Kîam 15
15
Kîrîkanîro kîa Ngai na Aburamu
1Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”
2Nwatî Aburamu nîwacokirie atîrî, “Ûûi Ngai-Mûnene Ngai, kîrîa ûkaamva gîkaang'una nakî nîûndû nie ndirî ciana? Mûndû ûrîa ûkangaa nî Eliezeri wa kuuma Damesiki. 3We ndwanamva ciana na ngombo îmwe yakwa nîo îkangaa.”
4Aburamu nîwegwire Ngai-Mûnene akîmwîra rîngî atîrî, “Ngombo îo yaku, îo îtagwa Eliezeri tîo îgaakûgaa. Ûrîa ûkagaa indo akeethîrwa arî mûvîcîguo.” 5#Aro 4.18; Ahib 11.12 Ngai-Mûnene nîwaumagaririe Aburamu nja na akîmwîra atîrî, “Taroria kûrîa îgûrû na ûgerie gûtara njata wone kana nîûkûvota. Njiarwa ciaku nîikengîva ta njata icio.”
6 #
Aro 4.3; Agal 3.6; Jak 2.23 Aburamu nîwetîkirie Ngai-Mûnene. Nîûndû wa ûguo Ngai-Mûnene nîwamwîtîkîre arî mûndû mûthingu.
7Nîwacokire akîmwîra atîrî, “Nînie Ngai-Mûnene ûrîa wagûtongoririe kuuma Uri ya Akalidei nîguo mbûke ngûve vûrûri ûyû ûtuîke waku.”
8Nwatî Aburamu nîwaûririe atîrî, “Ngai-Mûnene Ngai, nie nîngîmenya atîa atî vûrûri ûcio ûkeethîrwa ûrî wakwa?”
9Ngai-Mûnene nîwamwîrire atîrî, “Ndetere mori, mvarika, na ndûrûme, na cionthe ciîthîrwe irî na ûkûrû wa mîaka îthatû. Ûcoke ûndetere îcîa na ndutuura.” 10Nake Aburamu nîwavirîre Ngai indo icio. Nîwaitinangirie wa nyamû maita maîrî na agîciga mîvari îîrî îroranîtie. Nwatî ndaatinangia iconi. 11Nderi nîciaûkire kûrîa nyama icio nwatî Aburamu nîwaciîngatire.
12 #
Ayu 4.13,14 Na vîndî îrîa riûa rîathûaga, Aburamu nîwamamire toro mûnene mûno, na akîgîa na guoya na kîmako kînene. 13#Ntha 1.1-14; Ciîko 7.6 Nake Ngai-Mûnene nîwerire Aburamu atîrî, “Njiarwa ciaku nîikethîrwa irî ng'eni vûrûrirî mûgeni. Nîigaatuîka ngombo kuo na ivinyîrîrue îvinda rîa mîaka magana mana. 14#Ntha 12.40-41; Ciîko 7.7 Nwatî nie nîngaaverithia mavûrûri marîa makaamatua ngombo. Makiuma vûrûrirî ûcio mûgeni, nîmagaakuua ûtonga mwîngî. 15Nwatî we nîûgaatûûra mîaka mîngî, na nîûgaakua ûrî na thayû na ûthikwe. 16Njiarwa ciaku igaacooka gûkû irî rûciarorî rwa kana, na ndikeengata Aamori arîa matûûraga vûrûrirî ûyû nîûndû îvinda rîao rîa kûverithua rîtikethîrwa rîrî rîkinyu.”
17Na rîrîa riûa rîathûire na gûgîtuka, mwaki mûnene watogaga ndogo na kîmûrî gîakanîte nîciavîtûkîrîre gatagatîrî ka nyamû icio. 18#Ciîko 7.5 Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati. 19Mavûrûri mau nîmo matûûragwa nî Akeni, Akenizi, Akadimoni, 20Ahiti, Aperizi, Arefaimu, 21Aamori, Akanaani, Agirigashi, na Ajebusi.”
Terpilih Sekarang Ini:
Kîam 15: KKB
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019