 If you would like a copy of this version please contact info@davaraudiobibles.org

Text: Noiri New Testament, CC-BY-SA-4.0, The Love Fellowship. Audio: Noiri New Testament, CC-BY-SA-4.0, Davar Partners International, The Love Fellowship, 2023

Noiri New Testament

Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.

बेखमीर रोटाहा तीवारे ज्याहा वल्हाडन तिवार कोतेहे जागे ओतु, अने मुख्य याजक अने शास्त्री आव गोठीइ होदित ओते का तियाहा केहलो माईत टाकिलो पोन तेए मांहोहो बिहता ओता.

तेहलाम शैतान यहूदा मेहे आवयू ज्याहा इस्करियोती कोयु जाहो अने बारा शिक्षामेहे मोजीलो जात ओतु. तिये जात मुख्य याजक अने सिपायडाआ सरदाराआरी गोठी कोअयी का तियाहा कोडला प्रकारे तियाआ आथोमेहे तोईत आपलो. ते आनंदाम उवे अने तियाहा पोशा आपलो वचन आप्लु. तिये माजित लेधलो अने संधी होदहू लाग्यू का जांहा गोर्दी नेशेय तेहलाम तियाआ आथोमेहे तोईत आपलो.


तेहलाम बेखमीर रोटाहा तीवारे आवयू ज्याम वल्हांडन च्या कोकऱ्याआ बलिदान कोईओलो आवश्यक ओते. येशु पेत्र अने योहानाआ ओ कोत मोकलित का जात आमा खाअलाकाजे वल्हांडन तीयार को. तिये तियाहा फ़ुस्ल्याआ, ताहु का लागेहे का ओ का तीयार कोहू? तिये तियाहा कोयु, पाला, नगरोत प्रवेश कोअताज एक माहुहू पाअयोओ वोटलू उसो कोअल्यु तुमामे जोडीत; ज्या कोअमे तो जानारू तुमु तियाआ फासाडी जायलो अने तिया कोओओ मालकोहू कोओलो स्वामी ताहु कोत्लू का ती खायलाकाजे जागू का होय जीमेहे आय आपाआ शिष्याआरी भाकर खाऊ? तो तुमामे एक होबाडीलो वोडी माळी देखाडनारू तीही तीयारी कोइलाआ. तिये जात जेहलो तियाहा कोयु ओते, तेहलूज पाल्लये, अने वल्हांडण तीयार कोल्यु.


जाहा खाअलो टाईम आविलो ताहा तो प्रेषिताआरी रोटू खाअहू कोअता बोहयु. अने तिये तियाहा कोयु, माहु वोडी आशा ओती का दुख सहन कोइलाआ आगाडी ओ तिवार तुमाआरी कोहू. जाहा आय तुमामे कोत्लू का जो पर्यंत परमेश्वरोओ राज्याम पुरो उवनारा नाहा तोपोरोत आय तियाहा खोरोज खाही नाहा. तेहलाम तिये पिदो घेऊन आभार महांआ अने कोयु, ओ ल्या अने आपसामेहे वाटीत ल्या. काहाके आय तुमामे कोत्लू का जोपोरोत परमेश्वरोओ राज्य आविलो नाहा तोपोरोत आय द्राक्षरस ओमोरोत पीही नाहा. फासाडी तिये भाकर लेदि अने आभार मानीत ती तोडीअते अने तियाहा ओ कोयु आप्लु ओ माआ डील होय जे तुमा कोअता आप्लु जात होय माआ ओर कोइला कोता ओ कोईत रो. याजहोस तिये रोटाफासाडी पिदो पण ओ कोयु आप्यू ओ पिदो तियाअ रक्ताम जो तुमा कोअता वोहाड्यू जात होय नवो करार होय. पोन पाला, माहु तोईत आपनाराआ आथे माआ मेज माय होय काहाके माअहा पोऱ्या ताहा जेहलो त्यांकोअता ठेरव्यो जाहो पण हाय तियाअ माहुंपो ज्यावाही तो तोईत आप्यू जात होय. तेहलाम ते आपसामेहे विसारपूस कोअहू लागाडीत का आमा माय कोडू होय तोओ कोअनारू.

तीयाम ओ वादविवाद पण ओवयू का तीयाम कोडू वोडू होमाज्या जात्लू. येशु तियाहा कोयु, अन्यजाति राजा तियापो राज कोअत्लू; अने जे तियापो अधिकार मेकात्ले तियाहा उपकार विहरीनारू कोतेहे. पोन तुमु एहलो ओवुहू नाहा; पण जो तुमामे वोडू होय तो हनाहोस अने जो मुख्य होय तो सेवको होस बोना. काहाके वोडू कोडू होय? तो खाअलाकाजे बोहयु होय किंवा जो सेवा कोईत होय? नाहाकोत तो नाहा जो खाअलाकाजे बोहयु होय? पण आय तुमामे सेवको होस होय. तुमु ते होय जे माआ परीक्षेमेहे निरंतर माआरी रोल्या, अने जेहलो माआ बाह्हू माकोअता एक राज्य ठेरव्यो होय तेहलूज आय पण तुमा कोअता ठरवीही, म्हणजे तुमु माआ राज्याम माआ मेजापरे बोहित इस्रायल, पिणारे अने एवडोज नाहा ताहा सिहासनापो बोहित बारा वन्शाआ न्याय कोअनारू.


शिमोन, ओ शिमोन, पाला, शैतान तुमाहा मांह्हू मागित लेधलो होय का तुमामे गवोओहोस फटके, पोन आय ता कोअता विनंती कोअयी का ताआ विश्वास जाहू नाहा; अने जांहा फिरीही ताहा आपाआ पायहोहो स्थिर कोईओलो. तिये तियाहा कोयु, ऐ प्रभू, आय ताआरी बंदिकोअमे जाहू एवडोज नाहा ताहा मोहुहू पण तीयार होय तिये कोयु, ओ पेत्रा, आय ताहु कोत्लू का आज कुकडू वाहे नाहा तोपोरोत तू माआ तीन टायमोआ नकार कोअनारू तू माहु उलखित्लू नाहा.

इहिजा तिये तियाहा कोयु, जांहा आय तुमामे खोतली अने खोली अने बिनखाडाआ मोकल्ये ओते ताहा नाहाकोत? तुमामे किबी वस्तूअ कोम उवी ओती? कोडलाज वस्तूअ नाहा. येशु तियाहा कोयु पण ओमे ज्याआ जागे खोतली होय तो तीही घेऊन ले, अने तेहलीज खोली पण अने ज्यापो नाहा तो आपाआ कापडे वेसेत एक वेसातो घेऊन आप. काहाके आय तुमामे कोत्लू का ओ जे लेखिलो होय तो अपराधी आरी मोजीलो गोल्यो ह्याआ मामेह पुरो उवे आवश्यक होय काहाके माआ विषयाम लेखल्यी गोठी पुरो उवे होय. तिये कोयु, ऐ प्रभू इही बेन तलवार होय तिये तियाहा कोयु, “जाखो होय.”


तेह्लाम तो बारथे निहित आपाआ रीतीवाही जैतुनाआ डोगोपो गोयु एने शिष्य तियाआ फासाडी चालीलो लागाडीत. तिया जागापो पुगित कोईत तिये तियाहा कोयु, “प्रार्थना को का तुमु परीक्षेमेहे पोडहू कायना” अने तो स्वतः त्यापोरोत दोनोओ टप्पाएतो सेटू गोल्यो अने मांडे टेक्यू प्रार्थना कोहू लाग्यू, “ओ ओबा, जर ताहु लागेहे ओ प्यालाहा मापोरोत काढीत ले, तेबी पण माआ नाहा ताहा ताआज इच्छा पुरो ओवुहू आप” तेहलाम होर्गामेऱ्ये एक दूत आवयू तो तियाहा सामर्थ्य आपित ओतु. तो अत्यंत संकटामे खिन्न ओतगोयु फासी पण दुखेहे प्रार्थना कोहू लाग्यू; अने याआ गोजारे जेहेकाय रक्ताआ वोडो-वोडो ठीबकाहोस धरतीपो पोडीत ओते. तेहलाम तो प्रार्थनामेरोत उठ्यू अने आपाआ शिष्याआरी आविलो तियाहा खेदामुळे तियाहा हुविलो पालील्यो. अने तियाहा कोयु, “काहा हुवीत होय? उठा, अने प्रार्थना को का परीक्षेमेहे पोडहू कायना.”


तोओ कोयु ओतु अने एक गोर्दी आवयी ओती अने तियाअ बारा मायरोत एक जोओ ज्याचेव नाव यहुदा ओते तियाआ आगाडी-आगाडी आवीत ओतु तो येशुआरी आवयू तो तियाआ चुंबन लेही. येशु तियाहा कोयु ऐ यहूदा नाहाकोत तू चुंबन घेऊन माअहा पोऱ्याहा तोईत आपी होय? तियाआ हेगातीही ओ पालील्यो का नाहाकोत उवे होय, ताहा कोयु, “ओ प्रभू नाहाकोत आमाहा तलवार सालाडहू?” अने त्यामोऱ्यो एकाने महायाजकाआ सेवकापो तलवार लाडीत हुदु कान उडाडीत आप्यू. तियापो येशु कोयु, “ओमे बंद को”, अने तिया कान स्पर्श कोईत तियाहा हाजो कोल्यु. तेहलाम येशु मुख्य याजक अने मंदिराआ रखणाराआ सरदार अने बाह्हाहा जे तियापो चोडिलो कोईत आव्ये ओते, कोयु, नाहाकोत तुमु माहु बांड होमजीत तलवार अने डेगाऱ्या घेऊन निकलीलू होय? जांहा आय मंदिरोम दाडीअ तुमाआरी ओतु, ताहा तुमु मापो आथे टाक्यू नाहा; पण ए तुमाआ वेल होय, अने आंदाराआ अधिकार होय.


फाशो ते तियाहा तोईत घेऊन जातले, अने महायाजकाआ कोओ आव्ये, पेत्र सेटेजरोत तियाआ फासाडी-फासाडी जात ओतु, अने जांहा खोलीम आगी पेटाडीत एकठे बोह्ये, तेहलाम पेत्र पण तीयाम बोहित गोल्यो. तेहलाम एक दासि आगीई उजवोळोमे बोहीतरोल्यु पालीत अने तियाआ जागे पालीत कोहू लागीई “ओ पण त्याआरी ओतु” पोन तिये ओ कोत नकार कोअयु, “ओ बाय, आय तियाहा उलखित्लू नाहा” थोडो टायमोमे कोडूबी पालहु कोयु, “तू पण ताहा त्यामेथुं होय, पेत्राई, कोयु,” “ओ मांहे, आय नाहा होय तो” केतो तेबी तासावाही फासी एक माहुहू खातरीकोईत कोहू लाग्यू, “खोरोज ओ पण त्याआरी ओतु, काहाके ओ गलाली होय” पेत्राई कोयु, “ओ मांहे, आय होमजाडीत नाहा का तू नाहाकोत कोतलु” तो कोताच ओतु एवडाम कुकडू वाहयू. तेहलाम प्रभूऊ पेत्राई पालील्यो, अने पेत्राहा प्रभूऊ ती गोठी ओर आवयी जे तिये कोयु ओते आज कुकडू वाहलो आगाडी, तू तीन टायमोआ माआ नकार कोअनारू. अने बारथे निहित मोठ-मोठयाने रोड्यू.


जिया माहुंऊ येशुहू तोईत तोअये ओते ते तियाआ थट्टा कोहू लागीई, अने त्याआं डोआं टापीत तियाहा फुसिलो लागाडीत, “भविष्यवाणी कोईत कोअलो आमाहा का ताहु कोडु माअये” अने तिये जास्तीज यापोरोत जाखा निंदा गोठी तियाआ विरोधाम कोयु.


जाहा दीही उगीतकोईत डाये, मुख्य याजक अने शास्त्री एकठे उवे अने तियाहा आपाआ महासभामे हादीत फ़ुस्ल्याआ, “जर तू ख्रिस्त होय, ताहा आमाहा कोत आप,” तिये तियाहा कोयु, “जर आय तुमामे कोअही, ताहा विश्वास कोअनारू नाहा” अने फुसनारू ताहा उत्तर आपी नाहा. पण ओमोरोत माअहा पोऱ्या परात्पर परमेश्वरोओ हुदिवोल बोहीतरोल्यु रोही योपो आखाहा कोयु, “नाहाकोत तू परमेश्वरोओ पोऱ्या होय?” तिये तियाहा कोयु, “तुमु स्वतः च कों ओतु, काहाके आय होय” तेहलाम तिये कोयु, “ओमे आमाहा साक्ष आपलो नाहाकोत गोरोज होय काहाके आमाहा खुद तियाआ सोबिमरोत होमलित लेधलो होय.”

နားထောင်ပါ။ लूका 22