Matthew 25
25
Kakala hulihuli kela sehui nakaupu
1“Kena kipukipu kenoholana kevaelani emea penei. Kela sehui nakaupu eko naahi hakua lakou la io nohakali kekama ekapili iꞌavana. 2Koalima nakaupu epanimu, kena kelaa koalima eakamai. 3Koalima nakaupu epanimu la eko naahi hakua lakou la, ia seko halava ni{kalaseni} ma lakou. 4Ia nakaupu eakamai la eko halava na{kalaseni} ikau ma naahi hakua lakou la. 5Kekama meꞌavana la enase kehaele aꞌe, ia kena nakaupu la uhimoe lo, kena io nomoe.
6“Lakonu kuapo la, hekama eanaa aꞌe pela kama meꞌavana la ukae mai. 7Kena nakaupu la hakoa umahulu nokanakana naahi hakua lakou la. 8Nakaupu panimu la ume aꞌe nakaupu eakamai la, ‘Au mai ni{kalaseni} ma makou. Naahi hakua makou nei upaupaꞌu.’ 9Ia nakaupu eakamai la eme aꞌe, ‘Seai! Na{kalaseni} makou nei sekau kevavae ma kakou. Kaꞌa nomaka nakama kela eisi na{kalaseni} komaꞌi la, nosui ni{kalaseni} ma okou.’ 10Kena koalima epanimu la uo nosui na{kalaseni} lakou la. Kulana nakama la nio, kama meꞌavana la ukae aꞌe. Nakaupu kanakana la ukaꞌa ma kama la iloko hale noꞌai keꞌai keꞌavana la. Kena nakama heheaꞌu la upui kokoꞌa la.
11“Kulana nakaupu panimu la evaꞌai mai, lakou eanaa aꞌe, ‘Kealiꞌi, Kealiꞌi. Kalaꞌi kokoꞌa la io aku makou i hale.’ 12Kena iko kama meꞌavana la ime iho, ‘Anau eme aku kehamaoni. Anau semakino oai okou.’ ”
13Kena Jesus eme aꞌe, “Okou ikanakana kahi. Maikinimea okou semakino keaho hee ma keualoko hee ke{kama ekipu kama} la meivaꞌai mai.
Koꞌokolu nakama heheaꞌu
(Luk 19.11-27)
14“Kipukipu kenoholana kevaelani emea penei hoi. Kela hekama ekanakana noholau henua emao. Kena kama la eanaa aꞌe nakama heheaꞌu aia la, kena ime aꞌe nakama la ilolosi namea aia la. 15Kama hamakua la evavae aꞌe namoni ikau ma nakama la. Kama la eau aꞌe kama amaka la elima nasimaka namoni. Kena iau aꞌe kama hasiaoa la sasimaka namoni, kena iau aꞌe kama hakoukolu la simaka namoni. Kena kama hamakua la uhaele. 16Saika la, kama heheaꞌu amaka la eko elima nasimaka namoni la, kena iheheaꞌu noko elima nasimaka namoni hoi. 17Kama heheaꞌu hasiaoa la eko sasimaka namoni la, kena iheheaꞌu noko siaoa nasimaka namoni hoi. 18Ia kama hakoukolu la eko simaka namoni la ihaele nokanu namoni kama hamakua aia la, nohuu namoni la iloko kaꞌele.
19“Saika loloa ulaꞌa, kama hamakua la uvaꞌai mai. Kena kama la eme aꞌe nakama heheaꞌu aia la ihakau namoni aia niau aꞌe lakou la. 20Kama heheaꞌu kela eko elima nasimaka namoni la uau aꞌe kama hamakua aia la kaulima nasimaka namoni hoi, kena ime aꞌe, ‘Kealiꞌi. Aꞌoe ehakina i anau ilolosi elima nasimaka namoni aꞌoe la. Kena anau eheheaꞌu noko kelaa elima nasimaka namoni hoi.’ 21Kena iko kama hamakua la ime aꞌe, ‘Kenaa. Aꞌoe hekama heheaꞌu kaualeꞌa. Aꞌoe ehalono i anau, kena elolosi hamakonu nakamaa mea la. Ia kena anau meihakina aꞌoe ilolosi namea komaꞌi. Hamai, kaua ihihia hakoa.’
22“Kena kama heheaꞌu kela eko siaoa nasimaka namoni la uau aꞌe kama hamakua la sasimaka namoni hoi, kena ime aꞌe, ‘Kealiꞌi. Aꞌoe ehakina i anau ilolosi siaoa nasimaka namoni aꞌoe la. Kena anau eheheaꞌu noko kelaa siaoa nasimaka namoni hoi.’ 23Kena iko kama hamakua la ime aꞌe, ‘Kenaa. Aꞌoe hekama heheaꞌu kaualeꞌa. Aꞌoe ehalono i anau, kena elolosi hamakonu nakamaa mea la. Ia kena anau meihakina aꞌoe ilolosi namea komaꞌi. Hamai, kaua ihihia hakoa.’
24“Kena kama heheaꞌu kela eko simaka namoni la uhaele nome aꞌe kama hamakua la, ‘Kealiꞌi. Anau emakino pela aꞌoe hekama hamakaꞌu. Aꞌoe eme aꞌe alakama ikoli naꞌai, ia kena aꞌoe ehaele noko naꞌai la. 25Kena anau emakaꞌu i aꞌoe. Kela hea anau ehaele nokanu namoni aꞌoe niau mai la. Kenei simaka namoni la.’ 26Ia kama hamakua la eme aꞌe, ‘Aꞌoe hekama heheaꞌu saꞌino. Aꞌoe emakananae haeꞌo. Aꞌoe emakino pela anau elavaa keko naꞌai kela alakama ekoli. 27Kena aꞌoe ikau kepono namoni anau iloko ke{bank}. Kena kulana anau evaꞌai mai muli, aꞌoe uau mai namoni ehapaa aꞌe iluna namoni anau la.’
28“Kena kama hamakua la ume aꞌe nakama heheaꞌu aia la, ‘Ko simaka namoni kama la, kena uau aꞌe kekama heheaꞌu kela eko sehui nasimaka namoni la. 29Poi hekama eko namea anau eau aꞌe i aia, kena anau meihapaa aꞌe alamea hoi. Kena keola kama na meꞌakoa. Ia poi hekama seko namea anau eau aꞌe i aia la, kena anau meiko muli namea aia la hakoa. 30Lakua kama na imakaaho. Kena hekama vale ia. Kama na menoho i keꞌina pouli la. Ia nakama keꞌina la meikanikani, ia haꞌaki naniho lakou.’
Kehakonukonu i keaho haoki
31“Kulana ke{kama ekipu kama} meihamai poi hekuꞌu i namahi aia, ma na{enselo} hakoa, kama la meinoho i kenoholana aia ialuna. 32Nakama naonohenua hakoa meihaꞌuku imua kama la. Kena {kama ekipu kama} meihavaꞌee nakama la i saukulana, ehau poi hekama elolosi namanu ehavaꞌee na{sipisipi} ikaha ma na{nanikoti}. 33{Kama ekipu kama} meihanoho nakama ekonu kahi i kevahi laua aia la, ia meihanoho nakama saꞌino la i kevahi selaua aia la.
34“Kena kekuꞌu la meime aꞌe nakama kela enoho i kevahi laua aia la, ‘Omai. Okou ehakapu lia Kamana anau la. Imua keꞌamaka kemaalama nei, Keakua ekanakana naꞌina okou iloko kenoholana aia. Omai, noko nakuhana okou la. 35Keualoko anau hiꞌai, okou au mai naꞌai anau noꞌai. Ia keualoko anau hiunu, okou au mai kevai anau nounu. Keualoko anau hemanu sili, okou ealu mai anau inoho iloko nahale okou la. 36Keualoko anau sehipamalo leleu, okou au mai pamalo anau noleleu. Keualoko anau elavea, okou uo mai nokonaꞌi anau. Keualoko anau epono i kelokapu, okou omai nomaka anau.’
37“Kena nakama ekonu kahi la meme aꞌe, ‘Kealiꞌi, kulana hee makou emakino pela aꞌoe ehiꞌai, kena ihanai aꞌoe? Kulana hee makou emakino pela aꞌoe ehiunu, kena ihaunu aꞌoe? 38Kulana hee makou eꞌike pela aꞌoe hemanu sili, kena ialu aꞌoe inoho iloko nahale makou la? Kulana hee makou emakino pela aꞌoe sehipamalo leleu, kena iau aku pamalo noleleu? 39Kulana hee makou eꞌike pela aꞌoe elavea, kena ikonaꞌi aꞌoe? Ia kulana hee makou eꞌike pela aꞌoe epono kia iloko kelokapu, kena io aku nomaka aꞌoe?’
40“Kena kekuꞌu la meme aꞌe nakama ekonu kahi la, ‘Anau eme aku kehamaoni. Keualoko okou ekonaꞌi nakaina haaloha anau la, okou ekonaꞌi mai anau hoi.’
41“Ia kekuꞌu la meime aꞌe nakama enoho i kevahi selaua aia la, ‘O ikaha manau. Naola okou mesaꞌino. Keakua ukanakana keꞌina keahi eula kahi. Ia okou meihalono lihu i keꞌina la ma Satan, ia ma na{enselo} aia la. 42Keualoko anau nihiꞌai, okou sehanai anau. Keualoko anau nihiunu, okou sehaunu anau. 43Keualoko anau hemanu sili, anau sealu mia i nahale okou la. Keualoko anau sehipamalo leleu, okou seau mai pamalo ileleu. Keualoko anau elavea, okou seo mai nokonaꞌi anau. Ia keualoko anau epono i kelokapu, okou seo mai nomaka anau.’
44“Kena nakama saꞌino la meme aꞌe, ‘Kealiꞌi, kulana hee makou emakino pela aꞌoe hiꞌai ia hiunu. Ia kulana hee makou eꞌike pela aꞌoe hemanu sili ia sehipamalo leleu. Ia kulana hee makou eꞌike pela aꞌoe elavea, ia epono kia iloko kelokapu, ia makou sekonaꞌi aꞌoe?’
45“Kena kekuꞌu la meme aꞌe, ‘Anau eme aku kehamaoni. Keualoko okou sehihai ikonaꞌi nakama ehaaloha, okou sehihai ikonaꞌi mai anau hoi.’
46“Nakama esaꞌino la meio nohalono lihu naualoko hamau. Ia nakama ekonu kahi la meinoho keola kaualeꞌa naualoko hamau.”
Terpilih Sekarang Ini:
Matthew 25: ojv
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 1999, Wycliffe Bible Translators, Inc. All rights reserved.
