KAHTAMYENGHAN 6
6
Kahtanyuha Nushakpu
1Aope chahwannyu me kahtanyuha jalunne ükong wang, hüyange yhalalan puhtam, 2Kahwang netan hayimlanne kahta yhalalan shemei yaomawe nge; hüyange iman-e lepu üshei iman sheko ne yah. 3Hüwante Kahwange i, “Ü-yaha jin jinte kahta phei jam yengohlak#Hangkihpu ne ngao, teihpu ye-ok, hangjingne I-a hangko kahta hei, hüyangpoi I sha-a me peiye wangpeng gho ja phei me da hei ngohlak.”
4 #
Lung 13.33. Tüolan nyih hei hipak me kahtoknyu me Nephilimlan#Nephilimlan-Khedaopulan (pümta wangpu kahtalan) ngoh yangki, hüyange tüophei me-o, Kahwang hayimlan kahta yhalalan phei mei hüyange iman-e iman hayim puhtam; iman üshong hipak memuh wongnange, minngai kahta ne ngoh yangki.
5Kahtanyuha ünu ümeng kahtoknyu me loiteki she, hüyange iman juteih mongjang me teihpu jinte ümeng shaha she Youngwanpawe nge. 6Hüyange kahtanyuha hangne kahtoknyu me ling yang peih no she Youngwanpa mongmeng, hüyange I mongshih ngai. 7Tüokhei, Youngwanpawe i, “Kahtanyuha ao Taowe linge ngai, kahta hei yinmok, leh-e kempu hei wang awha she Taowe kahtoknyu mepu mah tamlak; hangjingne iman linge ngaipu jingne Tao mong yemei.” 8Hüpoi Noah Youngwanpa sheshao me monghahpu tüo.
Noah
9Hatüo-a Noah jeng ngoh nang. Noah khakshupu hüyange I jin me ngao yetüopu kahta ne ngoh. Noah Kahwang phei kem. 10Hüyange Noah me naoshe lüm ngoh, Shem, Ham, hüyange Japheth.
11Sha-a chahwannyu-a Kahwang sheshao me yeshu yemeipe hüyange toilangpu-e maa-e ngohyangki. 12Hüyange Kahwange chahwannyu-a yeshuyemeipe nge; hangjingne kahtanyuha üshei yoi yoi lamme kahtoknyu me yeshuyemeipe ngoh.
13Hüyange Kahwange Noah te i, “Taowe kahtanyuha üshei mahne tamlak jingne mongteki, hangjingne iman kaiye kahtoknyu-a toilangpuwe maateki; sha-a Taowe iman kahtoknyu phei jamshe mah ne tamlak. 14Tüokhei nange Cypress pee phei ghonu ja lingtüoh; tüopa me tüp lingtüoh, hüyange tüopa ümong yeme hüyange ütah ye me nyeiphei shit tüoh. 15Hüke nange linglak yang; ghonu-a lüopute yakkong gholüm, khaopute yakkong denga, daopute yakkong delüm. 16Ghonu ütok me tawo yakkong ja lingtüoh. Ghonu mong ünuk yeme tafün ja angtüoh, hüyange üphangpa, üwopa hüyange ütangpa tüp nangyange lingtüoh. 17Hangjingne leitüoh, Taowe üyin ngohpu üshei, wangphang me ngohpu mah-e tamne kahtoknyu te yengyong muleam yah-e peinang; kahtoknyu me ngohpu üyin khongkümpu lilak. 18Hüpoi Taowe nang phei ü-jiengjeppu linglak, hüyange nang ghonu te onglak, nang hüyange nang phei nanghalan, hüyange nenok shekonyu hei nyamyhalan. 19Hüyange üyin ngohpu mei üshei mepu ülam lili mepu nini nange iman nang phei üyin ngoh-e tamlak ne, ghonu te woiye ongtüoh; iman üpi üpong ngohlak; 20Awhalan ülam lili, hüyange nyeinyim shokphat ülam lili hüyange kahtok me leh-e kempu; ülam lili, iman üyin ngohtam lak üne, ülam lili mepu nipong nang tangte peilak yang. 21Hüyange nange hah heiying ülam lili mepu nang tangte yah-e shaijem tüoh; hüyange hatüo nang jingne, hüyange iman jingne ngoh külak.” 22Noah-e khongkümpu ling; Kahwange ngaopha tampukih-e Iye ling.
Terpilih Sekarang Ini:
KAHTAMYENGHAN 6: KONYBSI
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.