<div class="version vid2365 iso6393lsm" data-vid="2365" data-iso6393="lsm">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">EMANYISA</span></div><div class="im"><span class="content">Esitabo sya Musa sitaangira esilaangwa </span><span class="bk"><span class="content">Ohuchaaka</span></span><span class="content"> syeekesa &#8220;enjaako&#8221;. Esitabo sino silomaloma hu huloongwa hw'ekulu neende esyaalo, enjaako y'olwiibulo lw'abaandu, ohuchaaka hw'esyonoono neende ohusaanda hwomu syaalo, haandi hu ngeri yi Nasaae aholera alala neende abaandu. </span><span class="bk"><span class="content">Ohuchaaka</span></span><span class="content"> si nyala ohukabulwamo ebituundu bihoongo bibiri: (1) Ohuloongwa hw'esyaalo neende engano chataangira echilomaloma hu lwiibulo lw'abaandu. Muno nimwo omuli ebiindu byaliwo ebidiira hu Adamu neende Efa, Kaini neende Abbeli, Nowa neende amaachi k'ofwomboole, neende Omunara kwa Bbabbilooni (Esuula 1-11). (2) Ebiindu byaliwo ebidiira hu bakuukaang'ene Yisiraeli. Otaangira niye Abburahamu, owali yamanyihana hulw'efukiirira yae neende obuwulisi bwae eyiri Nasaae. Ebiloondaho nibyo ebidiira hu mwaana wae Yisaka neende Yakobbo omwiichuhulu wae (yesi olaangwa Yisiraeli), neende ebidiira hu baana ba Yakobbo ehumi-na-babiri, abachaaka enono ehumi-na-chibiri echa Yisiraeli. Esira hoongo yiteebwa hu mwaana wae mulala olaangwa Yosefu, neende ebiholwa byakera Yakobbo neende abaana bae baandi neende amadaala kaabwe koosi baachia baamenya mu Misiri (Esuula 12&#8212;50).</span></div><div class="ip"><span class="content">Kata esitabo sino asyahaba nisilomaloma hu biindu bidiira hu baandu, nae sihira ohulomaloma hu biindu bi Nasaae yahola. Sitaangira neende ohwomiisa siti, Nasaae niye owaloonga esyaalo, haandi simaliiriha neende esisuubise siboola siti Nasaae achia ohwemeeda ohubaasa hu baandu bae. Mu sitabo sino syoosi, enomanoma yihiramo niyo eyidiira hu Nasaae koti omuheengi w'emisaango haandi yaasaandya abonooni, haandi owemeerera haandi koti oyo ohoonya abaandu bae, haandi oluungiha obulamu bwaabwe bwaaba koti lu buli. Esitabo sihale sino syandiikwa ohubiiha olukano ludiira hu fukiirira y'abaandu neende ohuhoonya ohuliinda efukiirira eyo niyiri enyomiifu.</span></div><div class="iot"><span class="content">Ebiri mu sitabo sino mu bwiimbikiti</span></div><div class="io1"><span class="content">Ohuloongwa hw'ekulu n'esyaalo neende ohw'abaandu 1:1&#8212;2:25</span></div><div class="io1"><span class="content">Ohuchaaka hw'esyonoono neende ohusaanda 3:1-24</span></div><div class="io1"><span class="content">Ohutula hu Adamu ohwoola hu Nowa 4:1&#8212;5:32</span></div><div class="io1"><span class="content">Ohutula hu Nowa ohwoola hu maachi k'ofwomboole 6:1&#8212;10:32</span></div><div class="io1"><span class="content">Omunara kwa Bbabbilooni 11:1-9</span></div><div class="io1"><span class="content">Ohutula hu Sema ohwoola hu Abburamu 11:10-32</span></div><div class="io1"><span class="content">Bakuuka: Abburahamu, Yisaka, Yakobbo 12:1&#8212;35:29</span></div><div class="io1"><span class="content">Abeechuhulu b'Esau 36:1-43</span></div><div class="io1"><span class="content">Yosefu neende bamwaanang'ina 37:1&#8212;45:28</span></div><div class="io1"><span class="content">Abaisiraeli nibali mu Misiri 46:1&#8212;50:26</span></div>
        </div>
    </div>
</div>

©Bible Society of Kenya, 2019 ©Bible Society of Uganda, 2019

EMANYISA
Esitabo sya Musa sitaangira esilaangwa Ohuchaaka syeekesa “enjaako”. Esitabo sino silomaloma hu huloongwa hw'ekulu neende esyaalo, enjaako y'olwiibulo lw'abaandu, ohuchaaka hw'esyonoono neende ohusaanda hwomu syaalo, haandi hu ngeri yi Nasaae aholera alala neende abaandu. Ohuchaaka si nyala ohukabulwamo ebituundu bihoongo bibiri: (1) Ohuloongwa hw'esyaalo neende engano chataangira echilomaloma hu lwiibulo lw'abaandu. Muno nimwo omuli ebiindu byaliwo ebidiira hu Adamu neende Efa, Kaini neende Abbeli, Nowa neende amaachi k'ofwomboole, neende Omunara kwa Bbabbilooni (Esuula 1-11). (2) Ebiindu byaliwo ebidiira hu bakuukaang'ene Yisiraeli. Otaangira niye Abburahamu, owali yamanyihana hulw'efukiirira yae neende obuwulisi bwae eyiri Nasaae. Ebiloondaho nibyo ebidiira hu mwaana wae Yisaka neende Yakobbo omwiichuhulu wae (yesi olaangwa Yisiraeli), neende ebidiira hu baana ba Yakobbo ehumi-na-babiri, abachaaka enono ehumi-na-chibiri echa Yisiraeli. Esira hoongo yiteebwa hu mwaana wae mulala olaangwa Yosefu, neende ebiholwa byakera Yakobbo neende abaana bae baandi neende amadaala kaabwe koosi baachia baamenya mu Misiri (Esuula 12—50).
Kata esitabo sino asyahaba nisilomaloma hu biindu bidiira hu baandu, nae sihira ohulomaloma hu biindu bi Nasaae yahola. Sitaangira neende ohwomiisa siti, Nasaae niye owaloonga esyaalo, haandi simaliiriha neende esisuubise siboola siti Nasaae achia ohwemeeda ohubaasa hu baandu bae. Mu sitabo sino syoosi, enomanoma yihiramo niyo eyidiira hu Nasaae koti omuheengi w'emisaango haandi yaasaandya abonooni, haandi owemeerera haandi koti oyo ohoonya abaandu bae, haandi oluungiha obulamu bwaabwe bwaaba koti lu buli. Esitabo sihale sino syandiikwa ohubiiha olukano ludiira hu fukiirira y'abaandu neende ohuhoonya ohuliinda efukiirira eyo niyiri enyomiifu.
Ebiri mu sitabo sino mu bwiimbikiti
Ohuloongwa hw'ekulu n'esyaalo neende ohw'abaandu 1:1—2:25
Ohuchaaka hw'esyonoono neende ohusaanda 3:1-24
Ohutula hu Adamu ohwoola hu Nowa 4:1—5:32
Ohutula hu Nowa ohwoola hu maachi k'ofwomboole 6:1—10:32
Omunara kwa Bbabbilooni 11:1-9
Ohutula hu Sema ohwoola hu Abburamu 11:10-32
Bakuuka: Abburahamu, Yisaka, Yakobbo 12:1—35:29
Abeechuhulu b'Esau 36:1-43
Yosefu neende bamwaanang'ina 37:1—45:28
Abaisiraeli nibali mu Misiri 46:1—50:26

နားထောင်ပါ။ Ohuchaaka EMANYISA