Shiyanso 23
23
Imfwa ya Saala
1Insiku sina uSaala wákhalaga pa nyi panu, sikhandi maakha ligana limo na mashumi gavili ni fungati (127). 2USaala wáfwililaga ku lijumbi lya Kiliyati-Aluba, insiku isi litambulwa Hebuloni. Ilijumbi ili lili ku nyi ya Kanaani. UAbulahamu wáyaalama na kimukhoola umudala waakwe uSaala. 3Baheene uAbulahamu wágulekha umufimba gwa Saala, wáwuukha, wáaluta kilogola na Vahiti, wávajovela wáaja, 4“One nikheele panyeenyu apa ngaja muhensa hela. Lino, nilomba munigusise uluvala ulunya mongolo inya lijooja nimusiile umudala wangu.”
5Baheene vamujovela uAbulahamu vaaja, 6“Mutwa, tupuliisa, owe uli mukhome panyeesu apa. Hagulaga uluvala ulwa lijooja luna lunofu, kusiina umuunu yuna asikukhaane ilijooja ilya kimusiila umudala waakho.”
7Baheene uAbulahamu wáyiima pa Vahiti, avaanu va nyi iyo, wávafugamila. 8Wávajovela wáaja, “Nda mwaniyiitikha nimusiile umudala wangu, nilomba munilombele kwa Efuloni, umwana wa Sohaali, 9anigusise imongolo yina yili mu Makipela mu nsala ya mugunda gwakwe. Mulombi anigusise kwa lifungu linofu lina isakula, pina na yuumwe mwiloleela, baheene nive nu luvala lwangu ulwa kivasiila avaanu vangu.”
10Woope uEfuloni akhandi akheele bahala na Vahiti vayine. Baheene uEfuloni wámujovela uAbulahamu baaho pa vayine woona vina vakhandi vakheele pa shikwilo sha lijumbi wáaja, 11“Yisili ndeeno wee mutwa wangu, nipuliisa. Nisikupeele umugunda guna guli ni mongolo, baaha pa Vahiti vayangu, umusiile umudala waakho.”
12UAbulahamu wáfugama khanji pa vaanu vala, 13wámujovela uEfuloni bahala pa vaanu woona vina vakhandi vakwali wáaja, “Nikikulomba unipuliise, nisikuhombe amahombo goona aga mugunda gwakho. Lino nikikulomba uyanushile ilihombo ili, baheene nimusiile umudala wangu.” 14Baheene uEfuloni wámujovela uAbulahamu wáaja, 15“Wee mutwa puliisa, umugunda gwa hela magana gana (400), shiinu shishi kunyangu noowe? Lutaga umusiile umudala waakho.”
16UAbulahamu wáliyiitikha ilifungu ilyo, wámujelela uEfuloni ihela magana gana (400) ngaja shina vakhandi vigusisania uluhaavi ulo, kwa Vahiti woona.
17Kuwudugo, uEfuloni wámupeela uAbulahamu umugunda guna gukhandi ku Makipela pina wiiluta ku Mamule, imongolo yina yikhandi apo, na mapishi goona gina gakhandi gakwali. 18Iliswi ilyo lyasenjekhaga pa Vahiti woona vina vakhandi vakungaanile pa shikwilo sha lijumbi ilyo.
19Gaganile kishila ago, uAbulahamu wáaluta kimusiila umudala waakwe pala pa mongolo, yina yili mu mugunda ugwa ku Makipela, kunena ya lijumbi lya Mamule, ilitaawa ilinji Hebuloni, lina lili mu nyi ya Kanaani. 20Shiisho ndeeno aVahiti vamugusisaaga uAbulahamu umugunda, guna gukhandi ni mongolo, luve luvala lwakwe ulwa kisiilila avaanu vaakwe.
Terpilih Sekarang Ini:
Shiyanso 23: Shisangu
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2020, Wycliffe Bible Translators, Inc. All rights reserved.