Lucas 6
6
Jä'ä ixpëjkpatëjkta tkonmujkta jä tsapmook Sábado xëë
(Mateo 12.1-8; Marcos 2.23-28)
1Sábado xëë, jä Jesús nyax tyëka jäm tsapmook kamjootm jäts jä ixpëjkpatejkta kisnukta jä tsapmook tëëm jäts twinxasta jäts tjëkxta. 2Winkex jä fariseota tyajktïweta:
—¿Tiëx miits we'en mjatketa juu ka' tuketaakep yajktunet Sábado xëë?
3JesĂşs ojts y'atse'ew:
—¿Ka'nem miista jä nejk xkosta ti David tyuun tu'k ook mëët jä myuwujktëjkta ku ojts wa'ats mëjk yo'ojketa? 4Ku jä'ä David tyëke Kunu'kxtee tyëjk jeetp jäts ojts tke'n jä Kunu'kx tsapkaky juu jä'ä Kunu'kxtee yajktuwintsekep, jäts tkyayte mëët jä myuwujktëjkta, ka' tyuketaaketa jäts kaytat jä tsapkaaky, jä'ä yëë tuketaaketep kaytat jä tsaptëjk mutuumpa,
5Jäts jajknikotspet:
—Jä naaxwiinete jaye y'unek myëët jä kutujken Sábado xëë.
Jesús tyajktse'ek jä pa'amjaye Sábado xëë
(Mateo 12.9-14; Marcos 3.1-6)
6Tututejk xëë ijt nay Sábado xëë jä Jesús nyïkx jäm ixpëjken'tëjkm jäts yajk'ixpëjk ukwaany. Jäm jä wyena tu'k jä ya'atyëjk juu të myujkne jä y'akayenkëë; 7jäts jä ixpïjk jayeta juu ya naaxwiin kyutujken nijaawetep mëët jä jaye juu nyayjawetep jäts ka' token mëteta, jäts jä Jesús t'ixpëmta' pën yajktse'ekpame jä jaye y'akaayen këë Sábado xëë, atsëjk t'ixteta twanteta tso wään kyostoket jäts tni'ënetat. 8Jä Jesús wa'ats jä'ä tnijawa tijä'ä pyayoytep paatty ojts tnïma jä ya'atyëjk jä'ä juu kyë'ë timyujkne:
—Täna mëwaake xë'e itkujk.
—Jä ya'atyëjk wyakujke, 9jäts jä Jesús tnïmye jä wiink jayeta:
—Miits nyajktiwawantep: ¿Juu tïwa oy yajktunet Sábado xëë: juu oy, juu ka' oy? ¿O'k tyajknitso'oket jä juukyen, o'k tyajkwintokewet?
10Wa'nit jä Jesús t'axtëjk jä jaye juu wyena tyuwajkmukene, ojts tnïma jä ya'atyëjk:
—Yajkttëwe mkëë.
Wa'nit jä ya'atyëjk tuun wintsoj yajknïma jäts jä kyë'ë ojts tsye'ek. 11Jäts jä jayeta mëjk ojts jyotmajta ojts tkotsmujkta wintsoj tuntat jä Jesús jäts tyajk'ooktat.
Jesús twinkeen nimajkmätsk jä y'ixpëjkpata
(Mateo 10.1-4; Marcos 3.13-19)
12Jä xëë jä Jesús nyïjkx jäm kopkëxm tsapkotspa, tu'ktsunäx ojts tsyapkets. 13Ku ojts jyatejk jä ijt wa'nit ojts tyaaxya jä ixpëjkpata, jä nimajkmätsk juu te twinken juu tkuxea kukexepa. 14Yëë jä xyëëjetep: Simón jäts ojts jä Jesús txëëpëmene Pedro; Andrés, myutu'kä'äx jä Simón; Santiago, Juan, Felipe, Bartolomé, 15Mateo, Tomás, Santiago, Alfeo y'unek; Simón juu tyuuk xëëjetep Celote, 16Judas, Santiago y'unek, Judas iscariote, jä juu jä Jesús ojts tnië'ëna.
JesĂşs mayjaye tyajk'ixpĂŻjk
(Mateo 4.23-25)
17Jä Jesús mëët jä y'pëjkpata kopkëxm tsyo'onta kitaajkta jookiëxm. Mayjaye jäm kujk wyena nyamyuketa jä juu jä Jesús tsojktep jäm jä'ä tsyo'onta jä kajpen Judea Jerusalén, maaxnëpa'am jäwe kajpen juu txëë Tiro jäts Sidón mëë kajpen jawe. 18Jä'ä nyijaytep jäts amotenaxtat jä Jesús y'ayuuk, jäts pya'amniwatstat o'k tsyoojktat. Jä juu ampaatp tsaatsypaatp juu tmëët jä ka'oy poj pa'am, tsoojktep jä'äta. 19Nijum jä jayeta tsojkta tuxa'pajtat jä Jesús, paatty ku nijum tyajktsookïx mëët jä kyunuukxen.
Juu Kunu'kxtee oyjawep
(Mateo 5.1-22)
20Jä'ä Jesús Twin'ixpet jä ixpëjkpatëjk jäts tnïmye:
Kunu'kx miits ayoowjayeta, jäm miits jä mjuuyenta Kunu'kxtee winkujkm.
21Kunu'kx miits juu xyam yo'oketep, nëjkx miits xpaata Kunu'kxtee winkujkm kuuxen jootkitaaken.
Kunu'kx miits juu xyam yaaxtep tsyatsywinmaytep, ix'ooknem nëjkx mrijktene mxoontejktene.
22Kunu'kx miits ku jä jaye mu'äketa, ku myajkpawopta, ku myajkwinkotsnaxta, jä'ä naaxwiinete jaye y'unek këx mka tyajktsojkta. 23Riijkta xoontejkta jä'ä xëë, miitsta myajkmowaantep jä ma'ay pïjk jäm tsajpwotm; nawye'en jä'ä jaye juu jekän Kunu'kxtee tmutuunte.
24Miits jotkujk jayeta tëwan miits wanju'n mxiko'ta mxoontejko'ta.
25Xyam miitsta ku'x jotkitaakyita mnayjaweta, ix'ook nëjkx myo'oketa.
Xyam miista mrijkta mxoontejkta, ix'ooknem nëjkx m'awinmayta mtsaatsy winmayta
26Ka' y'oya ku miits myajk'akotsta, oy jä'ä Kunu'kxtee xpatunta, jä'ä mwinmaaytep tso jä jaye m'oyjawetat, we'en jyatkete jekän jä m'apta m'okta wya'anta Kunu'kxtee pyatuntep, ka' jä'ä y'oya, paaty ku kyë'ëm winmayen yajktuntep.
Jä tsoken mëët jä'ä juu mkamääkxetep
(Mateo 5.38-48; 7.12)
27Yajkxon x'amotenaxta tso miits nëmawanta. Sojkta jä'ä juu mkamäkxetep, oy mjaywitat mëët jä'ä juu mkamäkxetep, 28Pen pën miits mwinkotsnaxetep tsu'u x'atsowtat, pën ka' x'oyjawa amoteta jä Kunu'kxtee jäts mkunuukxet o'k winmayempatet jä'ä jaye juu mkamaxetep.
29Pen pën m'akukoxep tu'akëya jä tu'k atu'um jäm m'akopk, pen pëjkxep jä mnixo'x moe nawye'en jä mnixuya. 30Jatyumpëna pëntii myajk'amotep moe o'k putëjka, pentii mpëjkxep juu mits mjä'ä majktsooke' ka' xpayooy. 31Tsojkta miits jä jayeta tso ju'n miits xtsëjk jäts myajksojktat.
32Pen jä'ye miits mtsojktep juu mtsoketep, ¿juma xäjknikä'äxta? Nawye'en jä'ä jaywam juu Kunu'kxtee y'ayuuk kanijawep. 33Pen jä'ye miits oy mtuunjep juu oy mtuunxëp, ¿juma xäjknikä'äxta? Nawye'en jä'ä jaye jaywam juu Kunu'kxtee y'ayuuk kanijawep. 34Pen mootyep miits jä jaye anuukx jä'ye juu mukupätenep, ¿ka' we'en Kunu'kxtee tsejk? Nawye'en jä'ä jayeta jaywam juu Kunu'kxtee y'ayuuk kanijawep, nay'anuukxmoyetep nixen niyam y'aax'ijteps jäts yajkmukupatenet. 35Miitsta mtsojktap jä jaye juu mkatsoketep juu muaanep mu'äkketep, oy mjaywitat, x'anuukx moet ka' x'aax' itet jäts myajkmukupätet. Wa'nit myajkmootat jä mjuuyenta, wa'nit jä Kunu'kxtee m'unejkniwanetat juu tnimëjep, Kunu'kxtee wa'ats oy jä'ä tsyokïxp ananyjuma mëët jä juu kukotsen kamoyep jäts jä juu kaoy jayep. 36Oy miits mjaywitat mëteta jä pa'ayoowen, we'en i'xun jä Kunu'kxtee tmëëta jä pa'ayoowen.
Ka' jä muju'uk xtokenpayo'oy
(Mateo 7.1-5)
37Ka' xtoken npayo'oy jä muju'uk nawye'en jä Kunu'kxtee ka' mtokenpayoyetam, ka' jä muju'uk niyujk xjëënkotspet jäts nawye'en jä Kunu'kxtee ka' mjëënkotspatetam, token määkxe jä muju'uk jäts jä Kunu'kxtee mtokenmääkxetam. 38Moota muju'uk juu ka' ijtxep nawye'en jä Kunu'kxtee moojetam juu mkaijtxep, we'en ixu'un muju'uk xmëë may mëj, nawye'en jä Kunu'kxtee moyempitetam may mëj.
39Jä Jesús tumu'ixä: ¿Jäts oip jä wiints jaye twintupëkat jä tu'k jä wiints? ¿Ka', kipx jä'ä jyutwajktat? 40Jä ixpëjkpa ka' niyuk nyayjawat katii yajk'ixpëjkpa: ku tyajkukexat jä y'ixpëjken wa'nit jä yajk'ixpëket.
41¿Tiëx jä'ä x'ixpaaty jä ka'oyap juu muju'uk tyuump jäts mits xka'payo'oy mjä'ä juu ka'oy mtuump, we'en ixu'n tu'k jä muju'uk yïïnem wintëka x'ixpaaty jäts mits xkajawa jä mëë wintëka juu mits mëët? 42Penka' mits xjawa jä mëj wintëka, ¿tso ju'un mits jä muju'uk xnïma, muju'uk wa'n ëts tyajkpitseme yë pu'ux mwinjeetp? Mits ka'winmayempaatpa yajkpitsëme jäyip yë mëj wintëka juu mits mëët, wa'nit jä muju'k wintëka x'ixpatet.
Jä mëë kïp jä yajktu'ixkapy tso tyëëm
(Mateo 7.17-20; 12.34-35)
43Jä oy kïp ka' jä tiëma juu ka' oyep. Nayka jä ka'oy kïp tiëmat oy. 44Jä'ä yajk tuu'ixkap jä kïp tso tiëëma, jä yo'otspa ka' y'oya tiëëmat higo ju'n, nawye'en jä kam'tëëts ka' y'oya tiëëmat uva ju'n. 45Jä oyjaye oy ayuuk jä'ä kyetsp paatty ku oy winmaayen tmëëta jäm jyawen'këxm, jä ka'oyjaye jä'ä kye'ets jä ka'oy'ayuuk paatty ku jä'ä ka'oywinmayen myëët jyawen këxm juu winmääpy jä'ä kyetsp.
Tumu'ixa tso mätsk jëp jä tëjk tyajktsoontejk juu oy, juu ka' oy
(Mateo 7.24-27)
46¿Tiëx ëts miits xmukotsta, Wintsën, Wintsën jäts ka' xkutyunta tso ëts nwa'any? 47Pen pën ëts x'anëkxep jäts t'amotenäx jä n'ayuuk jäts tkutyun juu ëts nketsp; 48we'en ëts jä ntumu'ixa tso jä ya'atyëjk tyëjk tyajk'oyawa'any jä jut këëk ta'a mëjktsaa jä tyëjk tyuookep ku jä në'ë' kyëm o'yam jä mëpätspet tëjk wiin, ka' jä pyajïït paatty ku oy tyajk'oyite. 49Juu ëts x'amotenaxp jäts ka' tkutyun jä'ä ntumu'ixep tso jä ya'atyëjk tyëjk tyajk'oyawa'any wa'ats naaxkix, ku jä në'ë' kyem jäts mëjk myëpätspet nëwiin jätye jä new kite jä tëjk pyajïjt jäts wintokekix.
Terpilih Sekarang Ini:
Lucas 6: LKMIXHUI
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
