मत्ति 7
7
दुसरोन दोष हेमाट
(लूका ६:३७-३८; ६:४१-४२)
1येसु असा ओरकुन इतुर, “परमेस्वर मिकुन दोष हेमाकिर इन्जोर निमाट दुसरोन वने दोष हेमाट। 2बाक्याकि निमाट बोद प्रकारते दुसरोन दोष हिन्तोरिट ओदे प्रकारते मिकुन वने परमेस्वर दोष हियानुर, अनि निमाट बोद मापते दुसरोन काहान्तोरिट ओदेय मापते परमेस्वर मिया साटि वने काहानुर#मर ४:२४। 3अनि निमा आपुना तमोना कोन्डातांग डुन्डोतुन हुळान्तोन मति आपुना कोन्डानिगा मन्ता किळातुन बाक्या ध्यान केवि? 4आयोते आपुना कोन्डांगतिगा किळा मन्ता असके निमा आपुना तमोन ‘हे तमो, पोसा निया कोन्डातांग डुन्डो टन्डसीका’ इन्जोर बदाम इन्दा परकि? 5मति हे कपटि मानेय, पहले निया कोन्डातांग किळातुन टन्डा असके निवोर तमोना कोन्डातांग डुन्डोतुन सोबाय हुळसुन टन्ड परकि।”
6“पवित्र चिजक नयकना मुने हेमाट, बाक्याकि नयक परके मल्स मिकुन हिक्स वाटार अनि मिया मोतितुन पदिंगना मुने वाटसिमाट बाक्याकि पदिंग काल्कने ओवकाना सन्दि आयमाकि।”
तलकिकिट ते मिकुन पुटार
(लूका ११:९-१३)
7येसु असा ओरकुन इतुर, “तलकिकिट ते मिकुन हियानुर, पळकिकिट ते मिकुन पुटार, कोहकिकिट ते मिया साटि कवाळ तरयानुर। 8बाक्याकि बोरायि तलकान्तोर ओन पुटान्ता, अनि पळकान्तोर ओर पुटहान्तोर, अनि कोहकान्तोर ओना साटि कवाळ तरयानुर। 9मरि रोटि तलकान्तोर ते ओन कल हियानुर इदाम मानेय मियागा बोर मन्तोर? 10या मीन तलकान्तोर ते तरास हियानुर बहे? 11इदाम निमाट खराब मन्ज वने आपुना बालकिन सोबाय चिजक हियाना पुन्तोरिट ते मिवोर स्वरगतोर बाबो परमेस्वर तलकवालोरकुन सोबाय चिजक बचोन पकाय हियानुर!”
सबोयताल हजोर पोल्लो
12येसु असा ओरकुन इतुर, “इन्जोर मिया साटि दुसरो लोकुरक बदाम व्यवहार कियाना इन्जोर इच्चा किन्तोर अदामे ओरासंग वने निमाट व्यवहार किम्ट। बाक्याकि मूसाना नियम अनि परमेस्वरना पोल्लो वेहवालोरा करहाना अर्थ इदे आन्दु#लूका ६:३१।”
हुडला टाटराताल हन्दाना कोसिस किम्ट
(लूका १३:२४)
13येसु असा ओरकुन इतुर, “हुडला टाटरातिगाडाल लोपा हन्ट, बाक्याकि नाशतिगा हन्दाना टाटरा हजोर अनि अदेना हरि पकाय हजोर मन्ता, ओद हरिते दान्तोरक पकाय लोकुरक मन्तोरक। 14बाक्याकि अनन्त जिवनतिगा हन्दाना टाटरा हुडला अनि ओद हरि पकाय कठिन हरि मन्ता अनि ओद हरितुन कलियान्तोर पकाय कमि लोकुरक मन्तोरक।”
आपुनास परमेस्वरना पोल्लो वेहवाल आन्दोम इदाम खोटाल वळकवाल लोकुरक
(लूका ६:४३-४४)
15येसु ओरकुन असा इतुर, “आपुनास परमेस्वरना पोल्लो वेहवाल आन्दोम इदाम खोटाल वळकवाल लोकुरकताल सावदान मन्ट, ओरक बेळांगना रुपते मिया हेरे वान्तोरक मति लोपाडाल ओरक हिकवाल हुन्डराह लेहका आन्दुरक। 16ओरा बुतोता परिणामते निमाट ओरकुन पुन्किट, गोटि मराताल बोरायि अंगुर या बाबरि मराताल मरका कायांग जमा कियाकि बहे? बसकेय आयो! 17सबोय सोबाय मरा सोबाय काया हादान्ता अनि खराब मरा खराब काया हादान्ता। 18सोबाय मरा खराब काया हादिला परो, अनि खराब मरा सोबाय काया वने हादिला परो। 19सोबाय काया हादो ओद मरातुन कदियसुन किसतिगा वाटसिन्तोर#मत्ति ३:१०; लूका ३:९ । 20इद प्रकारते ओरा कायाते निमाट ओरकुन पुन्किट#मत्ति १२:३३।”
21येसु असा इतुर, “नाकुन ‘हे प्रबु, हे प्रबु’, इन्वाल बोरे मानेय आयो मति स्वरगतिगा मन्तोर नावोर परम बाबोना इच्चाते ताकान्तोर ओरे स्वरगतिगा हन्दा परनुर। 22‘हे प्रबु, हे प्रबु, माक निया पोरोयते परमेस्वरना पोल्लो वेहतोम, अनि निया पोरोयते दुष्टात्मातुन पसिहतोम, अनि निया पोरोयते पकाय चमत्कारता बुतोंग कितोम’ इन्जोर अदे दिया पकाय लोकुरक नाकुन इन्दानुर। 23असके नना ओरकुन ‘नना बसकेय मिकुन पुनोन। हे खराब बुतो केवालोर, नावा हेरेटाल लक हन्ट’ इन्जोर साप साप इन्जिका#भज ६:८।”
लोन बनेह केवाल इवुर मानेयकना उदाहरण
(लूका ६:४७-४९)
24येसु ओरकुन असा इतुर, “इन्जोर नावांग इव पोल्लोंग केन्जुन अवेन बोरे मानेमान्तोर ते ओरक आपुना लोता पायवा कलदे बनेहकितोर ओर बुद्धिमान मानेयना लेहका ठहरे मायनुर। 25अनि पिर वातु, उसा वातु, अनि पकाय वळिय वने वातु, अनि अद लोतुन आदळे मातु मति ओद लोता पायवा कलदे बनेहकिता मता इन्जोर ओद लोन अरो आतु। 26मति नावांग इव पोल्लोंग बोरायि केन्जुन अव पोल्लोता अनुसार ताकोर ओर मानेय आपुना लोन तोळियता पायवाते लोन बनेहकितोर निरबुद्धि मानेय लेहका मन्तोर। 27अनि पिर वातु, उसा वातु, अनि पकाय वळिय वातु, अनि ओद लोतुन आदळेमातु अनि ओद लोन मुटस अद सबोय नाश आतु।”
28इव पोल्लोंग येसु इतुर असके पजा भीळ ओना पोल्लोते चके मातुरक#मर १:२२; लूका ४:३२। 29बाक्याकि ओर मूसाना नियमतुन करिहवालोरा लेहका आयो मति अदिकारते ओरकुन उपदेश हिन्दुर।
Terpilih Sekarang Ini:
मत्ति 7: fmu
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© (Active) Wycliffe Bible Translators, Inc. All rights reserved.
