মথি 9
9
হা·আন জাদা সিগিবা নামস্রাংজক
1জা·মানো যীশু রিংও গাখাতে সাগালখো বাতবায়ে আন·থাংনি সংজিলমাওনা রি·বাজক। 2মান্দিরাং উনো থুচাকানিও গা·আকে দংগিবা সাকসা হা·আন জাদা সিগিবাখো বিচা রা·বাজক। উয়া মান্দিরাংনি বিবিরা·আখো নিক্কে যীশু উয়া হান·মা গক্কা হং·গিবাখো আগানজক, ‘‘খা·দংবো। নাং·নি পাপরাংখো ক্ষেমা দাকজক।’’
3উনি গান্দা মিত্তাম শাস্ত্র স্খিগিবারাং গিসিকথাংথাংও ইনজক, ‘‘ইয়া মান্দি ইসলখোসা চন্নিকিংআ।’’
4যীশু বিসংনি গিসিকনি চানচিয়াখো হা·আইনা মা·ন্নে আগানজক, ‘‘না·সং খা·থংথাংথাংও নামগিজাখো মুয়ানা চানচিংআ? 5‘নাং·নি পাপখো ক্ষেমা দাকজক,’ বা ‘না·আ চাখাত্তে রি·রুরাবো’ বাগিবাখো আগানা নামবাতা? 6জেদাক্কে না·সং হা·আইনা মা·ন্না ইয়া হা·গিলসাকো পাপখো ক্ষেমা দাকনা মান্দিনি দেফান্থিনি বিল দংআ’’-ইখো আগানানি জা·মানো বিয়া উয়া হান·মা গক্কা সাগিবাখো আগানজক, ‘‘চাখাতবো, নাং·নি থুচাকানিখো দি·থমে নকচা রি·য়াংবো।’’
7উনো বিয়া চাখাত্তে বিনি নকচা রি·য়াংজক। 8মান্দিরাং উখো নিক্কে খেনজক, আরো ইসল মান্দিনা ইন্দাকগিবা বিলখো হ·ন্না ইন্নে ইসলখো মিৎথেলজক।
গিত্তেল যীশু মথিখো রিক্কামজক
9যীশু উয়োনি রি·য়াংমিত্তিংও মথি মিংগিবা সাকসাখো খাজিনা গিলগিবা নক্কো আসংএ দংআখো নিকনা মান·জক। যীশু বিনা আগানজক, ‘‘রি·বাবো, আংখো জা·রিকফাবো।’’ মথি উনোন চাখাত্তে বিমুং রি·য়াংফাজক।
10উনি জা·মানো যীশু মথিনি নক্কো চা·না রিংনা আসংজক। উনোন খাজিনা গিলগিবা আরো নামগিজা মান্দি বাং·বিয়া রি·বাএ যীশু আরো বিনি জা·রিকগিবারাংমুং চা·না আসংফাজক। 11উখো নিক্কে ফরীশীরাং যীশুনি জা·রিকগিবারাংনা আগানজক, ‘‘না·সংনি স্খিগিবা, খাজিনা গিলগিবা আরো নামগিজা মান্দিরাংমুং মুয়ানা চা·ফাংআ রিংফাংআ?’’
12ইয়া খাৎথাখো খিন্নাএ যীশু আগানজক, ‘‘নামগিবা মান্দিরাংনা ডাক্তার নাংজা, ইন্দিবা সাগিবারাংনাসা নাংআ। 13‘আংআ খা·সাচাক্কাখো নিকনা হা·ম্মা, বলি হ·ন্নাখো হং·জা’-রংথালগিবা শাস্ত্রনি ইয়া খাৎথানি অর্থ মুয়া, উখো রি·য়াংএ সান্দিবো। আংআ থরমিরাংখো রিক্কামনা রি·বাজা ইন্দিবা পাপীরাংখোসা রিক্কামনা রি·বাআ।’’
অকগুমুন চাক্কানি বিদিংও স্খিয়া
14জা·মানো যোহননি জা·রিকগিবারাং যীশুচা রি·বাএ আগানজক, ‘‘চিংআ আরো ফরীশীরাং বাং·এন অকগুমুন চাক্কা ইন্দিবা নাং·নি জা·রিকগিবারাংদে মুয়ানা অকগুমুন চাকজা?’’
15যীশু বিসংনা আগানজক, ‘‘চাওয়ারি উনসান দংমিত্তিংও চাওয়ারিমুং দংগিবারাং দুক চাকনা মা·ন্নামা? ইন্দিবা সাল সকবাংজক জেনসালো চাওয়ারিখো বিসংচানিখো রিম্মাংনুয়া। উনসালোসা বিসং অকগুমুন চাকনুয়া।
16‘‘দারাংবা গিৎচাম বা·রাও গিত্তাল বা·রাখো সিকথাপজা, মুয়ানা জা·মানোদে উয়া গিৎচাম বা·রাওনি বা·রা গিত্তাল গিৎচিতে রি·য়াংনুয়া আরো উনি গান্দা গিৎচিতগিবা আরোসা দ্রাকা। 17গিৎচাম বাসিংরাংও দারাংবা গিত্তাল আংগুর বিৎচিখো দনজা। দন্নোদে বাসিংরাং ব্রেতে গিম্মিক বিৎচিআন গা·আকে নাসিয়া আরো বাসিংরাংবা নাসিয়া। মান্দিরাং গিত্তাল বাসিংওন গিত্তাল আংগুর বিৎচিখো দন্না; উনো গি·গ্মিখোন রাক্ষিয়ানি হং·আ।’’
সাকসা সিয়াংগিবা মিচিক বি·সা আরো সাকসা জমগিবা মিচিক
18যীশু মান্দিরাংনা ইয়া খাৎথারাংখো আগানমিত্তিংও সাকসা যিহূদীরাংনি দাল·গিবা বিচা রি·বাজক আরো বিখো অলাখিয়ে আগানজক, ‘‘আংনি দেমিচিক দা·আও মা·মাং সিজক। ইন্দিবা না·আ রি·বাএ বিনি সাক্কাও জাক দনদাপবো, উনোন বিয়া থাংনুয়া।’’ 19উনো যীশু আরো বিনি জা·রিকগিবারাং চাখাত্তে বিমুং রি·য়াংফাজক।
20উয়া সময়ও মিচিক সাকসা যীশুনি সেফাংও রি·বাএ বিনি বা·রানি রিক্কিংখো দাংথাপেতজক। উয়া মিচিক বিলসি চি·গ্মিনা দিপ্পাৎ হান·চি জক্কে সাআংআমিং। 21বিনি বা·রাখো মা·মাং দাংথাপেতনা মা·ন্নোদে বিয়া নাম্মাংআরিনুয়া ইন্নে বিয়া গিসিকথাংও চানচিংআমিং। 22যীশু হান·ফিলে বিখো নিকনা মা·ন্নে আগানজক, ‘‘খা·দংবো। নাং·নি বিবিরা·আনি গিম্মিন না·আ নামজক।’’ উয়োনিন উয়া মিচিক নামস্রাংজক।
23উনি জা·মানো যীশু উয়া যিহূদী দাল·গিবানি নকচানা রি·য়াংজক। উয়োনা রি·য়াংএ বিয়া বাংসি সিকগিবারাংখো আরো মান্দিরাংনি জিকজাকাখো নিকনা মান·জক। 24উনি গান্দা যীশু আগানজক, ‘‘না·সং হা·ফালচা রি·য়াংবো। মিচিক বি·সা সিখুজা, থুয়েসান দংআ।’’ ইখো খিন্নাএ বিসং খা·দিংথকজক। 25মান্দিরাংখো হং·খাতেতানি জা·মানো বিয়া নকনিং·আচা রি·য়াংএ মিচিক বি·সানি জাকখো রিম·জক। উনোন বিয়া চাখাত্তে আসংজক। 26উয়া জওলনি গিম্মিক হা·দামচান ইয়া খাৎথারাং গিপ্পাংজক।
মিকগ্রি আরো আব্রা মান্দি নামজক
27যীশু উয়া হা·দামখো ওয়াত্তে রি·য়াংমিত্তিংও সাকগ্মি মিকগ্রি মান্দি বিখো জা·রিকফাজক। বিসং চ্রিকে আগানজক, ‘‘দায়ূদনি দেফান্থি, চিংনা খা·সাচাকবো।’’
28যীশু নক্কো নাপ্পানি জা·মানো উয়া মিকগ্রি মান্দিরাং বিচা রি·বাজক। উনো বিয়া বিসংনা আগানজক, ‘‘আংআ ইয়া কামখো দাকনা মা·ন্না ইন্নে না·সং বিবিরা·আমা?’’
বিসং আগানজক, “হো·এ গিত্তেল, বিবিরা·আ।’’
29বিয়া বিসংনি মিক্রোনরাংখো দাংথাপে আগানজক, ‘‘না·সংনি বিবিরা·আ গিত্তান না·সংনা হং·খানা।’’ 30আরো উনোন বিসং নিকনা মান·জক। যীশু বিসংনা রাক্কে বেং·এ আগানজক, 31‘‘নিবো, দারাংবা ইখো হা·আইজাখানা।’’ ইন্দিবা বিসং হা·ফালচা রি·য়াংএ উয়া জওলনি গিম্মিক হা·দামচান বিনি খাৎথাখো আগানজক।
32উয়া সাকগ্মি মান্দিরাংনি রি·য়াংমিত্তিংও মান্দিরাং গিসিক নামগিজাগিবা মান·গিবা সাকসা আব্রা মান্দিখো যীশুচা রা·বাজক। 33যীশু উয়া গিসিক নামগিজাগিবাখো হা·রিকানি জা·মানো উয়া মান্দি খু·সুক আগানজক। উনি গান্দা গিম্মিকান আইয়াও ইনমানে আগানজক, ‘‘ইস্রায়েল হা·সংও ইন্দাকাখো মামুং সালোবা নিকখুজা।’’
34উনো ফরীশীরাং আগানজক, ‘‘গিসিক নামগিজাগিবারাংনি রাজাও ফাংচাকে বিয়া গিসিক নামগিজাগিবারাংখো হা·রিকা।’’
মান্দিরাংনি গিম্মিনো যীশুনি খা·সাচাক্কা
35যীশু সংজিলমারাংও আরো সংরাংও রি·ররোয়ে যিহূদীরাংনি থম·দাকরামও স্খিনা আরো সালগিনি সংনকনি নাম্মা খাৎথাখো আগানফ্রাকনা হা·বাচেংজক। আরো মান্দিরাংনি গিম্মিক সাআরাংখোবা বিয়া নাম্মেতজক। 36মান্দি বাং·আখো নিক্কে বিয়া বিসংনা খা·সাচাকজক, মুয়ানা বিসং রাক্ষুয়ালগ্রি মেষ গিত্তা নেং·গিবা আরো দুক মান·গিবামিং। 37যীশু উনো বিনি জা·রিকগিবারাংনা আগানজক, ‘‘মিরাং বাং·আ ইন্দিবা গামগিবাদে বাং·জা। 38উনি গান্দা মিনি নকগিবাখো মল·মলবো জেদাক্কে বিয়া বিনি মিরাংখো রাত্তে রা·আংনা গামগিবারাংখো ওয়াত্তেতা।’’
Terpilih Sekarang Ini:
মথি 9: GLNT
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
This translation was published by The Bangladesh Bible Society in 2004 © BBS 2004.
