ማ̈ቶ̈ሳ 3
3
ጻማ̇ቂዛ ዋ̈ኒ̇ሳ ሲብካ̇ታ
ማ̈ርቆ̈ሳ 1፡1-8፤ ሉቃ̈ሳ 3፡1-18
1-2ዪና̇ ኢዝ ኬሊ̇ንባራ ጻማ̇ቂዛ ዋ̈ኒ̇ሲ ዪሁዳ ጋዳ̇ ባራሃ ጋርሳባራ “ጾ̈ሳ̇̇ ካ̈ቲቲ ኡኪ̇ኖኮታ̇ቦ ማ̈ሪቲ ጌሊብቴ̇” ጌዪ ሳባ̇ኪሙታ ዬይዴ። 3“ጎዳ̈ብ ጎይን ኮሺንቺ̇ብቴ̇ ኢ ዬ̇ዚን ጌ̈ሺ̇ብቴ̇ ዪዝ ጌዪ ጬ̈ቂ̇ዝ ኣሳ ቆ̈ ባራሃ ጋርታ̇ ሲስኪንቲ̇̈ሬ” ዪዝ ጋ̈ሪ ናባ ኢሳ̈ሲ ሶ̈ሊንዳ̇ ዋ̈ኒ̇ሳኮታ̇።
4ዋ̈ኒ̇ሳ ማኣዚንዳ̇ ጊማል ጌይዝ ሜሃ ኢሲንባራ ዳዲ̇ኖ ኣፊላ፣ ፌ ባንቲ̇ንባራ ጋማ̇ ጻ̈ዚ ጊጺ̈ሬ። ኢ ሞ̈ዚንዳ̇ሬ ቦ̈ላኬ ኤቲ ኤ̈ስኬ። 5ዪና̇ ኢዝባራ ዎይሊን ኣሲ ዬሩሳ̈ላም ካታሚን ጋርታ̇ፖ̇፥ ዪሁዳፕኬ ዮርዳ̈ኖ̈ስ ዋ̈ን ቡጊድባራ ዎ ኣሳን ዎይ ዋ̈ኒ̇ሳክ ዬይዴ። 6ኢንታ̇ር ፌ ናጋራ ቡ̈ጺ ሙታ̇ ዋ̈ኒ̇ሳ ኩሽታ̇ ጻማ̇ቂንቲ̇ዴ።
7ዎይሊን ፋራሳ̈ዋንኬ ሳዱቃን ጻማ̇ቂንታ̇ንዳብ ዋ̈ኒ̇ሳክ ዬይን ኢ ኢንታ̇ኮ “ዪንቲ̇̇ ሾ̈ሽ̇ ናኣን! ዬይዛ ጾ̈ሳ̇̇ ጎይላ ጋልዳፖ̇ ቡ̈ታ̇ምፔ̈ን ዪንታ̇ ዞሪኖ ኦ̈ኖ? 8ዪዚ ዪንቲ̇ ማሪቲ ጌሊኖን ኤርሲዝ ኦ̈ሳ ኦ̈ብቴ̇። 9‘ኑ̈ኒ ኣብራሃ̈ማ ዜር’ ጋ̈ሪ ኬርፋፒ̇ቴ። ቴ ዪንታ̇ብ ሶ̈ሎ? ጾ̈ሲ̇ ዓን ሹቻ̇ን ጋርታ̇ፖ̇ ኣብራሃ̈ማቦ ናኢ ኬሳ̇ንዳ̇ብ ዳንዳኢ̈ሬ። 10ዓት ሚን ቃጺ̇ዝ ቤይ ሚን ጻና ዎ። ዪዚ ኮሽ ኣ̈ፍ ካጺ̇ባ̈ሶ ሚ ዎይ ቃጺንታ̇ር ታማ ጋርታ̇ ቶጚንቲ̇̈ሬ። 11ታ̈ኒ ዓት ዪንታ̇ ማ̈ሪቲቦ ዋ̈ባር ጻማ̇ቃ̈ርዶ̈ን ታ̈ፖ̇ ዎሃ ዬይዛ̈ዲ ዪንታ̇ ጌ̈ሻ̇ ኣያ̇ናባርኬ ታማባራ ጻማ̇ቂ̈ሬ። ኢ ታ̈ፖ̇ ዎይሊን ሺ̈ሬ፥ ታ̈ኒ ሜላ ኣቲ̇ን ኢ ቶሂቶ̇ ጫ̈ሚ̇ን ቶ̈ካ̇ንዳብ ጊዳካ̇ዮ ኣሴ። 12ኢ ካን ፊርሲ ጌ̈ሺ̇ዝ ፊ ኢ ኩሽታ̇ ዎ። ካ ቡካ̇ዝ ቤሲ̇ን ፊቲ̇ ጌ̈ሺ̈ሬ፥ ዜርቂ̇ንዶ̇ ዲእ ጋርታ̇ ሚሺ̈ሬ፥ ቡዲሊንዶ̇ ቴይቂ̇ባ̈ሶ ታማባራ ሚቺ̇̈ሬ” ጌይዴ።
ዬሱ̈ሲ ጻማ̇ቂንቲ̇ዴ
ማ̈ርቆ̈ሳ 1፡9-11፤ ሉቃ̈ሳ 3፡21-22
13ኢናፖ̇ ዬሱ̈ሲ ዋ̈ኒ̇ሳ ኩሽታ̇ ጻማ̇ቂንታ̇ንዳቦ ጋሊላፖ̇ ዮ̈ርዳ̈ኖ̈ስ ዋ̈ንኮ̇ ዬይዴ። 14ዎቲናካሬ ዋ̈ኒ̇ሲ ኢ̈ኮ “ታ̈ኒ ኔ ኩሽታ̇ ጻማ̇ቂንታ̇ንዳብ ኮሻ̈̇ርዶኬ ኔ ዎዛርፌ̈ኒ ታ̈ክ ዬ̈ራ?” ጋ̈ሪ ኢያ ካያንዳ̇ብ ኮዪዴ።
15ዬሱ̈ሲ ኢ̈ኮ “ጾ̈ሲ̇ ኑ ጋልዳፖ̇ ኮዪዝ ባዛን ዎይ ኑ ኦ̈ንዳብ ኮሺ̇ዛኮታ̇ቦ ኣሻ̇ቤ ዓቶ̇ን ኔ ታ̈ና ካያፔ̇” ጌይን ዋ̈ኒ̇ሳር ኤ̈ኤ ጌዪ ኢያ ጻማ̇ቂዴ።
16ዬሱ̈ሲ ጻማ̇ቂንቲ̇ኖንዲፌ̈ኒ ዋ̈ን ጋርታ̇ፖ ኬስኪ̇ዴ። ዪና̇ ኢዝባራ ኣፋ ጪላ ፊርቂንቲ̇ን ጾ̈ሳ̇̇ ኣያ̇ና ዶላፌ̈ን ማይጻር ኣፋፖ̇ ሶ̈ባር ኢ ጋልዳ ዶኣዚምባ̇ር ቤቂ̇ዴ። 17ኢናፖ̇ “ታ̈ኒ ኢባር ኡፋይቲ̇ዛ ቴ ካዝ ናኣ ዓ ኢያ” ጌይዝ ጊርሲ̇ ኣፋፖ̇ ሲስኪ̇ንቲ̇ዴ።
Terpilih Sekarang Ini:
ማ̈ቶ̈ሳ 3: ኦጫ̈ቃማ
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
