Matthew 13
13
Kama ekoli nahua
(Mrk 4.1-9; Luk 8.4-8)
1Keaho la oia, Jesus uhaele ikaha ma kehale la nonoho ikai. 2Kena komaꞌi naonohenua emumui aꞌe aia. Ia kena Jesus uꞌae iluna kemonoui nonoho ilaa, ia nakama la ekuu vauka. 3Kena Jesus eaoaꞌo aꞌe nakama la i nakakala hulihuli.
“Halono. Kela hekama ehaele laku nahua ma isomo. 4Kulana kama la elaku nahua la, alahua emaoha i keala. Ia namanu la ulee iho noꞌai nahua la. 5Alahua emaoha i keꞌina ehaku. Ia kaꞌele la epakaꞌe. Kamasaika oia, nahua la usomo, maikinimea kaꞌele la senoko. 6Ia saika kelaa la nisopo aꞌe novela, nahua esomo la umake, maikinimea napakiaꞌa nahua la selavaa keulu iloko kaꞌele la nomau. 7Alahua emaoha iluna keꞌina kiale. Kena kiale la usomo noꞌuhi valuna nahua la. 8Alahua emaoha iluna kaꞌele kaualeꞌa nosomo laoi, kena nalaꞌau la uhua; alalaꞌau ehua huikalau nahua, alalaꞌau kipuono nahua, ia alalaꞌau kipukolu nahua.
9“Pena okou hihai ailoa, kena halono mai.”
Hakaꞌoko kela nakakala hulihuli
(Mrk 4.10-12; Luk 8.9-10)
10Kena imuli, nakama kaukali Jesus uo novasili aꞌe kama la, “Aiea aꞌoe ekakala aꞌe keonohenua la nakakala hulihuli naea?”
11Kena iko Jesus ime aꞌe nakama la, “Keakua hihai okou iailoa nakipukipu kenoholana kevaelani kela ehunaa lia. Ia kama la sehuli aꞌe kehakaꞌoko la imakino lia alakama. 12Poi hekama eko namea Keakua eau aꞌe i aia la, kena Keakua meihapaa aꞌe alamea hoi. Kena keola kama na meꞌakoa. Ia poi hekama seko namea Keakua eau aꞌe i aia la, kena Keakua meiko muli namea la hakoa. 13Kela hea anau ekakala aꞌe keonohenua la nakakala hulihuli.
‘Nakama la eꞌike,
Ia semakino hea lakou eꞌike.
Nakama la elono,
Ia semakino hea lakou elono.’
14Kena nakama la ehuli aꞌe pela nakakala kela Keakua nime aꞌe Isaiah la ehamaoni,
‘Okou elono kahi, ia semakino hea okou elono.
Okou eꞌila kahi, ia semakino hea okou eꞌike.
15Keonohenua nei ehakapanaka haeꞌo.
Nakama la sehihalono, ia sehiꞌike.
Poi nakama la hihai ailoa,
kena lakou meiꞌike, meihalono, ia meimakino laoi,
Ia mevaꞌai mai muli.
Kena anau meikonaꞌi nakama la ikaualeꞌa.’
16“Ia okou ehakapu lia Keakua, maikinimea naꞌalemaka okou la eꞌike, ia nakalina okou la elono. 17Anau eme aku kehamaoni. Komaꞌi nakama hakae nakakala Keakua imua la, ia ma nakama akamai imua la hihai iꞌike hea okou eꞌike. Ia nakama la seꞌike namea la. Ia nakama la hihai ilono hea okou elono, ia nakama la selono namea la.
Kehakaꞌoko kakala hulihuli kekama haele laku nahua
(Mrk 4.13-20; Luk 8.11-15)
18“Halono halaoi kehakaꞌoko nakakala hulihuli kekama kela ehaele laku nahua. 19Nahua emaoha i keala ehau poi nakama kela elono nakakala kenoholana Keakua, ia semakino laoi. Satan uhaele aꞌe nohakiꞌe nahakaꞌoko nakama la isili nakakala Keakua la. 20Nahua emaoha i keꞌina ehaku la, ehau poi nakama kela elono nakakala Keakua. Ia saika lakou nilono, nakama la ehakina nakakala la nohihia lo. 21Ia nakama la sekaohi mau nakakala la iloko naola lakou. Kena nakama la ehihia kamasaika oia. Nakama la ehalono nakakala Keakua la, ia kena alakama ehai haeꞌo kia lakou. Vahola oia, nakama la ukiaꞌi hua hea lakou nilono la. 22Nahua kela esomo i keꞌina kiale la ehau poi nakama kela elono nakakala Keakua, ia nakama la ehakekele maha naola lakou, kena imanaꞌo nasileni. Ia namea la epui nakakala Keakua isehuli aꞌe nakipukipu kaualeꞌa iloko naola lakou. 23Nahua emaoha i kaꞌele kaualeꞌa ehau poi nakama kela ehalono nakakala Keakua, kena iailoa laoi nakakala la. Ia kena nakakala Keakua ehuli aꞌe komaꞌi nakipukipu kaualeꞌa iloko naola lakou; alakama ekae huikalau, alakama kipuono, alakama kipukolu.”
Naveve saꞌino
24Jesus eme aꞌe kelaa kakala hulihuli. “Kipukipu kenoholana kevaelani eme penei. Kela hekama ehaele koli nahua kaualeꞌa na{uit} la iloko paupaꞌu aia. 25Ia kulana nakama heheaꞌu la hakoa nimoe kepo, kama haihai manava la uhamai nokoli naveve saꞌino iloko ma na{uit} la, kena ihaele ikaha.#13.25 26Kulana na{uit} la usomo nohua, naveve saꞌino la usomo hoi.
27“Kena nakama heheaꞌu paupaꞌu la uhaele aꞌe nome aꞌe kama hamakua lakou la, ‘Kakou ekoli nahua na{uit} la iloko paupaꞌu aꞌoe. Seai la? Naveve saꞌino la esomo naea?’ 28Kena kama hamakua la eme aꞌe, ‘Ame hekama haihai manava ekoli naveve saꞌino la.’ Kena nakama heheaꞌu la evasili aꞌe, ‘Aꞌoe hihai makou iꞌuhu naveve saꞌino la ikaha?’ 29Ia kama hamakua la eme aꞌe, ‘Seai. Pena okou eꞌuhu naveve saꞌino, okou ameꞌuhu na{uit} la hoi. 30Kiaꞌi namena isomo hakoa. Kulana na{uit} la mekae, anau meihaunalia alakama heheaꞌu anau nokuu naveve saꞌino la nosaisai nolakua i keahi. Ia nakama la meihaꞌuku na{uit} la nopono iloko hale kehale anau la.’ ”
Kehua soliꞌi
(Mrk 4.30-32; Luk 13.18-19)
31Jesus eme aꞌe kelaa kakala hulihuli. “Nakipukipu kenoholana kevaelani eme penei. Kela hekama ekoli nahua holiliꞌi iloko paupaꞌu aia la. 32Kehua la eholiliꞌi ilalo nahua hakoa. Ia kulana meikoli, kehua la esomo nolahi iluna nalaꞌau iloko paupaꞌu la. Kena namanu la epena naohana lakou iluna nalala kelaꞌau la.”
Ke{Iist} ehilo iloko halaoa
(Luk 13.20-21)
33Jesus eme aꞌe kela kakala hulihuli. “Nakipukipu kenoholana kevaelani emea penei. Kela hehine ehilo ke{iist} iloko nahalaoa,#13.33 kena ihamoe nohuka.”
Jesus ekakala nakakala hulihuli pehe
(Mrk 4.33-34)
34Keualoko Jesus ekakala aꞌe keonohenua la, kama la eme aꞌe nakakala hulihuli oia, sehimea hoi. 35Ia kena nakakala kela nakama imua nihakae la ehuli mai nohamaoni,
“Anau meime aꞌe nakama la nakakala hulihuli.
Ihuli aꞌe kehakaꞌoko ehunaa lia i keꞌamaka kemaalama nei.”
Kehakaꞌoko kakala hulihuli naveve saꞌino
36Kena Jesus ukiaꞌi keonohenua la ihaele i hale. Kena nakama kaukali aia la uo nome aꞌe kama la, “Haꞌali mai kehakaꞌoko kakala hulihuli naveve saꞌino kela ekoli iloko paupaꞌu.”
37Kena Jesus eme aꞌe nakama la, “Kekama ekoli nahua kaualeꞌa la, kena o ke{kama ekipu kama}. 38Paupaꞌu la o kemaalama nei. Ia nahua kaualeꞌa la, ala nikama kenoholana Keakua. Naveve saꞌino la, ala nikama Satan. 39Kena Satan o kekama haihai manava kela ekoli naveve saꞌino la. Ia nakama heheaꞌu la, ala ni{enselo} Keakua. Keualoko nakama la meihaꞌuku nakama hakoa, kena kehaoki kemaalama nei.
40“Ia naveve saꞌino la mehaꞌuku hakoa nolakua i keahi novela. Kehaoki kemaalama nei mehau penei hoi. 41{Kama ekipu kama} meihaunalia na{enselo} aia la hakoa iloko kemaalama nei. Na{enselo} la meihaꞌuku nakama kela ekaoleole alakama, ia ma nakama kela epena namea saꞌino la, kena ihavaꞌee nakama la ikaha ma kenoholana Keakua, 42kena ilaku nakama la iloko keahi evela haimahi. Ia nakama la meikanikani, ia meihaꞌaki naniho lakou. 43Ia nakama ekonu kahi memasina poi kelaa i kenoholana Kamana lakou. Poi okou hihai ailoa, kena halono mai.
Nakama elave namea kaualeꞌa
44“Kipukipu kenoholana kevaelani eme penei. Kela hekama elave komaꞌi namoni ekanu lia iloko kaꞌele. Kena kama la ehuu namoni la halaoi, kena ihaele noau aꞌe namea aia la isui alakama. Kena iko namoni la isui paupaꞌu la maia.
45“Kipukipu kenoholana kevaelani eme penei. Kela hekama hihai isui napahaku nanaꞌohu. 46Kulana kama la eꞌike pahaku nanaꞌohu elahi la, kama la uhaele noau aꞌe namea aia la isui alakama. Kena iko namoni la isui pahaku la maia.
Nakama pupui keupena
47“Kipukipu kenoholana kevaelani eme penei. Kela nikama epupui keupena vakai nokau naiꞌa kaualeꞌa, ia ma naiꞌa saꞌino. 48Kulana keupena la upii, nakama la ualeko keupena la iuka nohavavaꞌee naiꞌa la. Nakama la elaku naiꞌa kaualeꞌa iloko naꞌeke, ia pesia naiꞌa saꞌino la ikaha. 49Kehaoki kemaalama nei mehau pela hoi. Na{enselo} meio iho nohavaꞌee nakama saꞌino ikaha ma nakama ekonu kahi, 50kena ilaku nakama saꞌino la iloko keahi evela haimahi. Kena nakama la meikanikani ia meihaꞌaki naniho lakou.”
Kehamaoni vahonei ia ma kehamaoni imua
51Jesus evasili aꞌe nakama kaukali aia la, “Okou emakino kehakaꞌoko naaoaꞌo nei hakoa?” Kena nakama la eme aꞌe, “Ei, makou emakino.”
52Kena Jesus eme aꞌe nakama la, “Pena hekama epolopolo nakuaa emakino laoi nakipukipu kenoholana kevaelani, kama la mehau poi hekama hamakua kehale. Kama la ehakau namea kaualeꞌa vahonei ia ma namea kaualeꞌa kuai iloko hale kehale aia la, ia kena ivavae aꞌe alakama.”
Nakama Nazareth sehihai Jesus
(Mrk 6.1-6; Luk 4.16-30)
53Kulana Jesus nime aꞌe nakakala hulihuli nei nooki, kama la uhaele ikaha ma keꞌina la. 54Kena ivaꞌai muli i kemakaꞌina aia la noaoaꞌo keonohenua la iloko hale loku lakou la. Nakama ehalono la emasalo i nakakala Jesus, kena ivasisili solakou, “Kama nei eko kehakaꞌoko la ihee? Oai kekama eau aꞌe aia namahi elahi la? 55Kena hekama Mary laua ma Joseph, kama kela hakuku nahale la. Ia kama nei hekaina James, Joseph, Simon, lakou ma Judas. Seai la? 56Naꞌave aia la enoho ma kakou inei. Kama nei eailoa namenei pehe?” 57Kena keonohenua la emasalo haeꞌo i nakakala Jesus la.
Kena Jesus eme aꞌe nakama la, “Nakama naꞌina hakoa ehamaha kekama kela ehakae nakakala Keakua. Ia alakama sehamaha i aia. Ala nikama kemakaꞌina aia la, ia ma alakama haleaina aia la.” 58Ia Jesus sehuli aꞌe namahi Keakua i nakama la hakoa, maikinimea nakama la sehakina.
Terpilih Sekarang Ini:
Matthew 13: ojv
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 1999, Wycliffe Bible Translators, Inc. All rights reserved.
