;taame re ejum ana jia lim-a.&#8221;</div><div class="p"> 23Owo Jisos kehm sennge, tong Pita re, &#8220;Nnehm, fak-m go esamahr! Wo kp-m kpane. Tibre a kpo tir ntir nyehka nyehka nyi ane. A kpehme tir ntir nyi Esowo.&#8221;#16:23 Mat 4:10</div><div class="p"> 24Owo Jisos kehm tongo abat&#42892;toono ebe re, &#8220;Nne awohng awohng no l&#42892;seb re &#225; toon-m, nong &#225; ten elne tv-m, fere rod ekros eje tahm toon-m. 25Tibre nne awohng awohng no l&#42892;seb re &#225; tahre elkpin ene, &#225; bahke tane na elkpin ene. Nne awohng awohng no l&#42892;tane elkpin ene tib go egame esi, &#225; bahke bele etingitingi elkpin. 26Nsehng anyi nne bahke lehke, afi &#225; gbo afang nya njini nyia kpee, fere tane etohko eje? Ejum aji nne bahke kake, kehm fake etohko eje?#16:26 Elt 8:18-20; 1 Pit 1:18-19</div><div class="p"> 27&#8220;Tibre Mmon no nne yahke ba elbake go ellub ni nde, a enjel enye. Owo &#225; bahke tuuru nne awohng awohng jang jang ana &#225; limi no.#16:27 Rom 2:6; Luk 19:16-19 28Etingitingi, n kp-n tongo re, Egom ejahne jindiki jia ana, ji l&#42892;k&#42892;kpo tete bo nyehn Mmon no nne kp&#42892;bake ana ntul.&#8221;#16:28 Mat 17:2</div>
 </div>
 </div>
</div>

©️2024 Luke Initiative for Scripture Translation

Egom Farisi jindiki, a Bab Sadusi kehm bake goji Jisos re bo ba gar-e. Owo bo kehm-e tongo re, á lim nkpokosi nyi lohng go ejahbetul Esowo tib bo.
Owo Jisos kehm faange bo re, “Ana wo ń kpo kono elbungu. Elgung lꞌba, eji elbung ma biili, ń re, ‘Elahb nehm na.’ Efungfu atv atv eji elbung ma biili, fere nyꞌnyak, ń re, ‘Elahb bahke nake.’ Ń kpo kahn ana elbung li no, joare elahb bahke nake, afi nehm na. Anv, nliingi nyi kpꞌtibi bada ngare ń nehme ma liinga? Abi ane ba li anv, ba ma sennge Esowo njahm kpꞌsebe re bo nyehn nkpokosi. Jol nkpokosi anyehng anyehng bo nehm nyehn, sehngem nkpokosi ana nyio nyi nnyehnamahr Jona nyi nyi bo bahke nyehne.”
Owo á kehm soro tahm bo sa o, tahm eje.


Eji abatꞌtoono Jisos siiri eto jio, song rehng egbuk jehko, ebred ajehng ajehng bo belem. Tibre bo yꞌyini, bo rodem. Owo Jisos kehm tongo bo re, “Jo gberen, wahn jo kunu ekpu go ayist nyao nya Farisis, a nya Sadusis.”
Bo kehm kehme elbungu atemtem re, “Á bungu ellum nia a, tib eji e ki rod abred ba a nya.”
Eji Jisos sebe kahn ana bo jo bung, á kehm bahbe bo re, “Wahn ane ba kpꞌkahn taame ntiil ba! Jen ji wahnge ń kpꞌbungu atemtem bade ana ń ki rod abred ba a nya? Anv, ń ka tiki kahn naa? Anv, ń nehme kpe buumu ana m bakke abon abred bao na alon, ka ane atahltahl nkpel ewubbal atahl awuba? Anv, erik ji sa no, ji ń taare no, ruru ejeere ebbik? Abon abred bao na asehma ba m bakke, ka ane atahltahl nkpel ewubu, erik ji sa no, ji ń taare no, ruru ejeere ebbik? Jen ji wahnge ń kil tiki kahn re, n joom bung a nahne bade abred? Jo gberen elnahne tib ayist nya Farisis, a nya Sadusis.”
Owo abatꞌtoono ebe kehm kahne re, Jisos jo tongo bo re, bo gbere eltibi nio ni Farisis, a ni Sadusis, bo kꞌgbere ayist nya bo kpo kak go abred.


Eji Jisos rehnge go ejang bi Sisaria Filipi, owo á kehm bahbe abatꞌtoono ebe re, “Anv, ane kpo bung renan bada Mmon no nne? Nne awo li Mmon no nne?”
Owo bo kehm faange re, “Ane bandiki kpo bung re, wo Jon ji nwohngalahb wo. Ane bandiki bung re, wo Elaija wo. Ane bandiki re, wo Jeremaya wo, tohko jol ano nnyehnamahr nondiki wo.”
Owo Jisos kehm bahbe bo re, “Anv, wahn kpo tir re, me n li elkohn nne awo?”
Saimon Pita kehm faange re, “Wo wo li Mesaya ji Mmon no Esowo bi li go elkpin.”
Owo Jisos kehm-e faange re, “Eyebatahng li a na, Saimon, mmon a Jona. Ji a bungu a, nne sang tib-a na. Nsoo no li go ero wo ma lennge ka-a. N kp-a kpeke tong re, Wo wo li Pita (ji lohngo re eltal). Go ekpartal jia wo m bahke sehke etahk ero ejame. Jol elkv nehm ma rannge etahk jio. M bahk-a kake agbokoro nya ejahbetul Esowo. Ji a lꞌgba go njini nyia, bobtob gba go ejahbetul Esowo. Ji a lꞌfannge go njini nyia, bobtob fannge go ejahbetul Esowo.”
Owo Jisos kehm tongo abatꞌtoono ebe re, bo kꞌtiki tong nne awohng awohng re, ye wo li Mesaya.


Bomo ngare nyio asongo, Jisos kehm bomo abatꞌtoono ebe eltongo gbul gbul gbuul re, “M bahke jeke go Jeusalem, song nyehn erem gbalee, bi anebkul nfam, a atubesi abalimajom, a atꞌtibi ba atahm bahk-m kake. Bo bahk-m wulu. Lꞌkang nfung era, n nyahme go elkv.”
Pita kehm koko Jisos, tahm a ne go nkpohko, kehm-e rehke re, “Nsoo, Esowo kꞌtaame re ejum ana jia lim-a.”
Owo Jisos kehm sennge, tong Pita re, “Nnehm, fak-m go esamahr! Wo kp-m kpane. Tibre a kpo tir ntir nyehka nyehka nyi ane. A kpehme tir ntir nyi Esowo.”
Owo Jisos kehm tongo abatꞌtoono ebe re, “Nne awohng awohng no lꞌseb re á toon-m, nong á ten elne tv-m, fere rod ekros eje tahm toon-m. Tibre nne awohng awohng no lꞌseb re á tahre elkpin ene, á bahke tane na elkpin ene. Nne awohng awohng no lꞌtane elkpin ene tib go egame esi, á bahke bele etingitingi elkpin. Nsehng anyi nne bahke lehke, afi á gbo afang nya njini nyia kpee, fere tane etohko eje? Ejum aji nne bahke kake, kehm fake etohko eje?
“Tibre Mmon no nne yahke ba elbake go ellub ni nde, a enjel enye. Owo á bahke tuuru nne awohng awohng jang jang ana á limi no. Etingitingi, n kp-n tongo re, Egom ejahne jindiki jia ana, ji lꞌkꞌkpo tete bo nyehn Mmon no nne kpꞌbake ana ntul.”

နားထောင်ပါ။ Mat 16