Matiyu 25

Singbili tan ma sana

1 # Luka 12.35. «Wo waate lɔ, haijɛnɛ masaya ko kɛtɔle iwo singbili tan minu k'aiya fitinalu ta ka taa kɔɲɛfa labɛnya lɔ. 2Ai lɔ mɔɔ loolu tɛɛ hangilindan ne le. A tɔ loolu tɛɛ hangilima le le. 3Hangilindannu ka taa aiya fitinalu le, kɛɛ ai do ma fitina tulu ta ai fɛ. 4Hangilimalu do ka taa fitina le ani baabɔlɔn minu lafanin tulu le. 5Kɔɲɛfa ka mɛn mingɛ, sunɔɔ ka singbili tan bɛ mina, ai do ka sunɔɔ.

6«Sutalama, gbanɔkan dɔ ka bɔ, ko: ‹Kɔɲɛfa vɛ na, ài yi bɔ k'a labɛn!› 7Wo kɛ, singbili tan v'i wulila k'aiya fitinalu lɔbɛn. 8Hangilindannu do vɛɛ hangilimalu yɛ: ‹Ài yi mɔ sɔ àiya tulu dɔ sɔ, kamasɔlɔn maa fitinalu satɔle.› 9Kɛɛ hangilimalu k'ai javi, ai vɛɛ: ‹Wo tɛ bɛn. Maa tulu tɛ se mɔ bɛ bɔla. Ài yi taa tulu dɔ san ài jɛlɛ yɛ.› 10Ai taa tulu sanya lɔ, kɔɲɛfa ka na. Ado singbili minu lɔbɛnnin tɛɛ, wolu ka don tolonkɛya lɔ kɔɲɛfa fɛ. Wo kɛ, bonda ka tuun.

11 # Luka 13.25. «Kɔfɛ, singbili tɔlu ka na. Ai do k'ai kan labɔ, ai vɛɛ: ‹Mɔ Kuntii! Mɔ Kuntii! Da laka mɔ yɛ!› 12Kɔɲɛfa do vɛɛ ai yɛ: ‹Ǹ'i tuɲa fɔ ài yɛ, m̀ ma ài lɔn feu!› »

13Isa ka ban sana lala k'a fɔ ai yɛ, a vɛɛ: «Ài yi to ài ɲana, kamasɔlɔn ài Tii natɔ lon min na, ani waate min nɔ, ài ma wo lɔn.

Bɔiden sawa ma sana

Luka 19.11-27

14 # Luka 19.11-27. «Wo waate lɔ, haijɛnɛ masaya ko kɛtɔle iwo kɛ́ min tɛɛ taama boloma. A ka aa bɔidennu kili k'a bolofennu kalifa ai la. 15A ka sanu gbana kɛmɛ loolu (500) di a dɔ ma, ka kɛmɛ fila (200) di a dɔgbɛlɛ ma, ka kɛmɛ (100) di a sawana ma. A ka kɔndɛ wo di ai ma ka bɛn aiya see jate le ma. Wo kɔ, a k'i wuli ka taa a taama na. 16Bɔiden min ka sanu gbana kɛmɛ loolu (500) sɔlɔn, wo vɛ taala k'a lɔjulaya telemanin. A do ka kɛmɛ loolu gbɛlɛ (500) sɔlɔn a tɔnɔ le. 17Kɛmɛ fila (200) tii fana k'a kɛ boloɲa kelen wo le ma, ka kɛmɛ fila (200) gbɛlɛ sɔlɔn a tɔnɔ le. 18Kɛɛ bɔiden min ka kɛmɛ (100) sɔlɔn, wo vɛ taala ka diɲa sen, ka aa kuntii ya wɔli doon je.

19«Waate jaan timinnin, bɔiden wolu ya kuntii ka na, ko a a fɛ ka aa wɔliko ɲabɔ ale ni ailu wotɛ. 20Bɔiden min ka kɛmɛ loolu (500) sɔlɔn, wo ka na kɛmɛ loolu (500) gbɛlɛ le, k'a la aa wɔli kɔkan, a vɛɛ: ‹Ǹ kuntii, i na sanu gbana kɛmɛ loolu (500) le tola m̀ bolo. A ye, m̀'ɛ kɛmɛ loolu gbɛlɛ (500) tɔnɔ sɔlɔn a kɔkan.› 21Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.› 22Bɔiden min ka sanu gbana kɛmɛ fila (200) sɔlɔn, wo ka na k'a fɔ aa kuntii yɛ, a vɛɛ: ‹Ǹ kuntii, i na sanu gbana kɛmɛ fila (200) le tola m̀ bolo. A ye, m̀'ɛ kɛmɛ fila (200) gbɛlɛ tɔnɔ sɔlɔn a kɔkan.› 23Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.› 24Wo kɔ, bɔiden min ka sanu gbana kɛmɛ (100) sɔlɔn, wo ka na k'a fɔ aa kuntii yɛ, a vɛɛ: ‹Ǹ kuntii, ǹ tɛɛ k'a lɔn ko iya ko gbeleyayine. I yi malo kalila, i ma min sɛnɛ. I do ma sɛnɛfensi falin tɛɛminja, i yi sɛnɛfennu ladɛnna wo le ja. 25Komi ǹ tɛɛ siyanna i ɲa, wo le n'a kɛla, ǹ na taala ka diɲa sen k'iya wɔli doon je. A ye, iya wɔli le ne.› 26Aa kuntii do vɛɛ a yɛ: ‹Ile bɔiden kɛwon saakɔlɔ! Jalasa i tɛɛ k'a lɔn ǹ'i malo kalila, m̀ ma min sɛnɛ, kɛlɛ? 27Wo lɔ, i tɛɛ ka kan ka taa ǹa wɔli bila wɔlilamalabon na, fɔsa ǹ tɛɛ tɔnɔ sɔlɔn a la ǹ nanin min tɛ yi ne!› 28Wo kɛ, kuntii vɛɛ aa mɔɔlu yɛ: ‹Ài yi sanu gbana kɛmɛ (100) wo mina a la, k'a di sanu gbana waa kelen (1 000) tii ma. 29#Matiyu 13.12; Malɛkɛ 4.25; Luka 8.18.Kamasɔlɔn ni fen ka kɛ mɔɔ min bolo, a dɔ latɔ wo tii ma ta kɔkan ka siyaya. Kɛɛ ni fen ma kɛ mɔɔ min bolo, hali minni y'a bolo, wo minatɔle a la. 30#Matiyu 8.12; 22.13; Luka 13.28.Ài yi bɔiden kolon wo lafili divi lɔ banama, a do kasitɔ k'a ɲii sii i ɲɔɔ na dimin bolo je.› »

Kititɛɛlon

31 # Matiyu 16.27; Matiyu 19.28. «Mɔɔnivin Tanin vɛ nala aa magbiliyali lɔ lon min na, mɛlɛka bɛ vɛ a fɛ, a siitɔ aa masayasiifen nɔɔlɔnin nɔ. 32Wo lon, dunuɲamɔɔlu bɛ ladɛntɔ a ɲakɔlɔ. A kɛtɔ ai wotɛbɔla i ɲɔɔ na, iwo kolofenkunnasiiba yi saa ni bani wotɛbɔla teme. 33A kɛtɔ saalu bilala a bolokini fannɔ, ani ka banilu bila a bolonunma fannɔ. 34Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma. 35Kamasɔlɔn ài na ǹ kɔɔntɔ yena mingɛ, ài ka m̀ balo. Ài na jilɔɔ yena ǹ na mingɛ, ài ka ji di m̀ ma. Ài na ǹ yena mingɛ lonaya lɔ, ài ka ǹ jiya. 36Ài na ǹ falimakolon yena mingɛ, ài ka ǹ feeyabɔ. Ǹ jangalotɔ tɛɛ mingɛ, ài k'ài jando ǹ nɔ. Ǹ tɛɛ kaso la mingɛ, ài ka na ka ǹ fo.› 37Wo lɔ, mɔɔ telenninu kɛtɔ a fɔla ǹ yɛ, ai vɛɛ: ‹Mɔ Tii, mɔ n'i kɔɔntɔ yena lon mindɛ k'i balo? Mɔ n'i yena jilɔɔ y'i la lon mindɛ ka ji di i ma? 38Mɔ n'i yena lonaya lɔ lon mindɛ, k'i jiya? Niwotɛ, mɔ n'i falimakolon yena lon mindɛ, mɔ k'i feeyabɔ? 39Mɔ n'i jangalotɔ yena lon mindɛ, niwotɛ k'i ye kaso la ka taa i fo?› 40Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

41«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ. 42Kamasɔlɔn ài na ǹ kɔɔntɔ yena mingɛ, ài ma balo di m̀ ma. Ài na jilɔɔ yena ǹ na mingɛ, ài ma ji di m̀ ma. 43Ài na ǹ yena mingɛ lonaya lɔ, ài ma ǹ jiya. Ài na ǹ falimakolon yena mingɛ, ài ma ǹ feeyabɔ. Ǹ tɛɛ jangalo lɔ mingɛ, ani kaso la, ài ma na ka ǹ fo.› 44Mɔɔ wolu fana kɛtɔ a fɔla ǹ yɛ, ai vɛɛ: ‹Mɔ Tii, mɔ n'i kɔɔntɔ yena lon mindɛ, niwotɛ i jilɔɔtɔ, niwotɛ i lonayatɔ, niwotɛ i falimakolon, niwotɛ i jangalotɔ, niwotɛ i kasodentɔ, k'a fɔ ko mɔ ma i madɛmɛn?› 45Wo kɔ, ǹ kɛtɔ ai javila, ǹ ko: ‹Ǹ'i tuɲa fɔ ài yɛ, ài ma ko min kɛ ǹa mɔɔ bɛ lɔ dɔɔmaninda dɔ yɛ, ài n'i banna wo kɛla ǹe le yɛ.› 46Mɔɔ wolu do taatɔ jangata banbali lɔ, kɛɛ mɔɔ telenninu taatɔ niimaya banbali le lɔ.»

Terpilih Sekarang Ini:

Matiyu 25: MBT2023

Highlight

Kongsi

Salin